Category: Hraparak

Ադրբեջանի նախկին արտգործնախարար Թոֆիկ Զուլֆուգարովը, ով ներկայում հանդես է գալիս որպես քաղաքական վերլուծաբան, հերթական ցինիկ ու հակահայ հայտարարությունն է արել։ Ըստ նրա՝ «Նախիջևանի շրջափակումը մնում է չլուծված քիչ խնդիրներից մեկը»։ Այս մասին նախկին պաշտոնյան գրել է իր Ֆեյսբուքյան էջում։

«Եկեք խոսենք մեր Զանգեզուրի մասին, որը մենք պետք է վերադարձնենք», – Հայաստանի նկատմամբ ակնհայտ տարածքային պահանջատիրական ու սպառնալից տոնով գրել է Զուլֆուգարովը՝ նկատի ունելով մեր հանրապետության Սյունիքի մարզը։

«Հայտնի 9-րդ կետի չկատարումը (միակողմանիորեն մեկնաբանում է Նոյեմբերի 9-ի եռակողմ համաձայնագիրը – խմբ․) իսկ այժմ TRIPP նախագծով ստանձնած պարտավորությունները ապացուցում են, որ Հայաստանը միտումնավոր փորձում է շարունակել մեր երկրի մի մասի շրջափակումը», – ցնդաբանել է նախկին նախարարը։

Դրանից ելնելով՝ Զուլֆուգարովը կարծում է, որ «Ադրբեջանն իրավունք ունի ձեռնարկել քաղաքական և ուժային լայնածավալ միջոցառումներ իր էքսկլավը բացելու համար»։

Նա «որպես այս հնարավոր սցենարի հիմնական իրավական և քաղաքական գործոններ նշել է Հայաստանի կողմից 2020 թվականի նոյեմբերի 9-ի և 2025 թվականի Վաշինգտոնյան համաձայնագրերով ստանձնած պարտավորությունների չկատարումը, ինչպես նաև 1991 թվականի Ալմա-Աթայի հռչակագրին համապատասխան Ադրբեջանի ԽՍՀ երկաթուղու Մեղրիի հատվածի սեփականության չլուծված հարցը»։

Շարունակելով ռազմատենչ ու հակահայկական հռետորաբանությունը, նախկին չինովնիկը զառանցել է նաև, թե «հիշյալ հատվածի վերջնական սեփականության հարցը կարող է որոշվել միայն բանակցությունների ավարտից հետո, իսկ Ադրբեջանը կարող է և պետք է պահանջի լիարժեք մասնակցություն այս հարցի շուրջ բոլոր բանակցային ձևաչափերին իր միջազգային գործընկերների, այդ թվում՝ Միացյալ Նահանգների և Ռուսաստանի հետ»․

«Ադրբեջանը կարող է առաջարկել ապահովել երկաթուղու Մեղրիի հատվածի լիարժեք վերականգնումը և շահագործման հանձնումը, իսկ այդ հատվածի կարգավիճակը, սեփականությունը և շահագործման կանոնները կարող են լրացուցիչ որոշվել Ադրբեջանի և Հայաստանի միջև բանակցությունների ընթացքում»։

Յունիբանկը հայտարարում է ՀՀ դրամով անժամկետ պարտատոմսերի նոր թողարկման մասին։ Թողարկման ծավալը կազմում է 3 միլիարդ ՀՀ դրամ, որը նախատեսվում է տեղաբաշխել մինչև 2026 թվականի դեկտեմբերի 4-ը։

Անժամկետ պարտատոմսերը հնարավորություն են տալիս երկարաժամկետ հեռանկարում ստանալ կանոնավոր արժեկտրոնային եկամուտ։ Պարտատոմսերի տարեկան արժեկտրոնային եկամտաբերությունն առաջին 36 ամիսների համար սահմանված է 13,2%, որից հետո այն կհաշվարկվի՝ պետական պարտատոմսերի եկամտաբերության կորի՝ 3 ամիս ժամկետայնության համար հաշվարկված մինչև մարում եկամտաբերությանը գումարելով 6%։ Արժեկտրոնային եկամուտը կվճարվի եռամսյակային պարբերականությամբ։

Մեկ պարտատոմսի անվանական արժեքը կազմում է 10 000 ՀՀ դրամ, իսկ ձեռքբերման նվազագույն ծավալը՝ 1 000 000 ՀՀ դրամ։

Բանկի կողմից թողարկված անվանական անժամկետ պարտատոմսերով ներգրավված դրամական միջոցները երաշխավորված են Ավանդների հատուցումը երաշխավորող հիմնադրամի կողմից՝ «Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքով սահմանված չափով, կարգով և պայմաններով։

Թողարկողի և թողարկվող արժեթղթերի վերաբերյալ ամբողջական տեղեկատվության համար անհրաժեշտ է համատեղ դիտարկել ծրագրային ազդագիրը (գրանցված է 26.11.2025 թ. թիվ 1/427 Ա որոշմամբ), դրա լրացումները և սույն թողարկման վերջնական պայմանները։ Ներդրողները անժամկետ պարտատոմսերի ծրագրային ազդագրի և ազդագրին կից ներկայացվող փաստաթղթերի տպագիր տարբերակները կարող են ձեռք բերել Յունիբանկի գլխամասային գրասենյակում և մասնաճյուղերում, իսկ էլեկտրոնային տարբերակներին ծանոթանալ՝ www.unibank.am կայքում։

Բանկը վերահսկվում է ՀՀ Կենտրոնական բանկի կողմից:

Юнибанк выпустил бессрочные облигации с годовой купонной доходностью 13,2%

Юнибанк объявляет о новом выпуске бессрочных облигаций в драмах РА. Объём выпуска составляет 3 млрд драмов РА. Размещение планируется завершить до 4 декабря 2026 года.

Бессрочные облигации позволяют получать регулярный купонный доход в долгосрочной перспективе. Годовая купонная доходность облигаций на первые 36 месяцев установлена на уровне 13,2%. По истечении этого периода она будет рассчитываться путём прибавления 6% к доходности до погашения, рассчитанной по кривой доходности государственных облигаций для срока 3 месяца. Купонный доход будет выплачиваться ежеквартально.

Номинальная стоимость одной облигации составляет 10 000 драмов РА. Минимальный объём приобретения — 1 000 000 драмов РА.

Денежные средства, привлечённые посредством выпущенных Банком именных бессрочных облигаций, гарантируются Фондом гарантирования возмещения вкладов в размере, порядке и на условиях, установленных Законом РА «О гарантировании возмещения банковских вкладов физических лиц».

Для получения полной информации об эмитенте и выпускаемых ценных бумагах необходимо рассматривать в совокупности программный проспект эмиссии, зарегистрированный решением № 1/427 А от 26.11.2025 г., дополнения к нему и окончательные условия данного выпуска. Печатные версии программного проспекта эмиссии бессрочных облигаций и прилагаемых к нему документов инвесторы могут получить в головном офисе и филиалах Юнибанка. Электронные версии доступны на сайте www.unibank.am

Տարոն Չախոյանը «Ֆեյսբուք»-ում մի գրառում է արել, որով ավելի շատ իրենց է բացահայտում։ Պարզվում է, որ ազգային ժողովը կռվի, մենամարտի վայր է։ Իշխանությունն ունի համապատասխան ուժ, որը ծառայում է ՔՊ-ին ՝ պետական բոլոր ատրիբուտներով։ Բոլորը գիտեն այդ մասին, և դա Չախոյանի արձանագրումը չէ։

Ընդդիմադիրների կողմից մի փոքրիկ ձայն ու «ոստիկան են կանչում»։ Թեև այնտեղ ոստիկանի դեր են կատարում նաև ՔՊ արիասիրտ նախագահական կազմը՝ զինվոր պատգամավորներով։ Բայց Չախոյանին դա չի անհանգստացնում։ Նրան անհանգստացնում է մի ուրիշ բան․ երբ իրենք հարձակվում են ընդդիմադիրների վրա, ընդդիմադիրները փորձում են պաշտպանվել։ Ահա թե ինչ է գրում․ «Ուժեղ ենք, ուժեղ ենք… Կալուգացի Սամոյի եղբոր որդին էնքան ուժեղ է, որ ախռանիկներին բերել է ԱԺ, գրանցել որպես պատգամավորի օգնական, որ հարկ եղած դեպքում հարձակվեն պատգամավորների վրա, ինչպես երեկ էին փորձում խուլիգանավարի ներխուժել»։

Այսինքն՝ հարձակվող կողմը նեղվում է, որ դիմացինը չի համաձայնում ընկնել հարվածի տակ։ Եթե Տարոն Չախոյանի ասածը ճիշտ է, ապա իրավիճակը շատ պարզ է․ իշխանությունը՝ հարձակվողն է, ընդդիմությունը՝ պաշտպանվողը։ Ու այստեղ հարց է առաջանում՝ եթե հարձակվողին դուր չի գալիս, որ պաշտպանվողը պաշտպանվում է, ապա ի՞նչ է առաջարկում։

Չդիմադրե՞լ։

Առաջին հայացքից, երբ տեսնում ես մարտի դաշտ նետված ՔՊ-ականներին, մտածում ես՝ ընդդիմությունը պետք է ոչ թե օգնականներով դիմադրի, այլ ինքնապաշտպանության ջոկատ ստեղծի։ Որովհետև հարձակվողից պաշտպանվելը դեռ օրենքով արգելված չէ։
Իսկ թե հարձակվող կողմը ով է, մենք՝ ,,եվրոդիտորդներս,, , արդեն ութ տարի տեսնում ու արձանագրում ենք։

Խորհրդակցություն Հայոց Եկեղեցու դեմ
նախաձեռնված հակասահմանադրական քայլերի շուրջ
________
Հոկտեմբերի 6-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում հանդիպում ունեցավ մի խումբ հեղինակավոր իրավաբանների, իրավապաշտպանների և սահմանադրագետների հետ, որի ընթացքում քննարկվեցին Եկեղեցի-պետություն հարաբերություններում առկա հիմնախնդիրները և Ազգային ժողովի՝ Հայոց Եկեղեցուն առնչվող նախաձեռնությունները։

Ամենայն Հայոց Կաթողիկոսն իր օրհնությունն ու գնահատանքը բերեց հանդիպման մասնակիցներին՝ Հայոց Եկեղեցու իրավունքների պաշտպանության գործում ցուցաբերած նախանձախնդրության համար՝ կարևորելով վերջիններիս մասնագիտական աջակցությունը՝ Եկեղեցու առջև ծառացած խնդիրների հաղթահարման իրավական ուղիների նախանշման գործում։

Ապա ի.գ.դ., պրոֆեսոր տիար Գևորգ Դանիելյանը և փաստաբան, ի.գ.թ. տիար Արա Զոհրաբյանն անդրադարձան Հայոց Եկեղեցուն առնչվող նախաձեռնություններին՝ վարչապետի հանձնարարությամբ Եկեղեցու վերաբերյալ պատրաստված զեկույցին և Ազգային ժողովում այս կապակցությամբ ձևավորված քննիչ հանձնաժողովին։ Ներկայացվեցին նաև տեղեկություններ Եկեղեցուն և եկեղեցականներին առնչվող քրեական վարույթների ընթացքի, կայացված դատական ակտերի ու իրավունքների պաշտպանության ուղղությամբ ձեռնարկվող քայլերի վերաբերյալ։

Խորհրդակցության մասնակիցները դատապարտեցին Հայոց Եկեղեցու վերաբերյալ Ազգային ժողովի քննիչ հանձնաժողովի ստեղծումը՝ այն գնահատելով որպես բացահայտ հակասահմանադրական և փորձ միջամտելու Եկեղեցու ներքին կյանքին ու ինքնակառավարմանը։ Ընդգծվեց, որ Եկեղեցու ղեկավարության, ներքին կառավարման և կանոնական կյանքի հարցերը Ազգային ժողովի իրավասության մեջ չեն և խորհրդարանական վերահսկողության առարկա չեն կարող լինել։ Նշվեց նաև, որ խորհրդարանական վերահսկողություն սահմանելու փորձերը հակասում են Եկեղեցու՝ պետությունից անջատ լինելու ու կրոնական կազմակերպությունների ինքնավարության սահմանադրական սկզբունքներին, ինչպես նաև կրոնական ազատության պաշտպանության միջազգային չափանիշներին։

Ներկայացվեցին առաջարկություններ՝ Հայոց Եկեղեցու և եկեղեցականների իրավունքների պաշտպանության ներպետական ու միջազգային իրավական միջոցների կիրառման, ինչպես նաև Եկեղեցու բնականոն գործունեությունն ու հոգևոր ծառայությունը խաթարող խոչընդոտների հաղթահարման վերաբերյալ։

Վերջում Ամենայն Հայոց Կաթողիկոսը վերահաստատեց, որ Հայ Եկեղեցին մշտապես գործել և գործում է օրենքի սահմաններում, իսկ Մայր Աթոռի պահանջն է իրավունքի և օրենքի գերակայության ապահովումն ու Եկեղեցու սահմանադրական ինքնավարության հարգումը։ Նորին Սրբությունը կարևորեց ներկայացված մասնագիտական գնահատականներն ու առաջարկությունները՝ առկա խնդիրների հանգուցալուծման համար, և հայցեց Տիրոջ զորակցությունը արդարության և ճշմարտության պաշտպանությանն ուղղված իրավաբանների գործունեությանը

Հունաստանում 32-ամյա հային ցմահ ազատազրկման են դատապարտել Ռոդոս կղզու մոտ տեղի ունեցած նավաբեկության և Թուրքիայից երկիր անօրինական միգրանտների մաքսանենգության համար, որի հետևանքով երկու մարդ է զոհվել։ Նման որոշում է կայացրել Ռոդոս քաղաքի քրեական վերաքննիչ դատարանը, որի մասին հայտնում են հունական ԶԼՄ-ները։

Ըստ հրապարակումների, նրա հանցակիցները՝ 31-ամյա ադրբեջանցին և 34-ամյա հայը, դատապարտվել են ինը ամսվա ազատազրկման։ Դատարանը երեք տարով կասեցրել է դատավճռի կատարումը։

Ցմահ ազատազրկման դատապարտված հայը նաև պարտավորվել է վճարել 2.4 միլիոն եվրո տուգանք։

Հունական լրատվամիջոցների հաղորդագրությունների համաձայն՝ միջադեպը տեղի է ունեցել անցյալ տարվա հոկտեմբերին։ Անօրինական միգրանտներ տեղափոխող մոտորանավակը շրջվել է Ռոդոս կղզու մոտ, որի հետևանքով զոհվել է 10-ամյա իրաքցի տղա և 21-ամյա պաղեստինցի՝ Գազայից։ Նավի վրա գտնվող մնացած 19 մարդկանց փրկել է Հունաստանի առափնյա պահպանությունը։

Մոտորանավը մեկնել է 2025 թվականի հոկտեմբերի 13-ի երեկոյան՝ Թուրքիայի Մարմարիս քաղաքից, որի վրա եղել է 21 մարդ։ Մոտավորապես ժամը 00:20-ին նավը նկատվել է ափամերձ պահպանության պարեկային նավակի կողմից։ Պարեկային նավակի կապիտանի խոսքով՝ մոտորանավակի օպերատորը չի արձագանքել լուսային և ձայնային ազդանշաններին: Դրա փոխարեն նա մեծացրել է նավակի արագությունը և կատարել կտրուկ ու վտանգավոր մանևրներ: Կարճ ժամանակ անց մոտորանավակը շրջվել է՝ բոլոր ուղևորներին ծովը նետելով: Գործի նյութերից երևում է, որ նրանք փրկարար բաճկոններ չեն կրել:

Հաջորդող գործողության ընթացքում փրկվել է տասնվեց ներգաղթյալ: Չորս փրկվածներ իշխանություններին պատմել են, թե ինչպես են իբր կազմակերպել ուղևորությունը: Նրանք հայտնել են, որ սոցիալական ցանցերի միջոցով կապ են հաստատել «կոնկրետ մարդկանց» հետ՝ վճարելով նրանց 3500-ից 4300 եվրո մեկ անձի համար ԵՄ տեղափոխման համար:

Իրենց հայտարարություններում նրանք խոսել են երեք տղամարդկանց մասին, որոնք գործել են որպես «կապիտանիներ»: Նրանք պնդել են, որ նրանցից երկուսը հերթով ղեկավարել են մոտորանավակը, իսկ երրորդը հրահանգներ է տվել այն ուղղության վերաբերյալ, որը պետք է ընտրեին:

Հասանելի տեղեկությունների համաձայն՝ փրկվածները լուսանկարներից նույնականացրել են երեք ձերբակալված տղամարդկանց:

Նախնական քննության ընթացքում 32-ամյա հայը սկզբում պնդել է, որ մոտորանավակի վարորդներից մեկն է։ Սակայն, 2026 թվականի հունվարի 21-ին լրացուցիչ լսումների ժամանակ նա ստանձնել է նավի կառավարման միանձնյա պատասխանատվությունը՝ պնդելով, որ իր երկու համախոհները սովորական ուղևորներ են եղել։

31-ամյա Ադրբեջանի քաղաքացին և 34-ամյա հայը սկզբում հերքել են մոտորանավակի կառավարմանը որևէ մասնակցություն։ Նրանք պնդել են, որ սովորական ուղևորներ են և Եվրոպա տեղափոխման համար վճարել են մոտ 4000 եվրո։ Միևնույն ժամանակ, նրանք պնդել են, որ ամբողջ ճանապարհորդության ընթացքում մոտորանավակի միակ կապիտանը 32-ամյա տղամարդ է եղել, որին դատարանը, ի վերջո, դատապարտել է ցմահ ազատազրկման։

Գագիկ Խաչատրյանի փաստաբանական խմբի հայտարարությունը

2026 թվականի հոկտեմբերի 7-ին, ՀՀ քննչական կոմիտեն «Գագիկ Խաչատրյանից առգրավված 70 կտավներն այսուհետ հասանելի կդառնան հանրությանը․ Քննչական կոմիտեի նախագահը, ԿԳՄՍ նախարարը և գլխավոր դատախազն այցելել են Ազգային պատկերասրահ» վերնագրով հաղորդագրություն է տարածել, որում նշվել է հետևյալը․ «Գերատեսչությունների ղեկավարները տեղում ծանոթացել են քրեական վարույթի շրջանակում ՊԵԿ նախկին նախագահ և ֆինանսների նախկին նախարար Գագիկ Խաչատրյանից առգրավված կտավների ցուցադրությունը, որոնք քննչական գործողությունների արդյունքում ի պահ են հանձնվել «Հայաստանի ազգային պատկերասրահ» ՊՈԱԿ-ին։
Մշակութային այս արժեքներն այսուհետ բաց են լինելու հանրության համար։

Հիշեցնենք, որ Գագիկ Խաչատրյանի վերաբերյալ քննվող քրեական վարույթով առգրավված և զննված ընդհանուր՝ 70 կտավներ, 2026 թվականի սեպտեմբերի 11-ին կայացված որոշմամբ ճանաչվել են ապացույց և ի պահ են հանձնվել Ազգային պատկերասրահին։

Խաչատրյանների փաստաբանական խումբը խիստ մտահոգություն է հայտնում նախաքննական մարմնի նման ակնհայտ ապօրինի գործողությունների վերաբերյալ։

Մասնավորապես, այս գործողությունները ոչ միայն ակնհայտ ոչ իրավաչափ են և ոչ միայն կոպիտ կերպով խախտում են այդ կտավների սեփականատերերի՝ ՀՀ Սահմանադրությամբ երաշխավորված սեփականության իրավունքը, այլև ակնհայտորեն ոտնահարում են նրանց մասնավոր, անձնական կյանքի գաղտնիության իրավունքը։

Այս համատեքստում նախևառաջ ցանկանում ենք տեղեկացնել, որ իրականությանը չեն համապատասխանում այն տվյալները, թե իբրև այդ բոլոր կտավներն առգրավվել են Գագիկ Խաչատրյանից, քանի որ դրանք առգրավվել են Խաչատրյաններին պատկանող բնակարանից, որում գտնվել են ընտանիքի բազմաթիվ անդամներին պատկանող, այդ թվում՝ տարբեր ժամանակահատվածներում նրանց նվիրված կտավներ, որոնց առգրավումը ևս ակնհայտ անօրինական է։

Բացի այդ, վարույթն իրականացնող մարմինը մինչ այս պահը այդ կտավների ծագման և դրանց օրինականության վերաբերյալ գեթ մեկ պարզաբանում չի փորձել ստանալ Խաչատրյաններից։

Ավելին՝ չնայած, որ վարույթն իրականացնող մարմինն անօրինական կերպով կտավների սեփականատերերին զրկել է իրենց սեփականությունն անարգել տնօրինելու, տիրապետելու և օգտագործելու իրավունքից, սակայն մինչ այս պահը կտավների սեփականատերերին կամ նրանց փաստաբաններին չեն տրամադրել այդ կտավները որպես իրեղեն ապացույց ճանաչելու և դրանք Ազգային պատկերասրահին ի պահ հանձնելու մասին որոշումը։

Եվ դա այն դեպքում, որ օրենքը հստակ նախատեսում է, որ եթե իրեղեն ապացույցները վարույթն իրականացնող մարմինը չի կարող պահել իր մոտ, ապա դրանք առաջնահերթ կարգով վերադարձվում կամ ի պահ են հանձնվում հենց դրանց օրինական տիրապետողներին։

Միաժամանակ, օրենքը խստիվ արգելում է քրեական վարույթի շրջանակներում առգրավված՝ այլ անձանց սեփականություն հանդիսացող գույքի օգտագործումը վարույթն իրականացնող մարմնի կամ այլոց կողմից, ուստի դրանք Ազգային պատկերասրահի կողմից բաց ցուցադրության դնելը խստորեն արգելված է օրենքով, ինչպես նաև խախտում է դրանց սեփականատերերի սեփականության և մասնավոր կյանքի գաղտնիության իրավունքը։

Ավելին, վարույթն իրականացնող մարմնի կողմից դրանց ցուցադրությունը, այլ ոչ թե անվնաս պահպանությունն ինքնին վկայում է այն մասին, որ այդ կտավները չեն եղել և չեն կարող սույն քրեական գործով որպես իրեղեն ապացույց լինել, ինչպես և պնդել է պաշտպանության կողմը և դրանց առգրավումն միայն նման անօրինական նպատակ է հետապնդել։

Եթե դրա անհրաժեշտությունն առկա է, ապա Խաչատրյաններն անձամբ կարող են կազմակերպել այդ կտավների բաց ցուցադրությունը, իսկ վարույթ իրականացնող մարմնի գործողությունը պետք է բխեն բացառապես օրենքից։

Նշենք, որ այս բոլոր հարցերի պարզաբանման նպատակով գրավոր հարցում է ուղարկվել ՀՀ քննչական կոմիտե և պատասխանը ստանալուց հետո, ըստ անհրաժեշտության, այս հարցի կապակցությամբ հանդես կգանք լրացուցիչ հայտարարությամբ։

Մեր Ազգային հավաքականի վերջին խաղաշարը նորից խոր հիասթափեցրեց բազմահազար հայ ֆուտբոլասերներին։ Անցկացրած 4 խաղից հետո մեր ընտրանին իր 4 թիմանոց ենթախմբում հանգրվանել է 3 րդ տեղում։ Դե ինչ, ողջունելի է, մենք եռյակում ենք։ Իսկ ավելի լուրջ՝ սա, մեղմ ասած, խայտառակություն է։ Հանուն արդարության պետք է նշել, որ մենք արդեն կարծես թե ընտելացել ենք նմանատիպ խայտառակություններին, բժշկական տերմինոլոգիայով ասած իմունիտետ ենք ձեռք բերել։ Այս ամենի մեջ սակայն կա մի մեծ բայց, այնուամենայնիվ, մինչև ե՞րբ պիտի շարունակվի այս վիճակը, մինչև ե՞րբ հայկական ֆուտբոլային աշխարհը պիտի հանդուրժի բռնի իր վզին փաթաթված այս թափթփուկներին, մինչև ե՞րբ պիտի հանդուրժի տարատեսակ մանիպուլյատիվ ելույթներով ու հարցազրույցներով իրեն խաբել փորձող ֆուտբոլային տարբեր տրամաչափի չինովնիկներին։ Այդպիսի հարցազրույցներից մեկը եթեր հեռարձակվեց օրերս Հանրայինի եթերով։ Չեմ ցանկանում անդրադառնալ այդ մոլորեցնող ու սին խոստումներով լեցուն հարցազրույցին ամբողջությամբ, սակայն մի քանի դրվագի չեմ կարող չանդրադառնալ։ Հանրայինի եթերում իր մտքի գոհարներով «փայլում» էր մեր Ազգային հավաքականի գլխավոր մարզիչը, հայրենասիրության մաստեր֊կլասս էր անցկացնում, բարձրագոչ ու վեհ գաղափարներից էր խոսում։ Մի ասող լինի. Թե այդքան հայրենասեր ես, բա հրաժարվի մի քանի տասնյակ հազար դոլարի հասնող աշխատավարձիցդ` հանուն հայկական ֆուտբոլի, Հայաստանում ոչ ցոփ ու շվայտ կյանք վարելու մի գումար ստացիր, իսկ տնտեսածն ուղղիր ֆուտբոլի մարզադպրոցների զարգացմանը։

Հարցազրույցում ականջ էր մաշում «ժամանակ է պետք» արտահայտությունը, մոտավորապես` «արա, դե թողեք աշխատեն» ոճով, այստեղ հետաքրքիր հարց է առաջանում՝ իսկ ո՞ր մարզիչին ժամանակ պետք չէր՝ Պետրակովի՞ն, Վան Տ Սխիպի՞ն, Կապարոսի՞ն։ Իսկ ամենազազրելին, ըստ իս, երիտասարդ, տաղանդավոր ֆուտբոլիստ Ժիրայր Շաղոյանին վերաբերող հատվածն էր։ Կուզենամ մի խորհուրդ տալ հավաքականի մարզիչին՝ մի արա այն, ինչ անում ես, քո անձնական ամբիցիաներին հագուրդ մի տուր երիտասարդ, տաղանդավոր ֆուտբոլիստների ճակատագրերի հաշվին, մի փորձիր նմանվել նախկինի «քանի ես կամ»֊ին, դու չես կարող ուսերիդ վրա այդչափ ծանրություն տանել, կսայթաքես ու շատ ցավոտ կլինի, իջիր քո «Ես»֊ի բլրի բարձրությունից, հնարավորին շուտ դարձիր «Մենք»։ Շաղոյանին վերաբերող անցուդարձի մասին կասեմ, իրոք Շաղոյանի խաղը չստացվեց այդ օրը, և ի՞նչ, բոլորի սխալները ներվում են, նրանը՝ ո՞չ, ի~նչ սուբյեկտիվ մոտեցում, այդպես հավաքականում կկորցնեք տաղանդավոր ֆուտբոլիստ ու կնվնվաք, թե ունենք կադրերի խիստ պակաս, տեր կանգնեք ձեր եղածին։ Որպես նախկին ֆուտբոլիստ, իմ աջակցությունն եմ հայտնում Ժիրայրին ու լիահույս եմ, որ նա դեռ բարձր ձայնով կխոսի իր մասին։ Ցանկացած խելամիտ մարզիչ երազում է իր ձեռքի տակ ունենալ այդպիսի արագությունով ու տեխնիկայով օժտված ֆուտբոլիստ, ինչպիսին Շաղոյանն է։ Որպես նախկին ֆուտբոլիստ կասեմ՝ մարզիչը կարող է ֆուտբոլիստին չհրավիրել հավաքական, կարող է չներկայացնել հայտացուցակում, կարող է շատ այլ ադմինիստրատիվ մեթոդներ կիրառել, բայց կայանալ երիտասարդ ֆուտբոլիստի հաշվին, իրավունք չունի և տվյալ դեպքում պարտավոր է հայցել, առնվազն, ֆուտբոլի երկրպագուների ներողամտությունը։ Հիմա, առավել քան երբևէ, համոզված եմ, հայկական ֆուտբոլը փրկության ճիչ է արձակում բոլորիս, եկեք փրկենք հայկական ֆուտբոլը այսօրվա չինովնիկներից։

«Արարատի» նախկին անվանի ֆուտբոլիստ Հովհաննես Պողոսյան