Category: Mamul.am

Օկուպացված Արցախի տարածքում (Վարանդա) Ադրբեջանի ականազերծման գործակալության (ANAMA) աշխատակից է պայթել հակատանկային ականի վրա։

Տեղի լրատվամիջոցների հաղորդմամբ՝ միջադեպի հետևանքով Մաթիլի Մուղան Ռաֆաիլ օղլուն (ծնված 1995թ.) մահացել է։

«Ի՞նչ ա եղել, մռութ ջան, ո՞ւմ ես կարոտել»,- Արենի համայնքի Ելփին բնակավայրի մանկապարտեզում դիմելով լաց լինող փոքրիկին՝ ասաց վարչապետ Նիկոլ Փաշինյանը։ «Մամային ա տեսել»,- նշեց դաստիարակը։ «Սովորաբար մաման գնում ա, էդ ժամանակ են լացում»,- կատակեց Փաշինյանը։

ԻՔՄ ծրագրերի համակարգող Դանիել Իոաննիսյանը ֆեյսբուքյան իր էջում գրել է․ «Երկիր մտնող կանխիկը պետք է էլ ավելի խիստ վերահսկվի․
     Հարկային ու մաքսային ծառայությունների օպերատիվ-հետախուզական մարմինները խստացրել են երկիր մտնող կանխիկի վերահսկողությունը: Հանրապետություն մեծ գումարներ ներմուծողները ձերբակալվում են (օրինակ` վերջերս 47,5 միլիոն ռուբլի ներմուծող է ձերբակալվել): Բայց դա քիչ է:
     Սա շատ կարևոր է, քանի որ ընտրակաշառքի ու քաղաքական գործունեության ապօրինի ֆինանսավորման փողը չի կարող գալ փոխանցումներով: Այն կարող է գալ միմիայն ու բացառապես կանխիկով… Խոսքը, առնվազն, մի քանի հարյուր միլիոն դոլարի մասին է:
     Մենք ստացել են տեղեկություններ, որ արդեն 100+ միլիոն դոլար բերվել է երկիր: Մենք ունենք տեղեկություններ, որ Երևանի շատ կոնկրետ տարածքում բնակվող անձինք (նախկին բարձրաստիճան պաշտնյայի լայն շրջապատ) համատարած կերպով 1-2 օրով թռնում են արտերկիր ու վերադառնալիս ձեռքի ուղեբեռում կանխիկ են բերում:
     Իրավապահ մարմինները պետք է այդ բոլոր շրջանակներին հավաքեն ու թույլ չտան մասնակցել քաղաքական ֆինանսավորման ապօրինի սխեմաներին»։

Լրահավաք
Հեռ.` +374 (10) 55-20-59
Էլ. փոստ` info@mamul.am

Գովազդ
Հեռ.` +374 (91) 99-22-02
Էլ. փոստ` marketing@mamul.am

Իրանի և ԱՄՆ-ի միջև ուղիղ բանակցությունների հաջորդ փուլը տեղի կունենա «մոտ ժամանակներս»։ Այս մասին հայտարարել է Պակիստանի պաշտպանության նախարար Խավաջա Ասիֆը։

«Նկատվում է միայն դրական առաջընթաց»,- հարավասիական պետության պաշտպանության նախարարի խոսքերը մեջբերում է The Express Tribune-ը: Շարունակվող դիվանագիտական ջանքերը, Ասիֆի խոսքով, շարժվում են «կառուցողական ուղղությամբ»:

Ավելի վաղ հաղորդվել էր, որ Վաշինգթոնի և Թեհրանի միջև ուղիղ բանակցությունների նոր փուլը կարող է կայանալ Իսլամաբադում՝ ապրիլի 16-ին։ Associated Press-տվյալներով՝ կողմերը քննարկում են Պակիստանի մայրաքաղաքում կրկնակի հանդիպման հնարավորությունը։ Միևնույն ժամանակ, ԱՄՆ վարչակազմի պաշտոնյաները որպես նոր փուլի հնարավոր անցկացման վայր նշում են Ժնևը։

Հասարակական գործիչ Կարեն Հեքիմյանի ֆեյսբուքյան գրառումը․ «8 տարի առաջ այս օրը Փաշինյան Նիկոլ & Co-ն փաստացի գրավեց ռադիոտունը:
     Գրավման, գույքի ոչնչացման համար որևէ մեկը պատասխան չտվեց: Որևէ կերպ չպատժվեցին ռադիոտանը հերթապահություն իրականացնող ոստիկանները, վերջիններիս վերադասը, վերադասի վերադասը:
     Մինչ օրս հասարակության համար անհայտ մնացել շատ կարևոր հարց, այն է` ո՞վ, ե՞րբ, ի՞նչ նախապայմաններից ելնելով կարող է անարգել գրավել պետական պահպանության ներքո գտնվող հիմնարկները, ոչնչացնել դրանց գույքը:
     Հարցը մնում է առկախված:
     Ո՞վ, ե՞րբ, ինչի՞ց հետո»:

Լրագրող Ոսկան Սարգսյանը ֆեյսբուքյան էջում գրում է․ «Սահմանազատման անվան տակ, ապօրինի, միակողմանի կերպով 2024 թվականի գարնանը Ադրբեջանին հանձնվեցին Կիրանցից 15 հեկտար տարածք, Կիրանցի կամուրջը, միջպետական ավտոճանապարհի մի հատված, Կիրանց֊Բաղանիս հատվածում և Բերքաբերի մոտ ավելի քան
     30 տարի ամրացված դիրքերը։ Այն ժամանակ Բերքաբերի բնակիչները հավատում էին, որ սահմանազատման հաջորդ փուլում գյուղին էին վերադարձվելու Բերքաբերին պատկանող, Ադրբեջանի վերահսկողության տակ գտնվող շուրջ 900 հեկտար հողերը։ Անցել է 2 տարի, սակայն սահմանազատում չի կատարվել։ Նիկոլ Փաշինյանն ասում է, որ Ադրբեջանի հետ խաղաղություն է հաստատվել։ Եթե այդպես է, ինչու անցած 2 տարում սահմանազատում չի արվել»։

«Ես չգիտեմ, դա արհեստական բանականություն էր, թե ինքն էր խոսում, բայց եթե ինքն էր խոսում, գնահատում եմ, որ 5 րոպե 20 դուբլով խոսելուց ինսուլտ չի խփել նրան․ գնահատում եմ, որ այդքանից հետո կենդանի է մնացել»,- ճեպազրույցի ժամանակ անդրադառնալով «Ուժեղ Հայաստան» կուսակցության առաջնորդ Սամվել Կարապետյանի տեսաուղերձին, ասել է ԱԺ փոխնախագահ Ռուբեն Ռուբինյանը։ «Հույս ունեմ՝ հաջորդիվ ինքը հնարավորություն կսեղծի, որ դուք բոլորով գնաք և իրեն հարցեր տաք, չէ որ ինքը ժողովրդավար է, ուժեղ է, շատ ուժեղ է»,- դիմելով լրագրողներին՝ շարունակել է Ռուբինյանը։

Թուրքիայում զինված աշակերտը հարձակվել է դպրոցի վրա, հաղորդում է Sabah-ը։ «Շանլըուրֆա նահանգի Սիվերեք շրջանի պրոֆեսիոնալ-տեխնիկական դպրոցի աշակերտը հրազենով ներխուժել է ուսումնական հաստատություն։ Միջադեպի հետևանքով վիրավորվել է 16 մարդ, այդ թվում՝ 12 աշակերտ և 3 ուսուցիչ»,- հաղորդում է լրատվամիջոցը։

Նշվում է, որ հարձակվողն ինքնասպան է եղել։ Աշակերտները տարհանվել են, սկսվել է հետաքննություն։

Տեղի լրատվամիջոցների տվյալներով՝ միջադեպի պատճառը կարող էր լինել ընկերոջ հետ վեճը։

«Այսօրվա բողոքի ակցիան վերաբերում է վերջին օրերին սոցցանցերում տեղադրված տեսանյութի, որտեղ մի անձնավորություն վիրավորական, ցավալի խոսույթ է դրսևորում արցախահայության, առանձնապես՝ մեր մայրերի, քույրերի, կանանց նկատմամբ: Հասել ենք այն աստիճանի պառակտման, որ նմանատիպ պահվածքը եթե արմատախիլ չանենք հայ ազգի մեջ, խնդիր ենք ունենալու հետագայում ընդհանուր հայ ազգի պատկանելության վերաբերյալ»,- Դատախազության դիմաց լրագրողների հետ զրույցում ասել է «Վերածնվող Արցախ» շարժման հիմնադիր Անաստաս Իսրայելյանը:

Նա ընդգծել է, որ Դատախազությունն ունի բոլոր հնարավորություները՝ այդ նման մարդկանց պատժի ենթարկելու, որպեսզի վաղը նմանատիպ պահվածքը չկրկնվի: «Սրա հետևում կան ինչ-որ ուժեր ու չեմ էլ բացառում, որ դա պետական մակարդակով է արվում:

Դատախազությունից պահանջում ենք այդ մարդուն պատասխանատվության ենթարկել»,- հավելել է նա:

Հիշեցնենք՝ օրերս համացանցում տարածվել էր տեսանյութ, որտեղ մեծահասակ տղամարդը վիրավորում էր ացախցիներին՝ ասելով. «Ղարաբաղցին էլ հայ չի․ էն կինը, որ տեղաշոր է պառկել թուրքի հետ, թուրքի լամուկներ է ծնել, միլիոն տոկոսով: Տենց կին գոյություն չունի Ղարաբաղում, որ թուրքի հետ եղած չլինի»: