«Վեոլիա ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված, ապրիլի 13-ին՝ ժամը 11:00-23:00-ն կդադարեցվի ք.Մեծամոր 1-ին թաղամասի ջրամատակարարումը:
Երևանի քաղաքապետ Տիգրան Ավինյանն անդրադարձել է հանրային տրանսպորտում ուղեվարձը չվճարելու պատճառով վարորդների հետ միջադեպերին։
«Ունեցել ենք մի քանի միջադեպ, մեկ կոնկրետ տհաճ միջադեպ, երբ վերածվել է կռվի, հարձակվել են վարորդի վրա։ Երեք անձ ձերբակալվել է, չորրորդն էլ անցնում է այդ գործով։ Ես ուզում եմ վստահ լինել, որ այդ անձինք պատժվելու են խստագույնս։
Եվ իրականում վարորդների նկատմամբ ոտնձգությունը անհատի, անձի նկատմամբ ոտնձգություն չէ, դա ոտնձգություն է քաղաքի նկատմամբ, ամբողջ համակարգի նկատմամբ, և ուզում եմ բոլորն իմանան, առաջին հերթին՝ վարորդները, որ մենք նրանց կողքին կանգնած ենք»։
Նա նշել է, որ ուղեվարձը չվճարելը ամոթալի երևույթ է. «Այս երևույթը պետք է լինի պախարակելի, պետք է լինի ամոթալի և որևէ մեկը չպետք է իրեն թույլ տա՝ տրանսպորտից օգտվելիս չվճարել, քանի որ ինքը բեռ է մեր բոլորի վզին, ձեր վզին՝ սիրելի երևանցիներ, ովքեր պարտաճանաչ վճարում եք։ Իրենք շաբաթական երկու նոր ավտոբուսի չափ չեն վճարում»։
Ըստ քաղաքապետի՝ այս ամենը չպետք է հանդուրժել. «Ի՞նչ իրավունք ունի մարդը, որ տրանսպորտի համար չվճարի ու մի հատ էլ հերոսացնի»։
Նա նաև շեշտել է. «Շաբաթական մոտ 70-80 մլն դրամի չվճարում ունենք։ Սա նշանակում է, որ շաբաթը երկու նոր ավտոբուս կարող էինք գնել այդ չվճարողների հաշվին»։
Վայք համայնքի երիտասարդներն այսուհետ կօգտվեն նորաբաց «Ալտերնատիվ» երիտասարդական կենտրոնի ծառայություններից, որը հիմնվել է ԿԳՄՍ նախարարության հետ համագործակցությամբ և Ճապոնիայի կառավարության ֆինանսական աջակցությամբ` ՅՈՒՆԻՍԵՖ-ի ու «Հայ առաջադեմ երիտասարդություն» ՀԿ-ի կողմից:
Երիտասարդական կենտրոնի բացման արարողությանը ներկա են եղել ԿԳՄՍ նախարարի տեղակալ Արթուր Մարտիրոսյանը, Վայք համայնքի ղեկավար Մխիթար Մաթևոսյանը, ՀՀ-ում Ճապոնիայի արտակարգ և լիազոր դեսպան Աոկի Յուտական, ՅՈՒՆԻՍԵՖ-ի և քաղհասարակության ներկայացուցիչներ:
Վայք քաղաքում տեղակայված կենտրոնը գործելու է «ալտերնատիվ» մեթոդաբանությամբ, որը մշակել է «Հայ առաջադեմ երիտասարդություն» ՀԿ-ն․ այն փորձված և լայնորեն կիրառվող մոդել է, որն արդեն հաջողությամբ իրականացվում է Հայաստանի երեք այլ համայնքներում։ Այս մոդելը հիմնված է ոչ ֆորմալ կրթության, մասնակցային գործելակերպի, հոգեսոցիալական բարեկեցության և երիտասարդների զորեղացման վրա։
Կենտրոնը սպասարկելու է համայնքի 16 բնակավայրի 13-35 տարեկան դեռահասներին և երիտասարդներին՝ տրամադրելով սոցիալ-հոգեբանական և երիտասարդական ծառայություններ։
Կենտրոնն առաջարկելու է կարողությունների զարգացման ծրագրեր, առաջնորդության և ձեռնարկատիրական կրթություն, ինտելեկտուալ և ժամանցային միջոցառումներ, ինչպես նաև անհատական մենթորություն և խորհրդատվություն, այդ թվում՝ հոգեսոցիալական աջակցություն։
Ողջունելով ներկաներին՝ ԿԳՄՍ նախարարի տեղակալ Արթուր Մարտիրոսյանը նշել է՝ Հայաստանի որևէ անկյունում այսօրինակ միջավայր ունենալը համատեղ ձեռքբերում է․ «Այսպիսի երիտասարդական կենտրոնների ստեղծումը համահունչ է պետական երիտասարդական քաղաքականության առաջնահերթություններին։ Այն հնարավորություն է տալիս գործնականում իրականացնել «Երիտասարդական քաղաքականության մասին» օրենքը համայնքային մակարդակում՝ ապահովելով մասնակցության մեխանիզմներ, հմտությունների զարգացման հնարավորություններ, ուժեղացնելով երիտասարդների ներգրավվածությունը տեղական որոշումների կայացման գործընթացներում»։
ՀՀ Կառավարության 2021-2026 գործունեության միջոցառումների ծրագրով մինչև տարեվերջ նախատեսված է ունենալ 25 երիտասարդական կենտրոն: Այս համատեքստում Արթուր Մարտիրոսյանը կարևորել է գործընկեր կառույցների նախաձեռնությամբ ևս կենտրոնների ձևավորումը՝ պետության հաստատած միասնական ձևաչափով և ուղեցույցներով։
ԿԳՄՍ նախարարի տեղակալի խոսքով՝ կենտրոնի գործունեության մեջ առաջնային է ակտիվ քաղաքացիության խրախուսումը և ՏԻՄ-երի հետ համագործակցությունը՝ փոխակերպելու իրենց բնակավայրը, համայնքը, մարզը՝ այդպիսով նաև պետությունը: Նա երիտասարդական կենտրոնի գործունեությունը կարևորել է նաև ինտելեկտուալ ժամանցի, գաղափարների փոխանակման, հանրային երկխոսության կայացման, նոր նախաձեռնությունների քննարկման, ինչպես նաև երիտասարդների կարողությունների զարգացման տեսանկյունից՝ որպես ոչ ֆորմալ կրթության գործիքակազմ: Խոսքը եզրափակելով՝ Արթուր Մարտիրոսյանը շնորհակալություն է հայտնել գործընկերներին հաջող համագործակցության համար և կենտրոնին մաղթել արդյունավետ գործունեություն:
«Հայ առաջադեմ երիտասարդություն» ՀԿ-ի նախագահ Գրիգոր Երիցյանի խոսքով՝ կենտրոնը Վայոց ձորում ներկայացնում է երիտասարդական աշխատանքի կայուն մոդել՝ համադրելով ուսուցումը, մասնակցությունը և իրական հնարավորությունները. «Մեր նպատակն է ապահովել, որ տեղի երիտասարդները ոչ միայն ներգրավված լինեն, այլ նաև կարողանան նախաձեռնել, լուծումներ մշակել և նպաստել իրենց համայնքի երկարաժամկետ զարգացմանը»։
ՀՀ-ում Ճապոնիայի արտակարգ և լիազոր դեսպան Աոկի Յուտական նշել է․ «Ճապոնիայի կառավարությունը մեծ ուրախությամբ է աջակցում այն նախաձեռնություններին, որոնք նպաստում են դեռահասների և երիտասարդների հոգեսոցիալական բարեկեցությանը և ամրապնդում տեղական համայնքները։ Մենք վստահ ենք, որ երեխաների և երիտասարդների ներուժի լիարժեք իրացման հնարավորությունների ստեղծումը կարևոր է կայուն զարգացման համար, և հպարտ ենք մեր ներդրումն ունենալ Վայոց ձորի մարզում այս կարևոր նախաձեռնության իրականացման գործում»։
ՅՈՒՆԻՍԵՖ-ի երիտասարդական ծրագրերի ղեկավար Հասմիկ Ալեքսանյանի խոսքով՝ ՅՈՒՆԻՍԵՖ-ը համայնքային երիտասարդական կենտրոնները դիտարկում է որպես կարևոր հարթակներ դեռահասների հոգեսոցիալական բարեկեցության ապահովման համար, ինչը ուսուցման, մասնակցության և դեպի չափահաս կյանք հաջող անցման հիմքն է. «Համախմբելով պետական կառույցներին, տեղական իշխանություններին, քաղաքացիական հասարակությանը, դոնորներին և հենց երիտասարդներին՝ մենք նպաստում ենք, որ ազգային երիտասարդական քաղաքականությունները տեղայնացվեն՝ վերածվելով ներառական և բարձրորակ ծառայությունների հենց համայնքներում»։
Վայք համայնքի ղեկավար Մխիթար Մաթևոսյանը շնորհակալություն է հայտնել ստեղծված հնարավորության համար՝ ընդգծելով․ «Կենտրոնը ստեղծում է նոր հնարավորություններ Վայքի երիտասարդների համար՝ իրենց իսկ համայնքներում ծառայություններից օգտվելու, իրենց ներուժը զարգացնելու և ապագան այստեղ տեսնելու առումով»։
Միջոցառման ավարտին հյուրերը շրջել են կենտրոնում, ծանոթացել պայմաններին, շփվել համայնքի երիտասարդների հետ:
Թեև հայտնի է, որ ամերիկյան կողմը լքել է Պակիստանը, իսկ ԱՄՆ փոխնախագահ Ջեյ Դի Վենսը հայտարարել է, որ Վաշինգտոնը ներկայացրել է իր «լավագույն և վերջնական» առաջարկը, զարգացումները ցույց են տալիս, որ գործընթացը դեռ ամբողջությամբ կանգ չի առել։ Վերջին տեղեկություններով՝ ամերիկացիների և իրանցիների միջև անուղղակի բանակցությունները շարունակվել են Պակիստանի միջնորդությամբ, գրում է BBC-ին։
Թեև այս տվյալները պաշտոնապես չեն հաստատվել ո՛չ ԱՄՆ-ի, ո՛չ էլ Իրանի կողմից, նման ձևաչափով շփումների բնույթը միշտ էլ դժվար է հստակ գնահատել։
Այդուհանդերձ, այս հանգամանքը կարող է վկայել, որ միջնորդական և անդրադարձային բանակցությունների հնարավորությունը դեռևս ամբողջությամբ փակված չէ։
Իրանի արտաքին գործերի նախարարության խոսնակը ևս ընդգծել է, որ Թեհրանը երբեք չի ակնկալել համաձայնության հասնել «մեկ նիստի» ընթացքում՝ ակնարկելով բանակցությունների երկարատև և բարդ բնույթը։
Միևնույն ժամանակ, իրավիճակը շարունակում է մնալ անորոշ, և հաճախ դժվար է տարբերել փաստերը այն քաղաքական նարատիվներից, որոնք կողմերը ներկայացնում են իրենց ներքին լսարաններին։ Մինչ այդ, փխրուն հրադադարի պայմաններում և գլոբալ անկայունության ֆոնին, հակամարտության գոտում գտնվող մարդկանց կյանքի ապագան շարունակում է կախված մնալ չափազանց նուրբ հավասարակշռությունից։
Ապրիլի 13-ին՝ ժամը 10:00-ից մինչև ժամը 19:00-ն, կդադարեցվի Լոռու մարզի Արդվի, Մղարթ և Արևածագ բնակավայրերի գազասպառողների գազամատակարարումը։ Այս մասին հայտնում է «Գազպրոմ Արմենիա» ՓԲԸ-ն։
Գազամատակարարումը կդադարեցվի նոր կառուցված գազասպառման համակարգը գործող ցանցին ներմիացման աշխատանքներ իրականացնելու նպատակով։
Այսուհետ Գավառի տարածաշրջանը և Գավառ-Երևան երթուղին կսպասարկվի այս նոր տրանսպորտային միջոցներով։
Ինչպես հայտնում են ՀՀ ՏԿԵ նախարարությունից, միկրոավտոբուսները հարմարեցված են հաշմանդամություն ունեցող անձանց համար։
21-ժամյա բանակցություններ՝ առանց համաձայնությունների
Իսլամաբադում 21 ժամ տևած ԱՄՆ-Իրան բանակցություններն ընդհատվել են՝ առանց համաձայնությունների։ Փոխնախագահ Ջեյ Դի Վենսը վերադարձել է ԱՄՆ՝ հայտարարելով, որ Իրանը չի ընդունել ամերիկյան պահանջները, իրանական պատվիրակությունն էլ վերադարձել է Թեհրան։ ԱԳՆ մամուլի խոսնակն ասել է, որ Վաշինգտոնը պետք է զերծ մնա «չափազանց մեծ պահանջներից և անօրինական խնդրանքներից» ու ընդունի Իրանի «օրինական իրավունքներն ու շահերը»։
Միացյալ Նահանգների և Իրանի պատվիրակություններն Իսլամաբադում բանակցում էին պատերազմն ավարտելու պայմանների շուրջ:
Ամերիկյան կողմը ներկայացնում էին ԱՄՆ փոխնախագահ Ջեյ Դի Վենսը, հատուկ դեսպանորդներ Սթիվ Ուիթքոֆն ու Ջարեդ Քուշները, իսկ իրանականը՝ Մեջլիսի նախագահ, ԻՀՊԿ ռազմաօդային ուժերի նախկին հրամանատար Մոհամմեդ Բաղեր Ղալիբաֆը, որը, իրանագետների գնահամամբ, աչքի է ընկնում իր հաստատակամությամբ։ Մինչև Իսլամաբադ մեկնելը Ղալիբաֆը X-ի իր միկրոբլոգում նկար էր տեղադրել՝ «Այս թռիչքի իմ ուղեկցողները» մակագրությամբ։ Նկարում պատկերված էին Մինաբի օրիորդաց դպրոցի հրետակոծության ժամանակ զոհված սաները։
Ի՞նչ են հայտարարել կողմերը
Վաշինգտոն վերադառնալուց առաջ ԱՄՆ փոխնախագահ Ջեյ Դի Վենսը երկու լուր է հայտնել բանակցությունների արդյունքների վերաբերյալ՝ վատ և լավ։ Ըստ փոխնախագահի՝ լավ լուրն այն է, որ բանակցությունները բովանդակալից են եղել։
«Իսկ վատ լուրն այն է, որ մենք համաձայնության չենք հասել, և կարծում եմ, որ դա վատ լուր է ավելի շատ Իրանի, քան Միացյալ Նահանգների համար։ Մենք պարզապես չկարողացանք հասնել մի իրավիճակի, երբ իրանցիները կընդունեին մեր պայմանները»,–ասել է Վենսը։
Փոխնախագահն ընդգծել է, որ միջուկային ծրագրի հարցն առանցքային է եղել բանակցություններում, և նախագահ Թրամփի գլխավոր խնդիրն է թույլ չտալ, որ Թեհրանը միջուկային զենք ունենա ինչպես հիմա, այնպես էլ ապագայում։ Վենսի խոսքով՝ Իսլամաբադում Միացյալ Նահանգները իրանցիների կողմից միջուկային զենք չմշակելու հանձնառություն չի տեսել։
Իսկ Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ բանակցությունների ժամանակ իր պատվիրակությունը հանդես է եկել «հեռանկարային» նախաձեռնություններով, սակայն Միացյալ Նահանգներին չի հաջողվել շահել իրանցիների վստահությունը։
Իրանի արտաքին գործերի նախարարության խոսնակ Էսմայիլ Բաղային հայտնել է, որ բանակցություններում քննարկվող թեմաների թվում են եղել Հորմուզի նեղուցը, Իրանի միջուկային ծրագիրը և «պատերազմի լիակատար դադարեցումը»։ Թե որ հարցերի շուրջ է եղել անհամաձայնությունը, չի մանրամասնել։ Բաղային Իսլամաբադում Միացյալ Նահանգների հետ բանակցությունները բնութագրել է «ինտենսիվ»՝ նշելով, որ դրանց հաջողությունը «կախված է հակառակ կողմի լրջությունից և բարի կամքից»։
Ինչ են կարծում փորձագետներն ու ինչ են գրում ԶԼՄ-ները
Tasnim-ը տեղեկացնում է, որ Թեհրանի հետ բանակցությունների ընթացքում Վաշինգտոնը պնդել է Իրանի հարստացված ուրանի պաշարների դուրսբերման հարցը։ Թեհրանը հրաժարվել է կատարել այս, ինչպես նաև Հորմուզի նեղուցն անվերապահ ապաշրջափակելու պայմանը։ Ըստ լրատվամիջոցի՝ այս կետերը եղել են «կարմիր գծեր» Իրանի համար։
Financial Times-ը, հղում անելով բանակցություններին ծանոթ աղբյուրների, նույնպես գրում է, որ Հորմուզի նեղուցի վերահսկողության հարցն է խոչընդոտել կողմերի հանրավոր համաձայնությանը։ Ըստ պարբերականի՝ Թեհրանը պնդում է նեղուցի նկատմամբ իր վերահսկողության իրավունքը և մերժում այդ գործընթացում Վաշինգտոնի մասնակցությունը։
Նյու Յորք Թայմսն էլ՝ «Վենսը վերադառնում է առանց պայամանվորվածության» հոդվածում գրում է․ «Այս ձախողումը Թրամփի վարչակազմին կանգնեցնում է մի քանի անցանկալի ընտրանքների առջև․ կա՛մ երկարատև բանակցություններ Թեհրանի հետ միջուկային ծրագրի ապագայի շուրջ, կա՛մ պատերազմի վերսկսում, որն արդեն իսկ աշխարհում առաջացրել է էներգետիկ մեծ ցնցում և Հորմուզի նեղուցի վերահսկողության համար երկարատև պայքարի հեռանկար:
Ալ Ջազիրան էլ նկատում է, որ Թեհրանի ու Վաշինգտոնի երկարատև բանակցությունները ձախողվել են՝ վտանգելով 6-շաբաթյա պատերազմի փխրուն հրադադարը։ Չնայած Իրանի արտաքին գործերի նախարարության հայտարարությանը, թե արագ համաձայնություն չէր ակնկալվում, ԱՄՆ փոխնախագահ Ջեյ Դի Վենսը բանակցությունների ավարտն անվանել է Իրանի համար բացասական զարգացում։
Անհամաձայնությունների շղթայում է մեկ հարց ևս՝ Լիբանանում հրադադարի հաստատումը։ Իրանական կողմը պնդում էր, որ հարցը ներառվի բանակցություններում։ Վաշինգտոնը հայտնում է, որ այն չի քննարկվել։
Ու մինչ կողմերը փորձում են ելքեր գտնել, Իսրայելը շարունակում է հարվածել Լիբանանին՝ նշելով, որ թիրախավորում է «Հեզբոլա»-ի ենթակառուցվածքները: «Հեզբոլա»-ը ևս պատասխան հարվածներ է հասցնում: Կան զոհեր և վիրավորներ:
Ըստ նախնական պայմանավորվածության՝ Միացյալ նահանգները հարթակ է տրամադրել Իսրայելին ու Լիբանանին խաղաղության շուրջ բանակցելու համար։ Վաշինգտոնում բանակցությունները նախատեսված են հաջորդ շաբաթ։ ԱՄՆ-ում Իսրայելի դեսպանը, սակայն, պնդել է, որ «Հեզբոլա»-ն չպետք է մասնակցի դրանց:
armradio.am
ԱՄՆ Կենտրոնական հրամանատարության (CENTCOM) ուժերը ապրիլի 13-ին, արևելյան ափի ժամանակով ժամը 10:00-ին (Երևանի ժամանակով 18:00-ին) կսկսեն Իրանի նավահանգիստներ և ափամերձ տարածքներ մտնող և դուրս եկող բոլոր նավերի շրջափակումը, կիրակի՝ ապրիլի 12-ին հայտարարել է CENTCOM-ի մամուլի ծառայությունը։
Սահմանափակումները տարածվում են բոլոր երկրների այն նավերի վրա, որոնք մուտք են գործում կամ դուրս են գալիս իրանական նավահանգիստներից՝ ինչպես Պարսից ծոցում, այնպես էլ Օմանի ծոցում: CENTCOM-ը չի խոչընդոտի Հորմուզի նեղուցում կամ ոչ իրանական նավահանգիստներում նավարկության ազատությանը։
Իսլամաբադում ԱՄՆ-Իրան բանակցությունների ձախողված փուլից հետո ԱՄՆ նախագահ Դոնալդ Թրամփը ապրիլի 12-ին հայտարարել էր ռազմածովային շրջափակման մասին, սակայն ճշգրիտ ժամկետներ չէր նշել։ Սպիտակ տան ղեկավարը մտադիր է կանխել Հորմուզի նեղուցով տարանցման համար վճարների գանձումը, որոնք սահմանել է Իրանը, և Թեհրանին զրկել նավթային եկամուտներից։
Իրանի ռազմածովային ուժերի հրամանատար Շահրամ Իրանին Թրամփի հայտարարությունները «ծիծաղելի» է համարել։ «ԱՄՆ նախագահի սպառնալիքները՝ Իրանին ծովում շրջափակելու մասին, ծիծաղելի և աբսուրդ են», — նրա խոսքերն է մեջբերել AFP-ն։ Իրանի ռազմածովային ուժերը «հետևում և վերահսկում են տարածաշրջանում ամերիկյան ագրեսիվ բանակի բոլոր գործողությունները», – հավելել է նա։
Բանակցությունների ձախողումից հետո նավթի համաշխարհային գները կտրուկ աճել են՝ անցնելով 100 դոլարի սահմանը:
Սպիտակ տան ղեկավարը հայտարարել է, որ ԱՄՆ-ի և Իրանի պաշտոնյաները Պակիստանում բանակցությունների ժամանակ չեն կարողացել համաձայնության գալ Թեհրանի միջուկային ծրագրի շուրջ։ ԱՄՆ-ն պահանջում է հստակ երաշխիքներ, որ Իրանը երբեք միջուկային զենք չի ստեղծի: Իրանի արտաքին գործերի նախարարության խոսնակ Իսմայիլ Բաղային, մեկնաբանելով քննարկումների արդյունքները, ասել է, որ կողմերը «համաձայնության են եկել մի շարք հարցերի շուրջ», բայց համաձայն չեն «երկու կամ երեք կարևոր հարցերի շուրջ»։
Թեհրանը Վաշինգտոնի պահանջները Հորմուզի նեղուցի և մի շարք այլ հարցերի վերաբերյալ համարում է «չափազանցված» և «անընդունելի»։
ԱՄՆ Կենտրոնական հրամանատարության (CENTCOM) ուժերը ապրիլի 13-ին, արևելյան ափի ժամանակով ժամը 10:00-ին (Երևանի ժամանակով 18:00-ին) կսկսեն Իրանի նավահանգիստներ և ափամերձ տարածքներ մտնող և դուրս եկող բոլոր նավերի շրջափակումը, կիրակի՝ ապրիլի 12-ին հայտարարել է CENTCOM-ի մամուլի ծառայությունը։
Սահմանափակումները տարածվում են բոլոր երկրների այն նավերի վրա, որոնք մուտք են գործում կամ դուրս են գալիս իրանական նավահանգիստներից՝ ինչպես Պարսից ծոցում, այնպես էլ Օմանի ծոցում: CENTCOM-ը չի խոչընդոտի Հորմուզի նեղուցում կամ ոչ իրանական նավահանգիստներում նավարկության ազատությանը։
Իսլամաբադում ԱՄՆ-Իրան բանակցությունների ձախողված փուլից հետո ԱՄՆ նախագահ Դոնալդ Թրամփը ապրիլի 12-ին հայտարարել էր ռազմածովային շրջափակման մասին, սակայն ճշգրիտ ժամկետներ չէր նշել։ Սպիտակ տան ղեկավարը մտադիր է կանխել Հորմուզի նեղուցով տարանցման համար վճարների գանձումը, որոնք սահմանել է Իրանը, և Թեհրանին զրկել նավթային եկամուտներից։
Իրանի ռազմածովային ուժերի հրամանատար Շահրամ Իրանին Թրամփի հայտարարությունները «ծիծաղելի» է համարել։ «ԱՄՆ նախագահի սպառնալիքները՝ Իրանին ծովում շրջափակելու մասին, ծիծաղելի և աբսուրդ են», — նրա խոսքերն է մեջբերել AFP-ն։ Իրանի ռազմածովային ուժերը «հետևում և վերահսկում են տարածաշրջանում ամերիկյան ագրեսիվ բանակի բոլոր գործողությունները», – հավելել է նա։
Բանակցությունների ձախողումից հետո նավթի համաշխարհային գները կտրուկ աճել են՝ անցնելով 100 դոլարի սահմանը:
Սպիտակ տան ղեկավարը հայտարարել է, որ ԱՄՆ-ի և Իրանի պաշտոնյաները Պակիստանում բանակցությունների ժամանակ չեն կարողացել համաձայնության գալ Թեհրանի միջուկային ծրագրի շուրջ։ ԱՄՆ-ն պահանջում է հստակ երաշխիքներ, որ Իրանը երբեք միջուկային զենք չի ստեղծի: Իրանի արտաքին գործերի նախարարության խոսնակ Իսմայիլ Բաղային, մեկնաբանելով քննարկումների արդյունքները, ասել է, որ կողմերը «համաձայնության են եկել մի շարք հարցերի շուրջ», բայց համաձայն չեն «երկու կամ երեք կարևոր հարցերի շուրջ»։
Թեհրանը Վաշինգտոնի պահանջները Հորմուզի նեղուցի և մի շարք այլ հարցերի վերաբերյալ համարում է «չափազանցված» և «անընդունելի»։
Հունգարիայում անցկացված խորհրդարանական ընտրությունների արդյունքներով Պետեր Մագյարի ընդդիմադիր «Տիսա» կուսակցությունը ոչ միայն հաղթել է, այլև կարող է սահմանադրական մեծամասնություն ապահովել խորհրդարանում։ Վարչապետ Վիկտոր Օրբանը և նրա «Ֆիդես» կուսակցությունը, որոնք 16 տարի ղեկավարում էին երկիրը, արդեն ընդունել են իրենց պարտությունը։ «Տիսա» կուսակցությունը ստացել է խորհրդարանական 199 տեղից 138-ը, ինչը նշանակում է, որ սահմանադրական մեծամասնություն կունենա խորհրդարանում։
Գործող վարչապետ Վիկտոր Օրբանի իշխող «Ֆիդես» կուսակցությունը ստացել է 55 տեղ։ Եվս վեց տեղ ստացել է ծայրահեղ աջ «Մի Հազանկ» («Մեր Հայրենիք») կուսակցությունը։ Հունգարիայի օրենսդրության համաձայն՝ ձայների վերջնական հաշվարկը պետք է ավարտվի մինչև ապրիլի 18-ը։
Վիկտոր Օրբանը, չսպասելով ձայների վերջնական հաշվարկին, հայտարարել է, որ արդեն շնորհավորել է Մադյարին հաղթանակի կապակցությամբ։ Նա ասել է, որ ընտրությունների արդյունքները պարզ են, բայց ցավոտ, և հավելել է, որ «Ֆիդեսը» կծառայի Հունգարիային ընդդիմության դիրքերում։
Եվրոպական առաջնորդները ողջունել են Պետեր Մագյարի հաղթանակը։ «Այսօր երեկոյան Եվրոպայի սիրտն ավելի ուժեղ է բաբախում Հունգարիայում», — սոցիալական ցանցերում գրել է Եվրահանձնաժողովի նախագահ Ուրսուլա ֆոն դեր Լեյենը։ «Հունգարիան ընտրել է Եվրոպան։ Եվրոպան միշտ ընտրել է Հունգարիան», – հավելել է նա։
«Հունգարիան կայացրել է իր որոշումը», – ասել է Գերմանիայի կանցլեր Ֆրիդրիխ Մերցը և պատրաստակամություն հայտնել միասին աշխատել հանուն ուժեղ և միասնական Եվրոպայի:
Մեծ Բրիտանիայի վարչապետ Քեյր Սթարմերը նույնպես շնորհավորել է Պետեր Մագյարին՝ նրա հաղթանակը անվանելով «պատմական պահ ոչ միայն Հունգարիայի, այլև եվրոպական ժողովրդավարության համար»։
Ֆրանսիայի նախագահ Էմանուել Մակրոնն ասել է, որ ընտրությունների արդյունքները ցույց են տալիս «հունգարացի ժողովրդի նվիրվածությունը Եվրոպական Միության արժեքներին»։ Իսպանիայի նախագահ Պեդրո Սանչեսը կրկնել է այս միտքը։
Մագյարին շնորհավորել է նաև Ուկրաինայի նախագահ Վոլոդիմիր Զելենսկին ։ «Ուկրաինան միշտ ձգտել է բարիդրացիական հարաբերությունների բոլոր եվրոպական երկրների հետ, և մենք պատրաստ ենք զարգացնել համագործակցությունը Հունգարիայի հետ», – գրել է նա։ Զելենսկին հավելել է, որ Կիևը պատրաստ է «հանդիպումների և համատեղ կառուցողական աշխատանքի»։