Ուկրաինայի նախագահ Վլադիմիր Զելենսկին X սոցիալական ցանցում պատմել է իր զրույցի մասին ամերիկացի գործընկեր Դոնալդ Թրամփի հետ, որի 80-ամյակը լրանում է այսօր։
«Հենց նոր ես հիանալի զրույց ունեցա Միացյալ Նահանգների նախագահ Դոնալդ Թրամփի հետ։ Ես շնորհավորեցի նախագահ Թրամփին ծննդյան օրվա կապակցությամբ և մանրամասն քննարկեցի նրա հետ մի շարք կարևոր հարցեր, այդ թվում, իհարկե, խաղաղությունը։
Ես շնորհակալություն հայտնեցի նախագահ Թրամփին այն ամբողջ աջակցության համար, որ Ամերիկան ցուցաբերում է Ուկրաինային, և կարևոր է երախտագիտությամբ հիշել այս օգնության յուրաքանչյուր փուլը՝ «Javelin»-ներից մինչև «Patriot»-ներ։
Մենք քննարկեցինք, թե ինչն արդեն հիմա կարող է մոտեցնել խաղաղությունը։ Ես նախագահին տեղեկացրեցի ռազմաճակատում վերջին իրադարձությունների և այն մասին, թե ինչպես են ամրապնդվել մեր դիրքերը։
Մենք պայմանավորվեցինք շարունակել քննարկումը G7-ի գագաթնաժողովում մեր հանդիպման ժամանակ։ Մենք ունենք մի քանի լավ գաղափարներ, որոնք կարող են մոտեցնել խաղաղությունը և փրկել կյանքեր», – գրել է Զելենսկին։