Մեծ Բրիտանիայի Արքայական ռազմածովային ուժերի ջրասուզակները նախապատրաստվում են Հորմուզի նեղուցի ականազերծմանը՝ համապատասխան քաղաքական որոշման կայացման պարագայում։ Այս մասին հայտնում է Politico պարբերականը։ Համաձայն հրապարակման, սակրավորներն ու մյուս մասնագետները, ովքեր ունեն համապատասխան որակավորում, այժմ նախապատրաստվում են, եւ առաջին իսկ հրահանգի դեպքում՝ կանցնեն Հորմուզի նեղուցի ականազերծման առաջադրանքի կատարմանը։
Իրանը, ամերիկյան կողմից փոխանցված հակամարտության կարգավորման ամերիկյան առաջարկների իր պատասխանում հրաժարվել է ապամոնտաժել իր միջուկային օբյեկտները, որը պնդում է Վաշինգտոնը։ Այս մասին հայտնում է The Wall Street Journal պարբերականը։ Համաձայն հոդվածի, Իրանը համաձայն է դադարեցնել ուրանի հարստացումը, սակայն ոչ 20 տարով, ինչպես դա պահանջում է Վաշինգտոնը։
Բացի այդ, Թեհրանն առաջարկում է վերամշակել իր ունեցած հարստացված ուրանը եւ իջեցնել հարստացման աստիճանը։ Մնացած մասը՝ Թեհրանը համաձայն է փոխանցել երրորդ կողմի, պայմանով, որ եթե որեւէ կերպ Միացյալ Նահանգները հրաժարվի գործարքից, ապա այդ ուրանի պաշարը կվերադարձվի Իսլամական Հանրապետությանը։
Գերմանիայի Պաշտպանության նախարար Բորիս Պիստորիուսը մայիսի 11-ի առավոտյան այցելել է Ուկրաինա՝ Կիեւ։ Համաձայն ուկրաինական մամուլում տեղ գտած հրապարակումների, Պիստորիուսը բանակցություններ կանցկացնի ուկրաինական ռազմաքաղաքական ղեկավարության հետ պաշտպանության ոլորտում ուկրաինա-գերմանական համագործակցության օրակարգով։ Կքննարկեն նոր համատեղ նախագծերի, այդ թվում՝ համատեղ ԱԹՍ-ների նոր տեսակների մշակման եւ արտադրման հետ կապված հարցերը։
Անգլիական «Լիվերպուլը» շարունակում է ուսումնասիրել Խաբի Ալոնսոյի թեկնածությունը՝ իր թիմի գլխավոր մարզչի պաշտոնի համար։ Այս մասին հայտնում է AS-ը։ Անգլիացիները կապ ենց հաստատել Մադրիդի «Ռեալի» հետ, որպեսզի հավելյալ տեղեկություններ ստանան այն մասին, թ եինչպես է Ալոնսոն աշխատել «արքայական» ակումբում։ Հոդվածում ասվում է, որ անգլիացիները ցանկանում են ստանալ յուրատեսակ «երաշխավորական նամակ»՝ նախքան Ալոնսոյի հետ հնարավոր աշխատանքային համագործակցության պայմանագրի կնքումը։
Հիշեցնենք, որ Ալոնսոն մի քանի ամիս է միայն հասցրել աշխատել «Ռեալում»՝ սկսելով անցյալ տարվա ամառվանից եւ ավարտելով այս տարվա հունվարի կեսին։
Եվրահանձնաժողովը հույս ունի, որ արդեն մոտ ապագայում կկարողանա Ուկրաինային փոխանցել՝ նախատեսված 90 միլիարդ եվրոյի հատկացման առաջին մասնաբաժինը։ Այս մասին հայտարարել է ԵՄ բարձրաստիճան ներկայացուցիչներից Մարթա Քոսը։ «Մենք հույս ունենք, որ առաջիկա շաբաթ կկարողանանք ուղարկել առաջին մասնաբաժինը»,- ի պատասխան լրագրողի համապատասխան հարցի, ասել է եվրահանձնակատարը։ 90 միլիարդ եվրոյի հատկացումը կուղղվի Ուկրաինայի մակրոտնտեսական աջակցությանն ու պաշտպանական կարիքների հոգացմանը։
Իրանի Գերագույն առաջնորդ Մոջթաբա Խամենեին հանդիպում է ունեցել «Խաթամ ալ Անբիա» բանակի գլխավոր շտաբի ղեկավար Ալի Աբդոլահիի հետ եւ բանակի հետ կապված նոր հրահանգներ է տվել։ Այս մասին հայտնում է SNN—ը։
Հրահանգները վերաբերվում են նաեւ Իրանի հակառակորդներին վճռական հակահարված տալուն։ Աբդոլահին հավաստիացրել է, որ իրանական բանակը ամբողջովին նվիրված է նրան եւ պատրաստ պաշտպանելու ազգային շահերն ու ինքնիշխանությունը։
Ես կոնկրետ քո հետ եմ, Թաթոյան ջան.«Միասնության թեւերի» քարոզարշավի 4-րդ օրվա ամփոփումը
Ովքե՞ր են գործող իշխանություններին ձայն տվողները: Թերևս կայունություն, խաղաղություն, ապահովություն երազող մարդիկ: Ազնիվ ձգտում է` բան չունեմ ասելու: Մարդիկ իրավունք ունեն վախենալ փոփոխություններից ու ցնցումներից, խաղաղ ու կանխատեսելի ապագա ուզենալ, կայուն եկամուտ և բարեկեցիկ կյանք: Դեր է խաղում նաև այն, որ փորձած թանը չեն ուզում փոխել անփորձ մածունի հետ:
Բայց այդ դիրքորոշումը միանգամայն հասկանալի եւ ընդունելի կլիներ, եթե գործող իշխանությունը լիներ այդ կայունության, ապահովության, խաղաղության, անցնցում ապագայի երաշխավորը:
Սակայն այնպես է ստացվել, որ այսօր ճիշտ հակառակն է` գործող իշխանությունը հենց անկայունության, անապահովության, ցնցումների, պատերազմների, ճգնաժամերի ու անհայտ ապագայի երաշխավորն է:
Եկեք առանց էմոցիաների քննարկենք ներկա իրավիճակն ու ՔՊ-ի` մեզ բերելիք ապագան:
ՔՊ-ի իշխանության մնալը նշանակելու է նորանոր շանտաժներ Ադրբեջանի կողմից եւ պատերազմի վախով կամ հենց պատերազմներով` նորանոր զիջումների կորզում Հայաստանից: Այսինքն, պատերազմից ու նոր տարածքներ կորցնելուց ապահովագրված չենք:
ՔՊ-ի իշխանության մնալը նշանակում է Ռուսաստանի հետ հարաբերությունների հետագա լարում, անկայունություն, գուցե նաև պատժամիջոցներ, որոնք կարող են արտահայտվել եւ գազի գնի բարձրացմամբ, եւ Ռուսաստանից 2 միլիոն հայերի դեպորտով, եւ տնտեսական կապերի խզմամբ, իսկ ոչ մեկի համար գաղտնիք չէ, որ մեր արտադրանքի ուղիղ կեսը գնում է Ռուսաստան, Հայաստան եկող փոխանցումների առյուծի բաժինը գալիս է Ռուսաստանից:
ՔՊ-ի իշխանության մնալը նշանակում է հայ առաքելական եկեղեցու վրա հարձակումների նոր ալիք` նորից շրջիկ պատարագներ, եկեղեցում նոր տիրադավների ու կարգալույծների ի հայտ գալ, հոգեւորականների նոր կալանավորումներ, դատ ու դատաստան, կաթողիկոսին հեռացնելու փորձեր, եկեղեցու պառակտում, Հայաստանյան ու սփյուռքի եկեղեցիների տարանջատում: Ինչպես նաև սփյուռքի համայնքների առավել օտարում հայրենիքից…
Ի դեպ, այս բոլորի մասին ՔՊ-ն բացեիբաց ու անամոթաբար գրել է իր նախընտրսկան ծրագրում:
ՔՊ-ի մնալը նշանակում է, որ ցանկացած օր ՔՊ առաջնորդի դուրը կարող է չգալ ձեր կանգնելու կամ խոսելու ձեւը, ձեր տված հարցը, ձեր շորի գույնը… եւ դուք մի քանի րոպեում աշխատատեղից զրկվեք, ինչպես «վարչապետի հետ զգաստ չխոսող» զինվորականի հետ եղավ:
ՔՊ-ի մնալը նշանակում է այլախոհների հետապնդումներ, Բաքվում գերիների առկայություն, բիզնեսին ուղղված ոտնձգություններ, նորանոր մարդկանց ելք ու մուտքի սահմանափակումներ…
Եվ վերջապես Նիկոլ Փաշինյանի մնալը վարչապետի պաշտոնում դա նշանակելու է նորանոր ստատուսներ` գռեհիկ բառամթերքով, ամենօրյա լայվեր, հայտարարություն-ոտնձգություններ ուղղված հայոց պատմությանն ու հայկական արժեքներին…
Այնպես որ խաղաղ, կայուն և ապահով կյանքի հույս չունենաք…
Միացյալ Նահանգների ծախսերը Իրանի դեմ ռազմական գործողություն իրականացնելիս, ըստ IWCT-ի հաշվարկների՝ գերազանցել է 77 միլիարդ դոլարը։ Այս մասին տեղեկանում ենք հիշյալ ռեսուրսի հրապարակած տվյալներից։ Ռազմական արշավի առաջին վեց օրերին Վաշինգտոնը ծախսել է 11,3 միլիարդ դոլար։ Հաշվարկները կատարելիս՝ հաշվի են առնվել անձնակազմի վրա կատարված ծախսերը, նավերի պահպանության եւ սպասարկման ծախսերը, որոնք տեղափոխվել են այդ ռեգիոն, ինչպես նաեւ այլ հարակից ծախսեր։ 1 օրում ամերիկյան կողմի ծախսերը գերազանցել են 1 միլիարդ դոլարը, ասված է ներկայացված զեկույցում։
Պետք է առաջնորդ, ով գիտի լավ կյանք ապահովվելու ձևը․ Նարեկ Կարապետյան