«Ցանկացած գործ ցանկացած մարդու վրա կկարեն, կարևոր է՝ պատճառ լինի, իսկ պատճառը ռեժիմին քննադատելն է։ Ուզում են ստեղծել մի իրավիճակ, որը կոչվում է վախի մթնոլորտ, փորձում են խորացնել վախի մթնոլորտը, ինչքան հնարավոր է քիչ մարդ ելույթ ունենա, իրենց դեմ խոսի»,- լրագրողների հետ զրույցում ասել է «ՀայաՔվե»-ի անդամ, էներգետիկ և միջազգային հարցերի փորձագետ Արմեն Մանվելյանը։ «Բայց ի հակառակ այս ամենի՝ պետք է շատ մարդիկ խոսեն՝ անկախ իրենց քաղաքական ստատուսից, քաղաքականությամբ են զբաղվում, թե ոչ։ Եթե այսօր մարդիկ չբողոքեն, վաղը, մյուս օրը բոլորի հետևից են գալու»,- նշել է նա։
