Category: Civic.am

ԱԺ «Քաղաքացիական պայմանագիր» խմբակցության պատգամավոր Հայկ Կոնջորյանը «Ֆեյսբուք»-ի իր էջում տեսանյութ է հրապարակել:

Ըստ Կոնջորյանի՝ նման աբսուրդ դեռևս չի եղել: Նա նշել է, որ 2 քաղաքական ուժի առաջին համարներն էլ չեն լինելու վարչապետի թեկնածու, թեկնածու չեն, այսինքն՝ լիդերներ չեն:

Մյուս աբսուրդն էլ, ըստ պատգամավորի, այն է, որ և՛ «Ուժեղ Հայաստան»-ի, և՛ «Բարգավաճ Հայաստան»-ի 2-րդ համարները Ռոբերտ Քոչարյանի դաշինքի պատգամավոր են եղել:

«Արամ Վարդևանյանն էլ, Անդրանիկ Թևանյանն էլ կեսից մանդատները դրել են, գնացել են իրենց գործերով, ու հիմա այս ուժն ասում է, թե Ռոբերտ Քոչարյանի հետ կապ չունեն»,- ասել է Կոնջորյանն ու հավելել, թե նախկինների էջը փակված է:

Ապրիլի 9-ին Երևանում Հայաստանի Հանրապետության և Շվեյցարիայի Համադաշնության արտաքին քաղաքական գերատեսչությունների միջև տեղի են ունեցել քաղաքական խորհրդակցություններ: Այս մասին տեղեկացնում են ՀՀ ԱԳՆ-ից:

Խորհրդակցությունների մեկնարկին ՀՀ ԱԳ նախարարի տեղակալ Վահան Կոստանյանը հանդես է եկել ողջույնի խոսքով: Նա ներկայացրել է տարածաշրջանային ընթացիկ զարգացումները՝ անդրադառնալով Վաշինգտոնի համաձայնություններից հետո Հարավային Կովկասում ձևավորված դրական դինամիկային, ինչպես նաև Ադրբեջանի և Թուրքիայի հետ Հայաստանի հարաբերությունների զարգացման միտումներին:

Խորհրդակցություններն այնուհետև ընթացել են ՀՀ ԱԳՆ Եվրոպայի վարչության պետ Հակոբ Սարգսյանի և Շվեյցարիայի արտաքին գործերի դաշնային գերատեսչության  պետքարտուղարի տեղակալ, Եվրասիական տարածաշրջանի վարչության պետ Պիեռ-Իվ Ֆուքսի գլխավորությամբ: Խորհրդակցություններին հայկական կողմից մասնակցել է նաև ՀՀ ԱԳՆ բազմակողմ քաղաքականության և զարգացման համագործակցության վարչության պետ Դավիթ Կնյազյանը:

Զրուցակիցները բարձր են գնահատել Հայաստանի և Շվեյցարիայի միջև առկա քաղաքական երկխոսությունը՝ երկուստեք ընդգծելով դրա շարունակական ամրապնդման փոխադարձ պատրաստակամությունը։

Անդրադարձ է կատարվել երկկողմ ոլորտային համագործակցության զարգացմանը վերաբերող մի շարք հարցերի, այդ թվում՝ տնտեսական, բարձր տեխնոլոգիաների, կրթության ոլորտներում փոխգործակցությանը, ինչպես նաև բազմակողմ հարթակներում ձևավորված արդյունավետ համագործակցության խորացմանը։

Ընդգծվել է Շվեյցարիայի կողմից Հայաստանին ցուցաբերվող շարունակական աջակցությունը զարգացման համագործակցության ոլորտում՝ հատկապես հումանիտար կարիքների հասցեագրման ուղղությամբ:

Մտքեր են փոխանակվել միջազգային կարևորություն ունեցող մի շարք հարցերի շուրջ։

Ղազախստանի Հանրապետության գլխավոր դատախազությունը բավարարել է Հայաստանի Հանրապետության գլխավոր դատախազության միջնորդությունը. հետախուզվող անձ Կ.Մ.-ն, ով մեղադրվում է առանձնապես խոշոր չափերով՝ 8 միլիոն 788 հազար դրամ խարդախությամբ հափշտակելու մեջ, հանձնվել է Հայաստանի Հանրապետության իրավասու մարմիններին: Այս մասին տեղեկացնում են ՀՀ գլխավոր դատախազությունից:

ՀՀ գլխավոր դատախազության հանձնարարությամբ՝ Ներքին գործերի նախարարության ոստիկանության աշխատակիցների կողմից ապահովվել է Կ.Մ.-ի տեղափոխումը Երևան:

Ղազախստանի Հանրապետության գլխավոր դատախազությունը բավարարել է Հայաստանի Հանրապետության գլխավոր դատախազության միջնորդությունը. հետախուզվող անձ Կ.Մ.-ն, ով մեղադրվում է առանձնապես խոշոր չափերով՝ 8 միլիոն 788 հազար դրամ խարդախությամբ հափշտակելու մեջ, հանձնվել է Հայաստանի Հանրապետության իրավասու մարմիններին: Այս մասին տեղեկացնում են ՀՀ գլխավոր դատախազությունից:

ՀՀ գլխավոր դատախազության հանձնարարությամբ՝ Ներքին գործերի նախարարության ոստիկանության աշխատակիցների կողմից ապահովվել է Կ.Մ.-ի տեղափոխումը Երևան:

Բարգավաճ Հայաստան կուսակցության ընտրական ցուցակի առաջին համարը լինելու է Գագիկ Ծառուկյանը։

Այս մասին լրագրողների հետ զրույցում հայտարարել է «Առաջարկ Հայաստանին» նախաձեռնությանը միացած «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը։

Սուրենյանցը նաև ասել է, որ իրենց քաղաքական ուժը բացառում է համագործակցությունը «Քաղաքացիական պայմանագիր» կուսակցության հետ։

«Քաղաքական դաշտում արդեն ձևավորվում են խոշոր կոնսոլիդացիաներ, և առաջիկա ընտրությունները կընթանան այլ սցենարով, քան 2021 թվականին։ Մենք գնում ենք ընտրություններին հաղթելու»,- ասել է նա։

Կառավարության ընդունած որոշմամբ «Եռաբլուր» զինվորական պանթեոնում հուղարկավորված անձանց ընտանիքների միջոցներով և նախընտրած ձևով պատրաստված ու տեղադրված շիրմաքարերի լրակազմերի կամ դրանց բաղադրիչների դիմաց հատուցում կտրամադրվի: Հատուցման անհրաժեշտությունը պայմանավորված է նաև այն հանգամանքով, որ 2023 թվականի ընթացքում տեղի ունեցած դեպքերի արդյունքում զոհված (մահացած) և պանթեոնում հուղարկավորված անձանց գերեզմանների բարեկարգման նպատակով անհրաժեշտ կլիներ ձեռքբերել նոր լրակազմեր` այդ նպատակով հայտարարելով մրցույթ, որի փոխարեն առաջարկվում է հատուցել զոհվածների ընտանիքների կողմից պատրաստված և տեղադրված տապանաքարերի արժեքը, իսկ այդ նպատակով նախատեսված և չօգտագործված ու պահեստավորման ենթակա տապանաքարերն արդեն իսկ կնքված Պայմանագրի շրջանակներում օգտագործել նոր հուղարկավորված զինծառայողների գերեզմանների բարեկարգման համար:

Որոշման համաձայն նախատեսվում է ՀՀ ՊՆ կապիտալ շինարարության և զորքերի բնակավորման վարչությունից ստացված տեղեկատվության հիմքով ապահովել «Եռաբլուր» զինվորական պանթեոնում հուղարկավորված թվով 8 անձանց ընտանիքների կողմից տապանաքարերի պատրաստման և տեղադրման ծախսերն իրենց միջոցներով իրականացված լինելու պայմաններում այդ ընտանիքներին հատուցում տրամադրելու գործընթացը:

Կառավարության որոշմամբ, ՀՀ պաշտպանության նախարարության տնօրինության տակ գտնվող 87 միավոր տրանսպորտային միջոց հետ է վերցվել և ամրացվել է ՀՀ տարածքային կառավարման և ենթակառուցվածքների նախարարության պետական գույքի կառավարման կոմիտեին:

Վերոնշյալ գործընթացի ընթացքում պարզվել է, որ 46 միավոր տրանսպորտային միջոցի տեխնիկական փաստաթղթերում առկա են վրիպակներ և անհամապատասխանություններ, ընդ որում դրանցից 1-ը գրանցված է այլ սուբյեկտի անվամբ և անհրաժեշտ է հանել ցանկից։

Հիմք ընդունելով ՀՀ պաշտպանության նախարարության գրությունը և Գույքի հանձնման-ընդունման հանձնաժողովի զեկուցագրով ներկայացված շտկված ցանկը՝ մնացյալ 45 միավոր տրանսպորտային միջոցների հետագա ամրացման գործընթացն իրականացնելու նպատակով անհրաժեշտություն է առաջացել Կառավարության 2025 թվականի մայիսի 29-ի № 663-Ա որոշման հավելվածի մեջ կատարելու փոփոխություններ:

«Քաղաքացիական պայմանագիր» խմբակցության պատգամավոր Թագուհի Ղազարյանը սոցցանցի իր էջում անդրադարձել է «Ուժեղ Հայաստանի» վարչապետի թեկնածու Նարեկ Կարապետյանի վերջին տեսանյութերից մեկին՝ կապված ուսուցիչների ատեստավորման գործընթացի հետ։

««Ուժեղ Հայաստանի» վարչապետի թեկնածու Նարեկ Կարապետյանը տեսանյութ է հրապարակել (կարծես ԱԲ չէ), որում պատմում է, որ ուժեղ Հայաստանում ատեստացիայից առաջ (ենթադրում եմ նկատի ունի կամավոր, ոչ թե հերթական) բոլոր ուսուցիչները կունենան անվճար վերապատրաստվելու հնարավորություն և կհրապարակեն գրականության ցանկը, որը դրված է լինելու թեստերի հիմքում։

Կարող եմ անվճար լայֆհաք ասել. որևէ գյուտ անելուց առաջ ԱԲ-ին հարցրեք, թե որ թվականից է այդ կարգավորումը ուժի մեջ։

Ուսուցիչների թե’ կամավոր, թե’ հերթական ատեստավորման ժամանակ բոլոր մանկավարժները հնարավորություն ունեն անվճար վերապատրաստվելու։ Ավելին, ատեստավորումից կտրված ուսուցիչներին պետությունը ոչ թե հեռացնում է համակարգից, այլ հենց վերապատրաստում առաջարկում աշխատանքին զուգահեռ։

Բոլոր առարկաների թեստերի հիմքում ընկած մասնագիտական գրականության ցանկերը հրապարակված են ԳԹԿ կայքում։

Այս փաստերը, հնարավոր է, Նարեկ Կարապետյանը չգիտի, բայց գիտեն համակարգի հազարավոր շահառուները։

Ես իսկապես չեմ հասկանում այս կրկնվող տրամաբանությունը, ո՞ւմ համար են այս տարօրինակ առաջարկները, եթե բուն շահառուներին չեն գրավելու, մեդիայի՞, պատվիրատուների՞, ո՞ւմ։

Ինչպես որ ցանկացած մեկը նայելով իր շուրջը, նույնիսկ ամենահեռավոր գյուղի խորքերում, կտեսնի, օտարերկրացի աշխատողներին և կհասկանա, որ 300 հազար աշխատատեղի կարիք չունի ՀՀ-ն, այլ աշխատողների, այնպես էլ ցանկացած ուսուցիչ գիտի, որ ինքն արդենիսկ ապրում է ուժեղ Հայաստանում, և նոր տարակուսելի հավելումների կարիք չկա»,- գրել է պատգամավորը։

Այսօր՝ ապրիլի 9-ին, ավտովթար է տեղի ունեցել Արարատի մարզում։ Ժամը 13։50-ի սահմաններում Երևան-Երասխ ավտոճանապարհի Զոդի կամրջից դեպի Արարատ-Բանավան թաղամաս տանող ճանապարհին բախվել են Սյունիքի մարզի բնակիչ 36-ամյա Արմեն Հ․-ի վարած «Mercedes» և Արարատի մարզի բնակիչ 34-ամյա Տարոն Պ․-ի վարած «ՎԱԶ 2107» մակնիշի ավտոմեքենաները։

Ինչպես հայտնում է shamshyan.com-ը, ըստ նախնական տեղեկությունների, տուժածներ չկան։

Վթարի փաստով ՊԾ Արարատի մարզի գումարտակում փաստաթղթեր են կազմվում։ Վարորդները ենթարկվել են սթափության փորձաքննության, եղել են սթափ։