Category: Mamul.am

Ապրիլի 14-ին Բրյուսելում ՀՀ ԱԳ նախարար Արարատ Միրզոյանը հանդիպում է ունեցել պաշտպանության և տիեզերքի հարցերով ԵՄ հանձնակատար Անդրիուս Կուբիլիուսի հետ։

Զրուցակիցները գոհունակությամբ ընդգծել են ՀՀ-ԵՄ գործընկերության ընդլայնման ակտիվ դինամիկան։

Արարատ Միրզոյանը և Անդրիուս Կուբիլիուսը մտքեր են փոխանակել վերջին շրջանում զարգացող՝ անվտանգային ու պաշտպանական ոլորտում փոխգործակցության հեռանկարների շուրջ։ Երկուստեք ընդգծվել է, որ ժողովրդավարական բարեփոխումների կյանքի կոչման գործում ՀՀ արձանագրած նշանակալի առաջընթացը, ինչպես նաև ՀՀ-ԵՄ գործընկերության ռազմավարական օրակարգի ընդունումը համագործակցության նոր տեսլական և հնարավորություններ են ձևավորել։

Անդրադարձ է կատարվել մայիսին Երևանում կայանալիք բարձրաստիճան միջոցառումների, այդ թվում՝ ՀՀ-ԵՄ գագաթնաժողովի օրակարգային հարցերի։

ՀՀ արտաքին քաղաքական գերատեսչության ղեկավարը և ԵՄ հանձնակատարը մտքեր են փոխանակել տարածաշրջանային զարգացումների շուրջ։ Նախարար Միրզոյանը ներկայացրել է Հայաստանի և Ադրբեջանի միջև հաստատված խաղաղության հետագա ինստիտուցիոնալացմանն ուղղված աշխատանքները։

Փաստաբան Ռոման Երիցյանը ֆեյսբուքյան էջում գրել է․ «Անհայտ անձինք, ներկայանալով «Թիմ Տելեկոմ» ԲԲ ընկերության աշխատակիցներ, օտարերկրյա հեռախոսահամարներից զանգահարում են բաժանորդներին, խաբեության միջոցով նրանցից պահանջում բանկային քարտերի տվյալներ, գաղտնաբառեր և այլ անձնական տեղեկություններ, ինչի արդյունքում իրականցվում է համակարգչային հափշտակություն, և մարդկանց բանկային հաշիվներից դուրս բերվում առկա բոլոր դրամական միջոցները։
     Զանգերը հիմնականում կատարվում են WhatsApp հավելվածի միջոցով, խոսակցությունը՝ ռուսերեն լեզվով։ Քաղաքացիներին մոլորության մեջ գցելով՝ նրանք ներկայացնում են «5G» ինտերնետի կարգավորման կամ տեխնիկական թարմացման անհրաժեշտություն։
     Միայն այսօր ստացել եմ շուրջ երկու տասնյակ ահազանգեր, իսկ նշված անձանց պատճառված վնասը կազմում է արդեն մի քանի տասնյակ միլիոն դրամ։
     Կրկնում եմ. ձեր տվյալները փոխանցելու դեպքում ձեր բանկային հաշիվները զրոյացվելու են վայրկյանների ընթացքում»։

ԱՄՆ-ի նախագահ Դոնալդ Թրամփը հայտարարել է, որ Եվրոպան ինքնաոչնչանում է իր միգրացիոն և էներգետիկ քաղաքականությամբ։

«Նրանք (եվրոպացիները) վճարում են աշխարհի ամենաբարձր էներգակիրների գները և նույնիսկ պատրաստ չեն պայքարել Հորմուզի նեղուցի համար, որտեղից ստանում են իրենց էներգիան։ Նրանք հույս ունեն, որ Դոնալդ Թրամփը կպահպանի այն բաց»,- ասել է նա Corriere della Sera-ի թղթակցի հետ հեռախոսազրույցում։

Թրամփը կրկին ՆԱՏՕ-ն անվանել է «թղթե վագր»։ Հարցին, թե արդյոք նա օգնություն է խնդրել իտալացիներից և եվրոպացիներից ականազերծման նավերի հարցում, ամերիկացի նախագահը պատասխանել է. «Ես նրանց խնդրել եմ ուղարկել այն, ինչ ուզում են, բայց նրանք դա չեն ուզում, քանի որ ՆԱՏՕ-ն թղթե վագր է»։

Այսօր՝ ապրիլի 14-ին, հերթական մահվան դեպքն է տեղի ունեցել ՀՀ պաշտպանության նախարարության զորամասերից մեկում։ Ինչպես հայտնում է ֆոտոլրագրող Գագիկ Շամշյանը, ժամը 16։00-ի սահմաններում զինվորական հոսպիտալ («Մուրացան») տեղափոխելու ճանապարհին զինվորը մահացել է։ Ֆոտոլրագրողի տեղեկություններով մահացածը հոսպիտալ է տեղափոխվել Նուբարաշենի կրակարաններից (պոլիգոնից)՝ հրազենային վնասվածքով։ Նա 19-ամյա Նարեկ Հակոբյանն է։ Դեպքի փաստով ՀՀ քննչական կոմիտեի զինվորական քննչական վարչության կայազորի քննչական բաժնում նախաձեռնվել է քրեական վարույթ։ Տեղի ունեցածը սպանություն է, դժբախտ պատահար, թե ինքնասպանություն՝ պարզվում է։

«Հարցաքննության ընթացքում իրավացիորեն մեր կողմից ներկայացվեցին երեխաների ծննդյան վկայականներն, այդ թվում՝ 2026 թվականի փետրվարի 20-ին ծնված երեխայի․ Հակակոռուպցիոն կոմիտեի գործընկերները տեղեկացված էին այդ հանգամանքի մասին»,- այս մասին Հակակոռուպցիոն կոմիտեի մոտ լրագրողների հետ զրույցում ասաց փաստաբան Արամ Վարդևանյանը՝ ընդգծելով, որ

ներկայացվածը հանրային հասանելիություն ունեցող տվյալ է, և այս գործով ձերբակալման անհրաժեշտություն չի եղել։

«Եթե տնային կալանքը որպես խափանման միջոց ընտրելու միջնորդություն է ներկայացվում, ակնհայտորեն կարող եմ նշել, որ դրա դեմ էլ ենք առարկելու․․․ Տնային կալանքն ինքնին, կալանքին համարժեք խափանման միջոց է։ Այդ իմաստով եկեք հասկանանք՝ լավ, ի՞նչ ռիսկ պետք է լինի բացառապես դրական բնութագրվող, բարձրագույն կրթությամբ Գոհար Ղումաշյանի նկատմամբ ինտենսիվ խափանման միջոցը»,- նշեց Վարդևաանյանը։

«Գործ ունենք բացարձակ ապօրինի քրեական հետապնդման հետ, որն ակնհայտ քաղաքական հետապնդում է»,- այս մասին լրագրողների հետ զրույցում նշեց «Ուժեղ Հայաստան» կուսակցության անդամ Գոհար Ղումաշյանի փաստաբան Արմեն Ֆերոյանը՝ անդրադառնալով նրա ձերբակալմանը։

«Ղումաշյան Գոհարը որևէ կապ և առնչություն չունի իրեն առաջադրված մեղադրանքի հետ, սա մենք համարում ենք ապօրինություն, քաղաքական հետապնդման դրսևորման առանձնահատուկ ձև, իսկ երբ որ այդ քաղաքական հետապնդումը դրսևորվում է մայրական հատուկ խնամք պահանջվող երեխայի ծնողի նկատմամբ, սա առավել քան մտահոգիչ և խնդրահարույց ենք համարում։

Այս պահին առաջադրել են մեղադրանք և պետք է որոշեն՝ տանում են դատարան կալանքի, չնայած ձերբակալել են դատարան կալանքի սանկցիայի ներկայացնելու նպատակով, բայց վարույթն իրականացնող մարմինը ինքն է որոշելու իր դիրքորոշումը․ խափանման միջոցի հարց պետք է քննարկվի»,- նշեց փաստաբանը։

Ահա այս ձայնագրության համար են ձերբակալել կրծքով կերակրող բազամազավակ մորը, մեր ուժեղ Գոհար Ղումաշյանին։ Այս մասին գրել է «Ուժեղ Հայաստան» կուսակցության խորհրդի անդամ Նարեկ Կարապետյանը՝ հրապարակելով ձայնագրություն։

«Մարդու ծիծաղն է գալիս:

Պատկերացրեք՝ ինչ լավ կլիներ՝ մեր նախարարները այսպես աշխատեին ձեռնարկատերերի հետ:

Գոհարն արժանի է գովեստի և ոչ թե այս ամենին»,- գրել է նա:

Ահա այս ձայնագրության համար են ձերբակալել կրծքով կերակրող բազամազավակ մորը, մեր ուժեղ Գոհար Ղումաշյանին։ Այս մասին գրել է «Ուժեղ Հայաստան» կուսակցության խորհրդի անդամ Նարեկ Կարապետյանը՝ հրապարակելով ձայնագրություն։

«Մարդու ծիծաղն է գալիս:

Պատկերացրեք՝ ինչ լավ կլիներ՝ մեր նախարարները այսպես աշխատեին ձեռնարկատերերի հետ:

Գոհարն արժանի է գովեստի և ոչ թե այս ամենին»,- գրել է նա:

Ֆրանսիայի դատական ​​ոստիկանության ֆինանսական ստորաբաժանման աշխատակիցները խուզարկություններ են անցկացրել Ելիսեյան պալատում՝ հիշատակի արարողությունների կազմակերպման ժամանակ հնարավոր ֆինանսական խախտումների հետաքննության շրջանակներում, հաղորդում են լրատվամիջոցները։
     Ըստ Le Canard Enchaine-ի՝ քննիչները կենտրոնացել են Պանթեոնում արարողությունների համար կնքված տասնյակ պայմանագրերի վրա, որտեղ 2002-2024 թվականներին թաղվել են մշակութային և հասարակական ականավոր գործիչներ:

Նշվում է, որ այս բոլոր արարողությունների պայմանագրերն անփոփոխ կերպով կնքվել են նույն ընկերության՝ Shortcut Events-ի հետ, որը մասնագիտացած է մեծածավալ միջոցառումների կազմակերպման մեջ։ Յուրաքանչյուր արարողություն ֆրանսիական պետությանը արժեցել է մոտ 2 միլիոն եվրո։

Թերթը նշում է, որ քննիչները փորձում են պարզել, թե արդյոք Shortcut Events-ը ստացել է որևէ հատուկ արտոնություն Ազգային թանգարանների կենտրոնից, Մշակույթի նախարարությունից կամ նույնիսկ Ելիսեյան պալատից։ Politico-ն նախկինում հաղորդել էր, որ Էմանուել Մակրոնի նախագահական ժամկետի ավարտից մեկ տարի առաջ նրա թիմը լքել են չորս հիմնական խորհրդականներ, այդ թվում՝ աշխատակազմի ղեկավարի երկու տեղակալներ, երկու ամսվա ընթացքում։

Ֆրանսիայի դատական ​​ոստիկանության ֆինանսական ստորաբաժանման աշխատակիցները խուզարկություններ են անցկացրել Ելիսեյան պալատում՝ հիշատակի արարողությունների կազմակերպման ժամանակ հնարավոր ֆինանսական խախտումների հետաքննության շրջանակներում, հաղորդում են լրատվամիջոցները։
     Ըստ Le Canard Enchaine-ի՝ քննիչները կենտրոնացել են Պանթեոնում արարողությունների համար կնքված տասնյակ պայմանագրերի վրա, որտեղ 2002-2024 թվականներին թաղվել են մշակութային և հասարակական ականավոր գործիչներ:

Նշվում է, որ այս բոլոր արարողությունների պայմանագրերն անփոփոխ կերպով կնքվել են նույն ընկերության՝ Shortcut Events-ի հետ, որը մասնագիտացած է մեծածավալ միջոցառումների կազմակերպման մեջ։ Յուրաքանչյուր արարողություն ֆրանսիական պետությանը արժեցել է մոտ 2 միլիոն եվրո։

Թերթը նշում է, որ քննիչները փորձում են պարզել, թե արդյոք Shortcut Events-ը ստացել է որևէ հատուկ արտոնություն Ազգային թանգարանների կենտրոնից, Մշակույթի նախարարությունից կամ նույնիսկ Ելիսեյան պալատից։ Politico-ն նախկինում հաղորդել էր, որ Էմանուել Մակրոնի նախագահական ժամկետի ավարտից մեկ տարի առաջ նրա թիմը լքել են չորս հիմնական խորհրդականներ, այդ թվում՝ աշխատակազմի ղեկավարի երկու տեղակալներ, երկու ամսվա ընթացքում։