Category: Mamul.am

2020 թվականի նոյեմբերից սկսած՝ Ադրբեջանը հայկական կողմին է փոխանցել մարտադաշտում հայտնաբերված ավելի քան 2000 հայ զինծառայողների մասունքներ։

Ադրբեջանական լրատվամիջոցների հաղորդմամբ՝ այս մասին հայտնել է այդ երկրի ԱԳ փոխնախարար Էլնուր Մամեդովը:

«Անհայտ կորած անձանց հարցի լուծումը պահանջում է բոլոր կողմերի համատեղ ջանքերը և թափանցիկ համագործակցությունը, այլ ոչ թե միայն մեկ երկրի ջանքերը»,- նշել է նա։

Դիվանագետ, ԱԺԲ անդամ Արա Պապյանը ֆեյսբուքյան իր էջում գրել է. «Կան հայեր, որ ասում են․ «եթե Իսրայելը ճանաչում է Հայոց ցեղասպանությունը, ուրեմն մի բան ուզում է»:
     Իհարկե ուզում է։ Հրեաներն ուզում են, որ հայերը չուրանան իրենց անցյալը, հետ չկանգնեն իրենց իրավունքներից ու տեր կանգնեն իրենց ապագային, քանի որ ուզում են հայերին տեսնել Թուքիայի դեմ իրենց դաշնակիցների շարքում և ոչ թե Թուրքիայի դաշնակիցների թվում։ Դա են ուզում, քանի որ դա բխում է Իսրայելի շահերից»:

Դիվանագետ, ԱԺԲ անդամ Արա Պապյանը ֆեյսբուքյան իր էջում գրել է. «Կան հայեր, որ ասում են․ «եթե Իսրայելը ճանաչում է Հայոց ցեղասպանությունը, ուրեմն մի բան ուզում է»:
     Իհարկե ուզում է։ Հրեաներն ուզում են, որ հայերը չուրանան իրենց անցյալը, հետ չկանգնեն իրենց իրավունքներից ու տեր կանգնեն իրենց ապագային, քանի որ ուզում են հայերին տեսնել Թուքիայի դեմ իրենց դաշնակիցների շարքում և ոչ թե Թուրքիայի դաշնակիցների թվում։ Դա են ուզում, քանի որ դա բխում է Իսրայելի շահերից»:

«Ուժեղ Հայաստան»-ի առաջնորդ Սամվել Կարապետյանը լրագրողների հետ զրույցում պատասխանելով հարցին՝ ընդդիմադիր առաջնորդների հետ հանդիպումներ ունեցե՞լ եք, պատասխանեց. «Դեռ ոչ… ընդդիմադիր ինչ-որ ուժերի առաջնորդների հետ ունեցել ենք»: Հարցին՝ ո՞ւմ հետ, ասաց՝ չի կարող ասել. «Մենք մեր գաղտնի պլանն ունենք, հո չեմ բացելու»: Մյուս հարցին՝ ի՞նչ պլանի մասին է խոսքը, ասաց. «Փաշինյանին հեռացնելու պլան»:

Լրագրող Ոսկան Սարգսյանը ֆեյսբուքյան իր էջում գրել է․ «Խոզի միսը թանկացել է, կանաչ սոխ կերեք.
     Այսօր սուպերմարկետում մոտ 80 տարեկան, հասարակ շորերով տղամարդը բավական ժամանակ կանգնել էր մսի տաղավարի առաջ, վաճառողին երկար-բարակ հարցնում էր ավելի էժան, քիչ ոսկրոտ մի կտոր խոզի մսի գնի մասին։ Երկար հարցուփորձից հետո նա միս չգնեց։ Սուղ թոշակը նրան հնարավորություն չտվեց թեկուզ մի կտոր խոզի միս գնելու։ Ծեր մարդուն նայելով հիշեցի երբեմնի թունդ ընդդիմադիր, հիմա միլիարդավոր դրամների պարգևավճարներ բաժանող Նիկոլ Փաշինյանի խոսքերը՝ միսը թանկացել է, կանաչ սոխ կերեք, դուք գիտե՞ք կանաչ սոխի օգտակար հատկությունների մասին»։

Հիշեցնենք՝ պատգամավոր եղած ժամանակ, խոսելով թանկացումների մասին ու քննադատելով իշխանություններին, Նիկոլ Փաշինյանն ասել էր. «Կարագը թանկացել է, ժողովուրդ ջան, խառը կանաչի կերեք, ի՞նչ է եղել որ… Խոզի միսը թանկացել է, սխտոր կերեք այ ձեր ցավը տանեմ, ի՞նչ եք խառնվել»:

«Ուժեղ Հայաստան» կուսակցության անդամ Իրինա Յոլյանի ֆեյսբուքյան գրառումը․ «Սյունիքում 869 ընտանիք զրկվել է ընտանեկան նպաստից. իշխանությունը թղթի վրա աղքատություն է հաղթահարում​.
     Ընդամենը մեկ տարում իշխանությունը 869 ընտանիքի (նպաստառուների 71%-ին՝ 1219-ից հասցնելով 350-ի) զրկել է ապրուստի նվազագույն միջոցից։ Սա կոչվում է «Անապահովության գնահատման նոր համակարգ», որը որպես պիլոտային ծրագիր, առաջինը փորձարկեցին Սյունիքում։
     Այս մեխանիկական կրճատումներով իշխանությունը թղթի վրա «աղքատություն է հաղթահարում»։ Բայց արդյո՞ք այդ ընտանիքները մեկ տարում հարստացել են։ Իհարկե՝ ոչ։
     Ես ինքս ամենևին կողմնակից չեմ նպաստների երկարաժամկետ տրամադրմանը։ Ընտանիքներին տարիներով նպաստառու պահելը վատ պրակտիկա է, որը չի լուծում աղքատության խնդիրը։ Սակայն որպեսզի այդ նպաստը կարճ տևի, և մարդը դուրս գա համակարգից, պետությունը պարտավո՛ր է պայմաններ ստեղծել, աշխատատեղ ստեղծել։ Խնդիրն այստեղ հենց նպաստը խլելը չէ, այլ այն, որ պետությունը ոչինչ չի արել այս ընտանիքների համար, բայց եղած չնչին աջակցությունն էլ կտրել է։
     Գորիսում և ամբողջ մարզում ոչ մի մասսայական աշխատատեղ չի ստեղծվել։ Երբ աշխատանքի հնարավորություն չես ստեղծում, բայց նպաստն էլ խլում ես, աղքատ ընտանիքների վիճակն ավելի է աղքատանում։
     Հուլիսի 1-ից այս նույն համակարգը տարածվելու է ամբողջ երկրով, այնպես որ՝ հուլիսի մեկից մյուս մարզերի հազարավոր ընտանիքներ կառավարության թեթև ձեռքով սկսելու են «կայծակնային հարստանալ»»։

«Մեկնելու եմ Ստամբուլ՝ ԱՀԿ-ի կողմից ռեգիոնալ ժողովին մասնակցելու։ Այն վերաբերելու է երկրաշարժերի և ընդհանուր առմամբ արտակարգ իրավիճակներում առողջապահական համակարգերի փոխգործունեությանը»,- ասուլիսի ժամանակ հայտնել է Առողջապահության նախարար Անահիտ Ավանեսյանը։ Հարցին՝ լինելո՞ւ են երկկողմ հանդիպումներ, պատասխանել է․ «Ընդհանրապես լինում են երկկողմ նախարարական հանդիպումներ. այն նախարարների հետ, ովքեր կլինեն մեր ռեգիոնից, իհարկե, կլինեն նաև երկկողմ հանդիպումներ։ Այս պահին դեռ հաստատված օրակարգ չունենք»։

«Մեկնելու եմ Ստամբուլ՝ ԱՀԿ-ի կողմից ռեգիոնալ ժողովին մասնակցելու։ Այն վերաբերելու է երկրաշարժերի և ընդհանուր առմամբ արտակարգ իրավիճակներում առողջապահական համակարգերի փոխգործունեությանը»,- ասուլիսի ժամանակ հայտնել է Առողջապահության նախարար Անահիտ Ավանեսյանը։ Հարցին՝ լինելո՞ւ են երկկողմ հանդիպումներ, պատասխանել է․ «Ընդհանրապես լինում են երկկողմ նախարարական հանդիպումներ. այն նախարարների հետ, ովքեր կլինեն մեր ռեգիոնից, իհարկե, կլինեն նաև երկկողմ հանդիպումներ։ Այս պահին դեռ հաստատված օրակարգ չունենք»։