Category: TopNews.am

Ոստիկանության գվարդիայի ստեղծմամբ ձևավորվեց պետություն-քաղաքացի հարաբերությունների նոր ձևաչափ։ Այդ համատեքստում փոխվեց նաև Գվարդիայի ծառայության մեթոդաբանությունը։ Շրջիկ կարգախմբերը ծառայություն են իրականացնում հանրային տարածքներում՝ ընդլայնելով երթուղիներն ու ապահովելով քաղաքացիների հետ շփման նոր որակ։ Այդ մասին հայտնում են ՆԳՆ-ից:

«Մենք ծառայություն ենք իրականացնում ուսումնական հաստատությունների հարակից տարածքներում, նաև ակտիվորեն համագործակցում ենք Ոստիկանության այլ ստորաբաժանումների ծառայողների հետ։ Անհրաժեշտության դեպքում արագ արձագանքում ենք և մոտենում նշված վայր»,- նշել է Ոստիկանության գվարդիայի հատուկ սպառազինության և մարտավարության գնդի 1-ին գումարտակի 1-ին վաշտի 3-րդ դասակի ծառայության տեսուչ Զեփյուռ Զոհրաբյանը։

Նոր մոտեցման հիմքում թիրախային և համապարփակ վերլուծություններն են, նպատակը՝ կանխարգելիչ աշխատանքի արդյունավետության բարձրացումն ու հնարավոր միջադեպերին արագ արձագանքումը։

«Հաշվի են առնվել մի շարք հանգամանքներ, ինչպիսիք են, օրինակ՝ եղանակային պայմանները, բուհերում դասերի վերսկսելը, դասամիջոցները, որոնց արդյունքում իրականացվել են ծառայություն իրականացնող վերակարգերի տեղորոշման փոփոխություններ, վերակարգերի քանակի ավելացում բուհերում և հարակից զբոսայգիներում»,- նշել է ՆԳՆ ոստիկանության գվարդիայի հասարակական կարգի պահպանման և հասարակական անվտանգության ապահովման վարչության պետ Էդգար Պետրոսյանը:

Հերթափոխի ընդունումն ազդարարվում է հրահանգավորմամբ․ Ոստիկանության գվարդիայի ծառայողները ծանոթանում են նախորդ օրվա օպերատիվ իրավիճակին, ստանում համապատասխան հանձնարարականներ և դուրս գալիս երթուղիներ։

«Գվարդիայի ծառայողները անհրաժեշտության դեպքում ուսումնական հաստատությունից անմիջապես կապ են հաստատում մյուս ծառայողների հետ»,- նշել է Ոստիկանության գվարդիայի հատուկ սպառազինության և մարտավարության գնդի հրամանատարի տեղակալ Միքայել Այվազյանը։

Ուսումնական հաստատությունների հարակից տարածքներում ծառայողների մշտական ներկայությունը թույլ է տալիս ոչ միայն կանխել միջադեպերի զարգացումը, այլև վաղ փուլում չեզոքացնել դրանց առաջացման ռիսկերը։

«Համագործակցությունը գնահատում եմ լավ, որովհետև անմիջական կապի մեջ ենք․ առավոտյան հեռախոսահամարներով փոխանակվում ենք, նույնը կատարվում է երկրորդ հերթափոխով՝ ժամը 16․00-ին»,- նշել է ԵՊՀ անվտանգության ծառայության պետ Արմեն Օհանյանը։

Թե՛ հետիոտն, թե՛ ավտոմեքենաներով շրջիկ ծառայությունը շարունակաբար գրանցում է դրական արդյունքներ։ Գվարդիայի ձևավորումից՝ նոյեմբերի 1-ից մինչ օրս, ծառայողները բացահայտել են 314 հանցագործության դեպք և արձանագրել 30 իրավախախտում։

«Հետևողականորեն շարունակելու ենք մեր աշխատանքը և կատարված վերլուծությունների հիման վրա հնարավոր է կատարենք նոր վերաբաշխումներ։ Մոտեցումը միատեսակ չէ. այն ձևավորվելու է ստեղծված օպերատիվ իրավիճակի հիման վրա»,- նշել է Էդգար Պետրոսյանը:

Ծառայության արդյունավետությունը բարձրացնելու նպատակով ոստիկանության գվարդիան շարունակելու է մշտադիտարկումն ու երթուղիների ընդլայնման քաղաքականությունը՝ կանխարգելելու և արձագանքելու ցանկացած միջադեպի՝ ապահովելով քաղաքացիների անվտանգությունը։

Գլխավոր դատախազությունը 2025 թվականի մարտի 11-ին հայցադիմում էր ներկայացրել Հակակոռուպցիոն դատարան՝ ընդդեմ ֆիզիկական անձի, երրորդ անձ՝ Տավուշի մարզի Իջևան համայնքի՝ Իջևանի Վալանսի փողոց թիվ 1/30 հասցեում գտնվող՝ 0.04 հա մակերեսով հողամասի նկատմամբ ֆիզիկական անձի կառուցապատման իրավունքը դադարեցնելու պահանջով: Հողամասի՝ շուկայականին մոտարկված կադաստրային արժեքը 2 միլիոն 730 հազար դրամ է: Այս մասին տեղեկացնում են ՀՀ գլխավոր դատախազությունից:

Հակակոռուպցիոն դատարանի՝ 2026 թվականի մարտի 16-ի վճռով բավարարվել է Գլխավոր դատախազության հայցը: Վճռով դադարեցվել է Վալանսի փողոց թիվ 1/30 հասցեում գտնվող հողամասի նկատմամբ ֆիզիկական անձի կառուցապատման իրավունքը:

Հակակոռուպցիոն դատարանի նշված վճիռը ստացել է օրինական ուժ:

Գլխավոր դատախազության դիմումի հիման վրա՝ Կադաստրի կոմիտեն 2026 թվականի մայիսի 5-ին դադարեցրել է հողամասի նկատմամբ ֆիզիկական անձի կառուցապատման իրավունքը. հողամասը վերադարձվել է Իջևան համայնքին:

Այսպիսով, մինչ այսօր Իջևան համայնքին են վերադարձվել Տավուշի մարզի Իջևան համայնքի քաղաքային զբոսայգու հետևյալ գույքերը՝

1. Վալանսի փողոց թիվ 1/30 հասցեում գտնվող՝ 0.04 հա մակերեսով հողամասը,
2. Թատերական փողոց 18 հասցեում գտնվող՝ 19 քմ մակերեսով հողամասը,
3. Թատերական փողոցի 18/7 հասցեում գտնվող՝ 350.1 քմ մակերեսով հողամասը,
4. Թատերական փողոցի 18/5 հասցեում գտնվող՝ 19.8 քմ մակերեսով հողամասը,
5. Անկախության փողոց 1/55 հասցեում գտնվող՝ 436 քմ մակերեսով հողամասը,
6. Վալանսի փողոցի 1/29 հասցեում գտնվող՝ 0.06 հա մակերեսով հողամասը,
7. Անկախության փողոց 1/62 հասցեում գտնվող՝ 0.001 հա մակերեսով հողամասը,
8. Անկախության 1/54 հասցեում գտնվող՝ 436.8 քմ մակերեսով հողամասը,
9. Անկախության 1/41 հասցեում գտնվող՝ 1500 քմ մակերեսով հողամասը,
10. Թատերական փողոցի 18/6 հասցեում գտնվող՝ 0.03 հա մակերեսով հողամասը,
11. Վալանսի փողոցի 1/27 հասցեում գտնվող՝ 0.03 հա մակերեսով հողամասը,
12. Վալանսի փողոցի 1/28 հասցեում գտնվող՝ 351 քմ մակերեսով հողամասը,
13. Թատերական 18/3 հասցեում գտնվող՝ 18 քմ մակերեսով հողամասը:
14. Թատերական 18/2 հասցեում գտնվող՝ 12 քմ մակերեսով հողամասը:

Բացի այդ, դատախազական ներգործության արդյունքում՝ Իջևան համայնքի տիրապետմանն ու օգտագործմանն է վերադարձվել քաղաքային զբոսայգու շատրվաններին հարակից 0.03 հա մակերեսով հողամասը:

Գլխավոր դատախազությունը 2025 թվականի մարտի 11-ին հայցադիմում էր ներկայացրել Հակակոռուպցիոն դատարան՝ ընդդեմ ֆիզիկական անձի, երրորդ անձ՝ Տավուշի մարզի Իջևան համայնքի՝ Իջևանի Թատերական փողոցի 9 հասցեում գտնվող՝ 208 քմ մակերեսով հողամասի նկատմամբ կառուցապատման իրավունքը դադարեցնելու պահանջով։
 
«Հակակոռուպցիոն դատարանի՝ 2026 թվականի հունվարի 19-ի վճռով՝ բավարարվել էր Գլխավոր դատախազության հայցը: Վճռով դադարեցվել էր Իջևան քաղաքի Թատերական փողոցի 9 հասցեում գտնվող՝ 208 քմ մակերեսով հողամասի նկատմամբ ֆիզիկական անձի կառուցապատման իրավունքը:
 
Հակակոռուպցիոն դատարանի նշված վճիռը ստացել է օրինական ուժ:
 
Գլխավոր դատախազության դիմումի հիման վրա՝ Կադաստրի կոմիտեն 2026 թվականի մայիսի 20-ին դադարեցրել է հողամասի նկատմամբ ֆիզիկական անձի կառուցապատման իրավունքը. հողամասը վերադարձվել է Իջևան համայնքին: Հողամասի՝ շուկայականին մոտարկված կադաստրային արժեքը՝ 1 միլիոն 366 հազար դրամ:
 
Այսպիսով, մինչ այսօր Իջևան համայնքին են վերադարձվել Տավուշի մարզի Իջևան համայնքի քաղաքային զբոսայգու հետևյալ գույքերը՝
 
Թատերական փողոցի 9 հասցեում գտնվող՝ 208 քմ մակերեսով հողամասը,
Վալանսի փողոց թիվ 1/30 հասցեում գտնվող՝ 0.04 հա մակերեսով հողամասը,
Թատերական փողոց 18 հասցեում գտնվող՝ 19 քմ մակերեսով հողամասը,
Թատերական փողոցի 18/7 հասցեում գտնվող՝ 350.1 քմ մակերեսով հողամասը,
Թատերական փողոցի 18/5 հասցեում գտնվող՝ 19.8 քմ մակերեսով հողամասը,
Անկախության փողոց 1/55 հասցեում գտնվող՝ 436 քմ մակերեսով հողամասը,
Վալանսի փողոցի 1/29 հասցեում գտնվող՝ 0.06 հա մակերեսով հողամասը,
Անկախության փողոց 1/62 հասցեում գտնվող՝ 0.001 հա մակերեսով հողամասը,
Անկախության 1/54 հասցեում գտնվող՝ 436.8 քմ մակերեսով հողամասը,
Անկախության 1/41 հասցեում գտնվող՝ 1500 քմ մակերեսով հողամասը,
Թատերական փողոցի 18/6 հասցեում գտնվող՝ 0.03 հա մակերեսով հողամասը,
Վալանսի փողոցի 1/27 հասցեում գտնվող՝ 0.03 հա մակերեսով հողամասը,
Վալանսի փողոցի 1/28 հասցեում գտնվող՝ 351 քմ մակերեսով հողամասը,
Թատերական 18/3 հասցեում գտնվող՝ 18 քմ մակերեսով հողամասը:
Թատերական 18/2 հասցեում գտնվող՝ 12 քմ մակերեսով հողամասը:
 
Բացի այդ, դատախազական ներգործության արդյունքում՝ Իջևան համայնքի տիրապետմանն ու օգտագործմանն է վերադարձվել քաղաքային զբոսայգու շատրվաններին հարակից 0.03 հա մակերեսով հողամասը»,- ասվում է դատախազության հաղորդագրության մեջ:

80 տարեկան հասակում կյանքից հեռացել է ռումինացի անվանի ֆուտբոլային մարզիչ Միրչա Լուչեսկուն։ Այս մասին հայտնում է ռումինական Antena 3 CNN հեռուստաալիքը՝ հղում անելով Բուխարեստի համալսարանական հիվանդանոցի տարածած պաշտոնական հայտարարությանը։ Լուչեսկուն հոսպիտալացվել էր Ռումինիայի ազգային հավաքականի մարզման ժամանակ ինքնազգացողության կտրուկ վատթարացումից հետո։ Մարզչի մոտ ախտորոշվել էր սրտամկանի սուր ինֆարկտ։ Կիրակի՝ ապրիլի 5-ին, նրա առողջական վիճակն ավելի էր ծանրացել, ինչի հետևանքով մասնագետին արհեստական կոմայի մեջ էին գցել:

Իր տպավորիչ մարզչական կարիերայի ընթացքում Լուչեսկուն հասցրել է գլխավորել այնպիսի ակումբներ, ինչպիսիք են Կիևի «Դինամոն», Դոնեցկի «Շախտյորը», Սանկտ Պետերբուրգի «Զենիթը» և վերջապես՝ Ռումինիայի ազգային հավաքականը, որն էլ դարձավ նրա աշխատանքային վերջին կանգառը:

Միրչա Լուչեսկուն համարվում է Չեմպիոնների լիգայի և ազգային հավաքականների պատմության ամենատարեց մարզիչը։ Իր գլխավորած թիմերի հետ նա նվաճել է տպավորիչ 35 տիտղոս. ֆուտբոլի պատմության մեջ այս ցուցանիշով նրան գերազանցում են միայն Խոսեպ Գվարդիոլան (40) և սըր Ալեքս Ֆերգյուսոնը (49):

Հայաստանի ազգային հավաքականի նախկին ավագ Հենրիխ Մխիթարյանը 2010-2013 թվականներին հանդես է եկել Դոնեցկի «Շախտյորի» կազմում՝ խաղալով հենց ռումինացի անվանի մասնագետի գլխավորությամբ:

ՀՀ կրթության, գիտության, մշակույթի և սպորտի նախարարության հետ համագործակցությամբ «Նազիկ Ավդալյան» սպորտի զարգացման հիմնադրամը և Women of Armenia Network-ը կազմակերպել են «Սպորտի կարևորությունը կյանքում» խորագրով պանելային քննարկումը, որին մասնակցել է նաև ԿԳՄՍ նախարար Ժաննա Անդրեասյանը։ Միջոցառումն անցկացվել է Մայրության և գեղեցկության տոնի շրջանակում՝ ՄԱԿ-ի մշտական համակարգողի գրասենյակի աջակցությամբ։ Այս մասին տեղեկացնում են ԿԳՄՍՆ-ից:

Պանելային քննարկմանը մասնակցել են նաև ծանրամարտի աշխարհի և Եվրոպայի չեմպիոն, «Նազիկ Ավդալյան» սպորտի զարգացման հիմնադրամի հիմնադիր տնօրեն Նազիկ Ավդալյանը, Հայաստանում ՄԱԿ-ի մշտական համակարգող Ֆրանսուա Ժակոբը, Հայաստանի հավաքականի նախկին ֆուտբոլիստ, STREET BALL Аrmenia ՀԿ համահիմնադիր Դավիդ Մանոյանը, ոլորտային այլ ներկայացուցիչները:

Պանելային քննարկման բանախոսներն անդրադարձել են սպորտի դերին հասարակական զարգացման մեջ, ինչպես նաև կանանց ներգրավվածությանը և մարզիկների խրախուսմանը։ Անդրադարձ է կատարվել նաև Սպորտի միջազգային օրվան նվիրված համատեղ միջոցառումներին:

Որքանո՞վ է կարևոր կանանց ներգրավվածությունը սպորտում, հատկապես այն մարզաձևերում, որոնք ավանդաբար համարվել են «ոչ կանացի»։ Այդ բաժանումները արդյոք հիմնավորվա՞ծ են, թե՞ պարզապես հասարակական ընկալումների արդյունք են։

Անդրադառնալով վերոնշյալ հարցերին՝ Ժաննա Անդրեասյանը նշել է․ «Նազիկ Ավդալյանն իր օրինակով ցույց է տալիս, թե որքան կարևոր է, որ աղջիկներն ու կանայք չվախենան հասարակական կարծիքներից և կարծրատիպերից, զբաղվեն այն գործով, որը կարևոր են համարում և որտեղ կարող են հասնել հաջողությունների։ Վերջին երկու տարում Հայաստանի մեդալների ընդհանուր հաշվարկում կին մարզիկների նվաճած մեդալների թիվը կրկնապատկվել է, ինչը վկայում է, որ կանանց ներկայությունն ու ակտիվությունը սպորտում գնալով ավելի տեսանելի են դառնում»։

Նախարարը հավելել է, որ «Նազիկ Ավդալյան» հիմնադրամի հետ համատեղ նոր ծրագիր է նախատեսվում, որի շրջանակում Շիրակի մարզի Փանիկ համայնքում կկառուցվի նրա անունը կրող սպորտային համալիր։

Ժաննա Անդրեասյանն անդրադարձել է նաև Երևանում կայացած Եվրոպայի հրաձգության առաջնությանը՝ առանձնացնելով արծաթե մեդալակիր Էլմիրա Կարապետյանին, որը, բալիկին սպասելով, մասնակցել է առաջնությանը և զբաղեցրել երկրորդ տեղը․ «Սա ցույց է տալիս, որ կանանց համար սպորտով զբաղվելու որևէ խոչընդոտ չկա, եթե առկա են ցանկություն և նպատակասլաց աշխատանք»։

Ինչպե՞ս կարող է սպորտը դառնալ ոչ միայն մրցակցային ոլորտ, այլև զանգվածային առողջ ապրելակերպի հիմք։ Ի՞նչ արժեքներ է ձևավորում այն, և ինչպե՞ս կարելի է դրանք փոխանցել երիտասարդներին։

Ժաննա Անդրեասյանը կարևորել է ռազմավարական մոտեցումը՝ ընդգծելով, որ անհրաժեշտ է խոսել ոչ թե առանձին ծրագրերի, այլ ամբողջական քաղաքականության մասին։ Նա հիշեցրել է, որ 2023 թվականի դեկտեմբերին ընդունվել է ՀՀ ֆիզիկական կուլտուրայի և սպորտի ոլորտների 2024-2030 թվականների զարգացման ռազմավարությունը, որը վերաբերում է ոչ միայն բարձր նվաճումների սպորտին, այլև զանգվածային ֆիզիկական ակտիվության և առողջ ապրելակերպի զարգացմանը։

Ռազմավարության կարևոր թիրախներից է՝ ապահովել յուրաքանչյուր երեխայի հասանելիությունը նախընտրած մարզաձևին, ինչպես նաև դպրոցներում «Ֆիզկուլտուրա» առարկայի արդյունավետ կազմակերպումը։

Նախարարը նշել է, որ ռազմավարության մյուս կարևոր ուղղությունը ՀՀ բոլոր համայնքներում սպորտային ենթակառուցվածքների հիմնումն է, որի շրջանակում նախարարությունը կարևորում է պետություն–մասնավոր հատված համագործակցությունը։

Ժաննա Անդրեասյանն ընդգծել է նաև մասսայական սպորտի և զանգվածային միջոցառումների կարևորությունը՝ նշելով, որ դրանք հնարավորություն են տալիս երեխաներին ինքնադրսևորվելու և հետաքրքրվելու սպորտով։ Նրա խոսքով՝ «Վարչապետի գավաթ» մրցաշարերին նախորդ տարի մասնակցել է ավելի քան 25000 երեխա, իսկ Դպրոցականների բասկետբոլի լիգան ավելի քան 8000 մասնակից է ունեցել։

Ժաննա Անդրեասյանի համոզմամբ՝ կրթական համակարգի դերակատարությունը կարևոր է երեխաների սպորտում ներգրավման առումով․ «Կրթական համակարգում երկար ժամանակ առկա են եղել լուրջ խնդիրներ, երբ երեխաներին ոչ թե աջակցել են, այլ հակառակը՝ կոտրել։ Եթե ցանկանում ենք, որ երեխաները հաջողեն սպորտում, գիտության մեջ, մշակույթում կամ իրենց ընտրած այլ ոլորտներում, պետք է դադարենք նրանց վախեցնելուց՝ թե՛ ընտանիքում, թե՛ դպրոցում։ Կարևոր է սովորեցնել, որ սխալվելը բնական է, և յուրաքանչյուր սխալից հետո կարելի է առաջ գնալ՝ ավելի ուժեղ, ավելի փորձառու և ավելի իմաստուն»։

2018 թ. համեմատ սպորտի ոլորտի ֆինանսավորումն ավելի քան քառապատկվել է

ԿԳՄՍ նախարարին ուղղվել է նաև հարց սպորտի ոլորտին հատկացվող պետական միջոցների և մարզիկներին տրամադրվող աջակցության վերաբերյալ։ Ժաննա Անդրեասյանը տեղեկացրել է, որ նախորդ տարի սպորտին հատկացվել է ավելի քան 15 միլիարդ դրամ։ Ըստ նրա՝ պետական ֆինանսավորումը 2018 թվականի համեմատ ավելի քան քառապատկվել է, իսկ մասսայական սպորտին ուղղված հատկացումները հասել են 5.5 միլիարդ դրամի՝ աճելով շուրջ 25 անգամ։

Նախարարը ներկայացրել է նաև մարզիկների աջակցության գործող ծրագրերը․

Անվանական թոշակներ – տրամադրվում են այն մարզիկներին և մարզիչներին, որոնք տվյալ տարում ունենում են բարձր արդյունքներ և հաջորդ տարվա ընթացքում ստանում ամսական խրախուսում։

Պատվովճարներ – նախատեսված են բարձրագույն նվաճումներ ունեցող մարզիկների համար և տրամադրվում են ցմահ՝ ամսական վճարների տեսքով։

Օլիմպիական նպաստներ – ուղղված են օլիմպիական խաղերին պատրաստվող հեռանկարային մարզիկներին, մարզիչներին և մասնագիտական անձնակազմին, որպեսզի նրանք կարողանան կենտրոնանալ մարզումների վրա։

Միանվագ պարգևատրումներ – տարվա ընթացքում ցուցադրած բարձր արդյունքների համար մարզիկներին տարեվերջին տրամադրվում են խոշոր դրամական պարգևներ։

Նախարարի խոսքով՝ որոշ մարզիկներ տարբեր ծրագրերի համադրությամբ կարող են ամսական ստանալ մինչև 1 միլիոն դրամ և ավելի վարձատրություն, իսկ տարբեր ծրագրերի, նվաճումների համար տրվող տարեվերջյան խրախուսումները և պարգևատրումները կարող են հասնել մինչև 10 միլիոն դրամի։ Նա անդրադարձել է նաև Հայաստանի ֆուտզալի հավաքականի պատմական հաջողությանը՝ ընդգծելով, որ Կառավարությունը հատուկ որոշմամբ միանվագ պարգևատրել է թիմի մարզիկներին և մարզիչներին՝ գնահատելով նրանց ներդրումը։

Ժաննա Անդրեասյանը շեշտել է, որ պետությունը կանգնած է մարզիկների կողքին, և նրանք չպետք է կախված լինեն անհատական աջակցություններից․ «Սպորտում խնդիրները հնարավոր է լուծել միայն դրանց մասին բաց խոսելու և համակարգային աջակցություն ապահովելու միջոցով»։

Ծանրամարտի աշխարհի և Եվրոպայի չեմպիոն, «Նազիկ Ավդալյան» սպորտի զարգացման հիմնադրամի հիմնադիր տնօրեն Նազիկ Ավդալյանը հավելել է, որ որպես մարզիկ՝ շատ լավ հասկանում է ֆինանսական կայունության կարևորությունը։ Նրա խոսքով՝ մարզիկը պետք է չմտածի առօրյա կենցաղային խնդիրների մասին, քանի որ դրանք խլում են մեծ էներգիա։ 2009 թվականի աշխարհի չեմպիոնն իր օրինակով համեմատություն է արել՝ նշելով, որ ներկայում երիտասարդների Եվրոպայի առաջնությունների չեմպիոնն ու փոխչեմպիոնը տարբեր պարգևատրումների շնորհիվ այսօր ավելի բարձր եկամուտ կարող է ունենալ, քան նախկինում մեծահասակների աշխարհի և Եվրոպայի չեմպիոնները։ Ավդալյանի գնահատմամբ՝ սա դրական փոփոխություն է, և պետությունն այսօր զգալիորեն ավելի մեծ աջակցություն է ցուցաբերում մարզիկներին։ Նա նաև շնորհակալություն է հայտնել ԿԳՄՍ նախարարությանը՝ նշելով, որ ոլորտում իրականացվող աշխատանքները տեսանելի են և կարևոր։

Մադրիդում ընթացող WTA 125 շարքի մրցաշարի 1/16 եզրափակիչում Հայաստանի ներկայացուցիչ Էլինա Ավանեսյանը երկու սեթում՝ 6:4, 7:5 հաշվով, հաղթեց աշխարհի 146-րդ ռակետ, իսպանացի Անդրեա Լազարո Գարսիային։ Այս մասին հայտնում է ՀԹՖ-ի մամուլի ծառայությունը։

1/8 եզրափակիչում Ավանեսյանն այսօր՝ ապրիլի 8-ին, կմրցի աշխարհի 100-րդ ռակետ, բրիտանացի Ֆրանչեսկա Ջոնսի հետ։ Հիշեցնենք, որ որակավորման փուլում Ավանեսյանը հաղթել էր Ֆրանսիան ներկայացնող Սելենա Յանիչևիչին և Եկատերինա Կազիոնովային։

Մադրիդում ընթացող WTA 125 շարքի մրցաշարի 1/16 եզրափակիչում Հայաստանի ներկայացուցիչ Էլինա Ավանեսյանը երկու սեթում՝ 6:4, 7:5 հաշվով, հաղթեց աշխարհի 146-րդ ռակետ, իսպանացի Անդրեա Լազարո Գարսիային։ Այս մասին հայտնում է ՀԹՖ-ի մամուլի ծառայությունը։

1/8 եզրափակիչում Ավանեսյանն այսօր՝ ապրիլի 8-ին, կմրցի աշխարհի 100-րդ ռակետ, բրիտանացի Ֆրանչեսկա Ջոնսի հետ։ Հիշեցնենք, որ որակավորման փուլում Ավանեսյանը հաղթել էր Ֆրանսիան ներկայացնող Սելենա Յանիչևիչին և Եկատերինա Կազիոնովային։

Չեմպիոնների լիգայի 2025/26 թթ. խաղարկության քառորդ եզրափակիչի առաջին խաղում Լիսաբոնի «Սպորտինգը» «Ժոզե Ալվալադե» մարզադաշտում նվազագույն հաշվով պարտվեց Լոնդոնի «Արսենալին» (0-1)։

Հանդիպման հիմնական ժամանակն ավարտվում էր գոլազուրկ ոչ-ոքիով, սակայն լոնդոնցիները կարողացան հաղթանակ կորզել ավելացված ժամանակում։ Մրցավարի կողմից հիմնական ժամանակին ավելացված առաջին րոպեին (90+1) Կայ Հավերցը, օգտվելով փոխարինման դուրս եկած Գաբրիել Մարտինելիի փոխանցումից, խփեց հանդիպման միակ ու հաղթական գնդակը։

Թիմերի միջև պատասխան հանդիպումը կկայանա ապրիլի 15-ին Լոնդոնի «Էմիրեյթս» մարզադաշտում՝ Երևանի ժամանակով 23:00-ին։