Category: Oragir.news

ՀՀ Ներքին գործերի նախարարության ոստիկանության քրեական ոստիկանության գլխավոր վարչության Արմավիրի քրեական ոստիկանները օրեր առաջ հատուկ օպերացիա են իրականացրել, որը ղեկավարել է Արմավիրի քրեական ոստիկանության պետ Երվանդ Նիկոյանը, իսկ օպերացիան կրել է «Կարմիր խնձորի համին կարոտ մնաս» անունը։

Ինչպես հայտնում է ֆոտոլրագրող Գագիկ Շամշյանը, տևական ժամանակ էր Արմավիրի մարզի Մրգաշատ գյուղում հարսանեկան արարողությունների օրերին, երբ բնակիչները տանը չէին լինում ու մասնակցում էին հարսանիքի, ապա վերադառնալով հարսանիքից՝ իրենց տները հայտնաբերում էին թալանված։ Նմանատիպ 4 դեպք էր տեղի ունեցել և մինչև վերջերս այն տուժած քաղաքացիների համար մնում էր չբացահայտված, ինչը վրդովմունք էր առաջացնում ողջ գյուղում

Քրեական ոստիկանները առանց աղմուկի իրականացնում են օպերատիվ-հետախուզական աշխատանքներ, և արդեն հերթական օպերատիվ տեղեկությունները ստանալուց հետո պարզում են, թե ով է իրական գողը, ու իրականացնում են նրան վնասազերծելու «Կարմիր խնձորի համին կարոտ մնաս» օպերացիան և համագործակցելով ՀՀ ՆԳՆ ոստիկանության համայնքային ոստիկանության գլխավոր վարչության Արմավիրի բաժնի իրենց գործընկերների հետ բաժնի պետ Գևորգյանի գլխավորությամբ, կարճ ժամանակում ճշտում են կասկածյալի գտնվելու վայրը ու ժամանելով գյուղ հենց այնտեղ վնասազերծում ու նրան տեղափոխում են ոստիկանության Արմավիրի բաժին։

Նրա հայտնաբերման փաստով փաստաթղթեր են կազմվել, որոնք նրա հետ ներկայացվել են ՀՀ Քննչական կոմիտեի Արմավիրի մարզային քննչական վարչություն։

Ֆոտոլրագրողի տեղեկություններով՝ կասկածյալը նույն գյուղի բնակիչ 30-ամյա Համլետ Հովհաննիսյանն է, իսկ նախաքննության շահերից ելնելով որոշ հանգամանքներ այս պահին չենք հրապարակում։

Ֆոտոլրագրողի հետ զրույցում գյուղի բնակիչները ասում էին. «Մենք այդպես էլ գիտեինք, որ գողը տանից չլինի, եզը երդիկից չեն հանի։ Մենք նույնիսկ ունեինք կասկածներ հնարավոր գողի մասին ու զարմանում էինք, որ տևական ժամանակ ոստիկանները չէին բռնում այդ ստահակին։ Բայց հետո իմացանք որ չբռնելու պատճառը օպերատիվ բլոկի աշխատանքն է, ինչը վերջապես իր արդյունքը տվեց։ Հավատում ենք, որ իրականում ինքն է գողը, ով նաև իր ծանոթուհուն է պատմել գողությունների մասին ու հիմա վստահ ենք, որ գյուղում գողությունները կդադարեն և կհայտնաբերվեն գողացված իրերը, իսկ հետո նա արժանի պատիժ կկրի»։

Մանրամասները՝ սկզբնաղբյուր կայքում

«Առաջարկ Հայաստանին» նախաձեռնության երիտասարդական պլատֆորմի կամավորները Երևանի փողոցներում են՝ կարևոր առաքելությամբ, գրված է նախաձեռնության ֆեսյբուքյան էջում։

««Առաջարկ Հայաստանին» նախաձեռնության երիտասարդական պլատֆորմի կամավորները Երևանի փողոցներում են՝ կարևոր առաքելությամբ։

Բուկլետների, թռուցիկների և կրծքանշանների միջոցով երիտասարդները փորձում են իրազեկել քաղաքացիներին թմրամոլության կործանարար ազդեցության մասին»։

Կառավարության հերթական որոշմամբ` Գյումրին տնակներից ազատելու վերջնաժամկետը 2027 թվականն է։ Նշենք, որ ըստ վերջին պաշտոնական տվյալների՝ քաղաքում գրանցված է մոտ 2,600 տնակ, այդ տնակների մեջ շատ են նաև փակ դռների թիվը։

Այսինքն` տնակը շարունակում է մնալ, բայց տնակի տերը արտերկրում է։

Գյումրիում շուտով կմեկնարկեն շինարարական աշխատանքներ։ Գյումրիի քաղաքապետարանի քաղաքաշինության և հողօգտագործման բաժնի պետ Կարեն Մխիթարյանը հայտնել է, որ 2 բազմաբնակարան շենք կկառուցվի, որը բնակարանով կապահովի 100 ընտանիքի։

«Երկու շենք է կառուցվելու է խոսքը 100 բնակարանի մասին է, 60 ընտանիքի համար։ Նախատեսվում է կառուցել Գյումրիի բուլվարային թաղամասում։ Նախագիծը ավարտական փուլում է, սպասում ենք կառավարության հաստատմանը։ Սուբվենցիոն ծրագրի շրջանակում է իրականացվելու շինարարական աշխատանքը»,- Oragir.News-ի հետ զրույցում հայտնել է Մխիթարյանը։

Բնակարանները սոցիալական են. ըստ Կարեն Մխիթարյանի` բնակարանների բաշխումը կատարվելու է կարիքավոր ընտանիքների կատեգորիաները հաշվի առնելով։ Մխիթարյանը իրատեսական չի համարում կառավարության ծրագիրը, որ 2027 թվականին Գյումրին կազատվի տնակներից։

«Մեկ տարվա ընթացքում հնարավոր չէ, որ Գյումրին մաքրվի տնակներից։ Բնակարային ֆոնդի խնդիրը լուծելու համար մեծ դրամական միջոցներ են պետք, ծրագրեր»,-ընդգծում է քաղաքապետարանի պաշտոնյան։

Հիշեցնենք, որ երկրաշարժից հետո փուլային գործընթացով Գյումրիում մասնակիորեն լուծվեց անօթևանության խնդիրը։

Կառավարության հերթական որոշմամբ` Գյումրին տնակներից ազատելու վերջնաժամկետը 2027 թվականն է։ Նշենք, որ ըստ վերջին պաշտոնական տվյալների՝ քաղաքում գրանցված է մոտ 2,600 տնակ, այդ տնակների մեջ շատ են նաև փակ դռների թիվը։

Այսինքն` տնակը շարունակում է մնալ, բայց տնակի տերը արտերկրում է։

Գյումրիում շուտով կմեկնարկեն շինարարական աշխատանքներ։ Գյումրիի քաղաքապետարանի քաղաքաշինության և հողօգտագործման բաժնի պետ Կարեն Մխիթարյանը հայտնել է, որ 2 բազմաբնակարան շենք կկառուցվի, որը բնակարանով կապահովի 100 ընտանիքի։

«Երկու շենք է կառուցվելու է խոսքը 100 բնակարանի մասին է, 60 ընտանիքի համար։ Նախատեսվում է կառուցել Գյումրիի բուլվարային թաղամասում։ Նախագիծը ավարտական փուլում է, սպասում ենք կառավարության հաստատմանը։ Սուբվենցիոն ծրագրի շրջանակում է իրականացվելու շինարարական աշխատանքը»,- Oragir.News-ի հետ զրույցում հայտնել է Մխիթարյանը։

Բնակարանները սոցիալական են. ըստ Կարեն Մխիթարյանի` բնակարանների բաշխումը կատարվելու է կարիքավոր ընտանիքների կատեգորիաները հաշվի առնելով։ Մխիթարյանը իրատեսական չի համարում կառավարության ծրագիրը, որ 2027 թվականին Գյումրին կազատվի տնակներից։

«Մեկ տարվա ընթացքում հնարավոր չէ, որ Գյումրին մաքրվի տնակներից։ Բնակարային ֆոնդի խնդիրը լուծելու համար մեծ դրամական միջոցներ են պետք, ծրագրեր»,-ընդգծում է քաղաքապետարանի պաշտոնյան։

Հիշեցնենք, որ երկրաշարժից հետո փուլային գործընթացով Գյումրիում մասնակիորեն լուծվեց անօթևանության խնդիրը։

Հայաստանը ողջունում է ԱՄՆ-ի և Իրանի միջև կայացված կարևորագույն որոշումը՝ դադարեցնել բոլոր ռազմական գործողությունները։ Այս մասին X-ի իր էջում գրել է Նիկոլ Փաշինյանը։

ՀՀ վարչապետը բարձր է գնահատել նաև գործադրված միջնորդական ջանքերը, այդ թվում՝ Պակիստանի կողմից իրականացված առաքելությունը։

«Մենք նաև բարձր ենք գնահատում միջնորդական ջանքերը, այդ թվում՝ Պակիստանի կողմից գործադրված, և հաստատակամորեն հավատում ենք, որ դիվանագիտությունը պետք է գերակայի՝ բոլոր չլուծված հարցերը կարգավորելու և Մերձավոր Արևելքում խաղաղությունը պահպանելու համար»,- գրել է Փաշինյանը։

Հայաստանը ողջունում է ԱՄՆ-ի և Իրանի միջև կայացված կարևորագույն որոշումը՝ դադարեցնել բոլոր ռազմական գործողությունները։ Այս մասին X-ի իր էջում գրել է Նիկոլ Փաշինյանը։

ՀՀ վարչապետը բարձր է գնահատել նաև գործադրված միջնորդական ջանքերը, այդ թվում՝ Պակիստանի կողմից իրականացված առաքելությունը։

«Մենք նաև բարձր ենք գնահատում միջնորդական ջանքերը, այդ թվում՝ Պակիստանի կողմից գործադրված, և հաստատակամորեն հավատում ենք, որ դիվանագիտությունը պետք է գերակայի՝ բոլոր չլուծված հարցերը կարգավորելու և Մերձավոր Արևելքում խաղաղությունը պահպանելու համար»,- գրել է Փաշինյանը։

Երևանում ապրիլի 8-ի ցերեկը հնարավոր է կարճատև անձրև։ Ապրիլի 9-13-ին ժամանակ առ ժամանակ սպասվում է անձրև, հնարավոր է նաև ամպրոպ։ Ապրիլի 9-10-ին սպասվում է քամու ուժգնացում 14-18մ/վ արագությամբ։

Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

Հանրապետության տարածքում ապրիլի 8-ի ցերեկը առանձին շրջաններում սպասվում են կարճատև տեղումներ։ Ապրիլի 9-13-ին ժամանակ առ ժամանակ շրջանների զգալի մասում սպասվում են տեղումներ, լեռնային և առանձին նախալեռնային գոտիներում ապրիլի 9-10-ին, 12-13-ին ձյան և թաց ձյան, հովտային գոտիներում՝ անձրևի տեսքով։ Առանձին վայրերում սպասվում է ամպրոպ։

Քամին` հարավարևմտյան` 2-5 մ/վ, ապրիլի 8-ի ցերեկը, 9-10-ին առանձին շրջաններում սպասվում է քամու ուժգնացում՝ 24-27 մ/վ արագությամբ, լեռնային գոտիներում բուք, ցածր հորիզոնական տեսանելիություն, ճանապարհներին մերկասառույց:

Օդի ջերմաստիճանն ապրիլի 9-ի ցերեկը, 10-ի գիշերը կնվազի 5-7աստիճանով։

Այսօր հայկական շոուբիզնեսի ամենասիրված պարուհիներից մեկը՝ Սոնա Եսայանը տոնում է ծննդյան տարեդարձը:

Ինչպես և սպասվում էր, օրվա ամենատպավորիչ շնորհավորանքը հասցեագրված էր ամուսնուց՝ հումորիստ, սցենարիստ Գրիգ Գևորգյանից։

Գրիգը սոցցանցերի իր էջերում հրապարակել է ջերմ լուսանկար և կից գրել. «Happy birthday, ամենաս: Առաջ գնա՝ առանց հետ նայելու: Հետևդ մենակ ես եմ»։

Այս տողերով հումորիստը ևս մեկ անգամ փաստել է, որ պատրաստ է լինել կնոջ ամուր թիկունքն ու աջակիցը ցանկացած նախաձեռնության մեջ:

Դուբայի ավանդույթը շարունակվում է

Զույգն այս տարի ևս հավատարիմ է մնացել իր գեղեցիկ սովորույթին: Արդեն 4-րդ տարին անընդմեջ Սոնան իր ծննդյան տոնը դիմավորում է շքեղ Դուբայում։

Պարուհին իր հետևորդների հետ կիսվել է տոնական տրամադրությամբ՝ նշելով, որ այս ավանդույթն իր համար առանձնահատուկ նշանակություն ունի և տարեցտարի ավելի սպասված է դառնում:

Այսօր հայկական շոուբիզնեսի ամենասիրված պարուհիներից մեկը՝ Սոնա Եսայանը տոնում է ծննդյան տարեդարձը:

Ինչպես և սպասվում էր, օրվա ամենատպավորիչ շնորհավորանքը հասցեագրված էր ամուսնուց՝ հումորիստ, սցենարիստ Գրիգ Գևորգյանից։

Գրիգը սոցցանցերի իր էջերում հրապարակել է ջերմ լուսանկար և կից գրել. «Happy birthday, ամենաս: Առաջ գնա՝ առանց հետ նայելու: Հետևդ մենակ ես եմ»։

Այս տողերով հումորիստը ևս մեկ անգամ փաստել է, որ պատրաստ է լինել կնոջ ամուր թիկունքն ու աջակիցը ցանկացած նախաձեռնության մեջ:

Դուբայի ավանդույթը շարունակվում է

Զույգն այս տարի ևս հավատարիմ է մնացել իր գեղեցիկ սովորույթին: Արդեն 4-րդ տարին անընդմեջ Սոնան իր ծննդյան տոնը դիմավորում է շքեղ Դուբայում։

Պարուհին իր հետևորդների հետ կիսվել է տոնական տրամադրությամբ՝ նշելով, որ այս ավանդույթն իր համար առանձնահատուկ նշանակություն ունի և տարեցտարի ավելի սպասված է դառնում:

Կա առաջին աստիճանի պետական գաղտնիք, երկրորդ աստիճանի, երրորդ։ ԱԺ պատգամավորը երրորդ աստիճանի գաղտնիքի է տիրապետում, ԱԽ անդամը՝ առաջին։ Պետական բարձր պաշտոնյաները, որոնք պաշտոնի բերումով առնչվում են պետական գաղտնիքի, պաշտոն ստանձնելուց առաջ հատուկ ձևաթղթի վրա գրում ու ստորագրում են, որ եթե պետական գաղտնիք հրապարակեն, ապա կենթարկվեն պատասխանատվության։

ՊՆ-ն երեկ, ապրիլի 7-ին, հրապարակավ մեղադրեց պատգամավոր Հայկ Սարգսյանին ՊՆ-ի մասին ապատեղեկատվություն տարածելու և պետական գաղտնիք հրապարակելու մեջ։

«… Պատգամավորը հնչեցրել է զորակոչի և զորահավաքի վերաբերյալ ենթադրյալ թվեր, ինչի կապակցությամբ անհրաժեշտ ենք համարում ընդգծել, որ զորակոչի պլանավորման և թվաքանակի վերաբերյալ տվյալները դասվում են գաղտնագրման ենթակա տեղեկությունների շարքին:

Առիթ ենք ունեցել նաև նշելու, որ 2022 թվականի համեմատ՝ 2025 թվականին զորակոչվածների թվաքանակն ավելացել է 25,3 %:

Նմանատիպ ապատեղեկատվությունը կարող է հասարակության մեջ առաջացնել անհարկի անհանգստություն և ձևավորել թյուր պատկերացում զինված ուժերում առկա պայմանների վերաբերյալ»,- գրված է ՊՆ հաղորդագրության մեջ:

Այսպիսով՝ ՊՆ-ն հերքում է ՔՊ-ական պատգամավոր Հայկ Սարգսյանի՝ ապրիլի 6-ին լրագրողների հետ ճեպազրույցում արած հայտարարությունները բանակում տիրող իրավիճակի, զինվորների առողջության, հիգիենայի հետ կապված խնդիրների, զորակոչի թվերի վերաբերյալ և բաց հանդիմանում վերջինիս պետական գաղտնիք հրապարակելու մեջ։

Սակայն ՊՆ-ի այս հաղորդագրությունը բավարար չէ։ Խոսքը վերաբերվում է բանակին և պետական գաղտնիքին։ Ի՞նչ պատասխանատվություն է սահմանված այս պարագայում, երբ պատգամավորը պետական գաղտնիք է հանրայնացնում։

Բանակին ուղղված քննադատությամբ սովորաբար հանդես են գալիս արտախորհրդարանական գործիչներն ու իրավապաշտպանները։ Միշտ էլ այդպես է եղել։ Իսկ իշխանությունները նրանց հանդիմանել են, որ չի կարելի բանակին քննադատել։ Չնայած՝ այս խումբ գործիչները պետական գաղտնիքին առնչվելու թույլտվություն ու հնարավորություն չունեն, սակայն նրանց պարբերաբար զգուշացնում են, որ բանակի մասին տվյալներ չհրապարակեն։ Նրանց ուղղակի ասում են, որ նույնիսկ եթե անզգուշաբար հրապարակեն պետական գաղտնիք, ապա պատասխանատվության կենթարկվեն։ Բանակային դիրքեր կամ զորամասեր այցելող լրագրողներին նույնպես պարտադիր զգուշացնում են, որ չհրապարակեն դիրքերին, թվակազմին, սպառազինությանն առնչվող տվյալներ, քանի որ դրանք պաշտպանական գաղտնիք են։

Այլ է պատգամավորի պարագայում։ Նա նախքան մանդատ ստանալը ստորագրություն է տալիս, որ պետական գաղտնիք չի հրապարակելու, հակառակ պարագայում ենթարկվելու է պատասխանատվության։ ՔՊ-ականները երբեմն թույլ են տալիս ընդդիմադիր գործընկերներին ծանոթանալու պետական գաղտնիք պարունակող տվյալներին, փաստաթղթերին։ Բայց դրանից առաջ հիշեցնում են, որ գաղտնիքը հրապարակելու պարագայում պատասխանատվության կենթարկվեն։ Իսկ հետո, երբ գաղտնիք իմացած ընդդիմադիրն ինչ-որ հեռավոր կամ ընդհանրական բան է ասում, նրան միանգամից սաստում են, կրկին հիշեցնելով, որ գաղտնիք հանրայնացնելը պատասխանատվություն է ենթադրում։

Գուցե սկսնակ լրագրողը, անփորձ հասարակական գործիչը չիմանան կամ չհասկանան՝ ինչ է պետական գաղտնիքը։ Սակայն Հայկ Սարգսյանը պարտավոր էր իմանալ, քանի որ փորձառու պատգամավոր է։ Նա սոսկ կոճակ սեղմող չէ, ինչպես պատգամավորների մի մասը, այլ ՀՀ ԱԺ պաշտպանության և անվտանգության հարցերի մշտական հանձնաժողովի ակտիվ անդամ է, օրենսդրական նախաձեռնություններով է հանդես գալիս։

Ուստի՝ այն կառույցը, որը պատգամավորից ստորագրություն է վերցրել, զգուշացրել պատասխանատվության մասին, հետո թույլ տվել գաղտնի տվյալների հետ առնչվել, պարտավոր է հանրությանը բացատրություն տալ, թե ի՞նչ պատասխանատվության է ենթարկվելու պետական գաղտնիք հանրայնացնող ՔՊ-ական պատգամավոր Հայկ Սարգսյանը։ Սա կարող է խրատ լինել նաև մյուսներին, որոնք գործի կամ հանգամանքների բերումով պետական գաղտնիքի են առնչվոիւմ։ Իսկ եթե ծածկադմբոց անեն ու ժողովրդին բան չասեն, ապա կարելի է ենթադրել, որ ՔՊ-ն լուրջ չի վերաբերվում պետությանը, պաշտպանությանը, պետական գաղտնիքին, հետևաբար՝ նրան կրկին ընտրելը ռիսկային է, նույնիսկ կարող է աղետալի լինել։

Թաթուլ Մկրտչյան