Ֆուտբոլի աշխարհի առաջնությունը շարունակում է մնալ աշխարհի ամենադիտվող մարզական իրադարձություններից մեկը։ Միլիոնավոր երկրպագուներ հետևում են հանդիպումներին և փորձում կանխատեսել, թե ով կդառնա աշխարհի չեմպիոն։
Oragir.News-ը Երևանի մի շարք փողոցներում հարցում է անցկացրել՝ պարզելու, թե քաղաքացիները հետևո՞ւմ են առաջնությանը և ո՞ւմ են տեսնում որպես մրցաշարի հաղթող։
Հարցված քաղաքացիներից մեկը վստահ էր իր կանխատեսման մեջ.
«Այո, հետևում եմ։ Իմ կարծիքով՝ Իսպանիան կլինի աշխարհի չեմպիոնը»։
Մյուսները խոստովանեցին, որ այնքան էլ չեն հետևում ֆուտբոլին։
«Այնքան հեռու եմ ֆուտբոլից, կներեք։ Չեմ էլ հետևում»,– ասաց քաղաքացիներից մեկը։
Մեկ այլ հարցված նշեց, որ թեև ֆուտբոլին առանձնապես չի հետևում, բայց համակրում է Պորտուգալիայի հավաքականին։
Եղան նաև այնպիսի քաղաքացիներ, որոնք աշխարհի չեմպիոնի գլխավոր հավակնորդներ էին համարում Բրազիլիայի և Արգենտինայի հավաքականներին։
«Կա՛մ Բրազիլիան, կա՛մ Արգենտինան»,– ասաց հարցման մասնակիցներից մեկը։
Որոշ քաղաքացիներ դեռևս չէին շտապում կանխատեսումներ անել։
«Ֆուտբոլին ընդհանրապես չեմ հետևում։ Այս տարի ոչ մի խաղ չեմ նայել»,– նշեց հարցվածներից մեկը։
Հարցման մասնակիցներից մեկն էլ ընդգծեց, որ այս մրցաշարում առաջատարին առանձնացնելը հեշտ չէ.
«Շատ դժվար է ասել, բոլորն էլ ուժեղ են, հավասար թիմեր են։ Բայց ես ամբողջ կյանքում երկրպագել եմ Հոլանդիային, կուզենայի, որ Հոլանդիան լիներ»։
Մանրամասները՝ տեսանյութում։
Մերի Հակոբյան