Category: TopNews.am

Հունգարիայի ընտրություններում հաղթել է ընդդիմադիր «Տիսա» կուսակցությունը․ եվրոպական առաջնորդները ողջունել են Պետեր Մագյարի հաղթանակը

Հունգարիայում անցկացված խորհրդարանական ընտրությունների արդյունքներով Պետեր Մագյարի ընդդիմադիր «Տիսա» կուսակցությունը ոչ միայն հաղթել է, այլև կարող է սահմանադրական մեծամասնություն ապահովել խորհրդարանում։ Վարչապետ Վիկտոր Օրբանը և նրա «Ֆիդես» կուսակցությունը, որոնք 16 տարի ղեկավարում էին երկիրը, արդեն ընդունել են իրենց պարտությունը։ «Տիսա» կուսակցությունը ստացել է խորհրդարանական 199 տեղից 138-ը, ինչը նշանակում է, որ սահմանադրական մեծամասնություն կունենա խորհրդարանում։

Գործող վարչապետ Վիկտոր Օրբանի իշխող «Ֆիդես» կուսակցությունը ստացել է 55 տեղ։ Եվս վեց տեղ ստացել է ծայրահեղ աջ «Մի Հազանկ» («Մեր Հայրենիք») կուսակցությունը։ Հունգարիայի օրենսդրության համաձայն՝ ձայների վերջնական հաշվարկը պետք է ավարտվի մինչև ապրիլի 18-ը։

Վիկտոր Օրբանը, չսպասելով ձայների վերջնական հաշվարկին, հայտարարել է, որ արդեն շնորհավորել է Մադյարին հաղթանակի կապակցությամբ։ Նա ասել է, որ ընտրությունների արդյունքները պարզ են, բայց ցավոտ, և հավելել է, որ «Ֆիդեսը» կծառայի Հունգարիային ընդդիմության դիրքերում։

Եվրոպական առաջնորդները ողջունել են Պետեր Մագյարի հաղթանակը։ «Այսօր երեկոյան Եվրոպայի սիրտն ավելի ուժեղ է բաբախում Հունգարիայում», — սոցիալական ցանցերում գրել է Եվրահանձնաժողովի նախագահ Ուրսուլա ֆոն դեր Լեյենը։ «Հունգարիան ընտրել է Եվրոպան։ Եվրոպան միշտ ընտրել է Հունգարիան», – հավելել է նա։

«Հունգարիան կայացրել է իր որոշումը», – ասել է Գերմանիայի կանցլեր Ֆրիդրիխ Մերցը և պատրաստակամություն հայտնել միասին աշխատել հանուն ուժեղ և միասնական Եվրոպայի:

Մեծ Բրիտանիայի վարչապետ Քեյր Սթարմերը նույնպես շնորհավորել է Պետեր Մագյարին՝ նրա հաղթանակը անվանելով «պատմական պահ ոչ միայն Հունգարիայի, այլև եվրոպական ժողովրդավարության համար»։

Ֆրանսիայի նախագահ Էմանուել Մակրոնն ասել է, որ ընտրությունների արդյունքները ցույց են տալիս «հունգարացի ժողովրդի նվիրվածությունը Եվրոպական Միության արժեքներին»։ Իսպանիայի նախագահ Պեդրո Սանչեսը կրկնել է այս միտքը։

Մագյարին շնորհավորել է նաև Ուկրաինայի նախագահ Վոլոդիմիր Զելենսկին ։ «Ուկրաինան միշտ ձգտել է բարիդրացիական հարաբերությունների բոլոր եվրոպական երկրների հետ, և մենք պատրաստ ենք զարգացնել համագործակցությունը Հունգարիայի հետ», – գրել է նա։ Զելենսկին հավելել է, որ Կիևը պատրաստ է «հանդիպումների և համատեղ կառուցողական աշխատանքի»։

Հունգարիայի ընտրություններում հաղթել է ընդդիմադիր «Տիսա» կուսակցությունը․ եվրոպական առաջնորդները ողջունել են Պետեր Մագյարի հաղթանակը

Հունգարիայում անցկացված խորհրդարանական ընտրությունների արդյունքներով Պետեր Մագյարի ընդդիմադիր «Տիսա» կուսակցությունը ոչ միայն հաղթել է, այլև կարող է սահմանադրական մեծամասնություն ապահովել խորհրդարանում։ Վարչապետ Վիկտոր Օրբանը և նրա «Ֆիդես» կուսակցությունը, որոնք 16 տարի ղեկավարում էին երկիրը, արդեն ընդունել են իրենց պարտությունը։ «Տիսա» կուսակցությունը ստացել է խորհրդարանական 199 տեղից 138-ը, ինչը նշանակում է, որ սահմանադրական մեծամասնություն կունենա խորհրդարանում։

Գործող վարչապետ Վիկտոր Օրբանի իշխող «Ֆիդես» կուսակցությունը ստացել է 55 տեղ։ Եվս վեց տեղ ստացել է ծայրահեղ աջ «Մի Հազանկ» («Մեր Հայրենիք») կուսակցությունը։ Հունգարիայի օրենսդրության համաձայն՝ ձայների վերջնական հաշվարկը պետք է ավարտվի մինչև ապրիլի 18-ը։

Վիկտոր Օրբանը, չսպասելով ձայների վերջնական հաշվարկին, հայտարարել է, որ արդեն շնորհավորել է Մադյարին հաղթանակի կապակցությամբ։ Նա ասել է, որ ընտրությունների արդյունքները պարզ են, բայց ցավոտ, և հավելել է, որ «Ֆիդեսը» կծառայի Հունգարիային ընդդիմության դիրքերում։

Եվրոպական առաջնորդները ողջունել են Պետեր Մագյարի հաղթանակը։ «Այսօր երեկոյան Եվրոպայի սիրտն ավելի ուժեղ է բաբախում Հունգարիայում», — սոցիալական ցանցերում գրել է Եվրահանձնաժողովի նախագահ Ուրսուլա ֆոն դեր Լեյենը։ «Հունգարիան ընտրել է Եվրոպան։ Եվրոպան միշտ ընտրել է Հունգարիան», – հավելել է նա։

«Հունգարիան կայացրել է իր որոշումը», – ասել է Գերմանիայի կանցլեր Ֆրիդրիխ Մերցը և պատրաստակամություն հայտնել միասին աշխատել հանուն ուժեղ և միասնական Եվրոպայի:

Մեծ Բրիտանիայի վարչապետ Քեյր Սթարմերը նույնպես շնորհավորել է Պետեր Մագյարին՝ նրա հաղթանակը անվանելով «պատմական պահ ոչ միայն Հունգարիայի, այլև եվրոպական ժողովրդավարության համար»։

Ֆրանսիայի նախագահ Էմանուել Մակրոնն ասել է, որ ընտրությունների արդյունքները ցույց են տալիս «հունգարացի ժողովրդի նվիրվածությունը Եվրոպական Միության արժեքներին»։ Իսպանիայի նախագահ Պեդրո Սանչեսը կրկնել է այս միտքը։

Մագյարին շնորհավորել է նաև Ուկրաինայի նախագահ Վոլոդիմիր Զելենսկին ։ «Ուկրաինան միշտ ձգտել է բարիդրացիական հարաբերությունների բոլոր եվրոպական երկրների հետ, և մենք պատրաստ ենք զարգացնել համագործակցությունը Հունգարիայի հետ», – գրել է նա։ Զելենսկին հավելել է, որ Կիևը պատրաստ է «հանդիպումների և համատեղ կառուցողական աշխատանքի»։

ԱՄՆ-ի հետ հնարավոր համաձայնագիրն «անհասանելի չէ»


Քաղաքականություն


Իրանի նախագահ Մասուդ Փեզեշքիանը ՌԴ նախագահ Վլադիմիր Պուտինի հետ հեռախոսազրույցի ընթացքում հայտարարել է, որ ԱՄՆ-ի հետ հնարավոր համաձայնագիրը «անհասանելի չէ», այսինքն՝ տեսականորեն հնարավոր է հասնել դրան, եթե Դոնալդ Թրամփի վարչակազմը գործի միջազգային իրավունքի շրջանակներում։

Ինչպես հայտնում է BBC-ին, զրույցը տեղի է ունեցել Իսլամաբադում ԱՄՆ-Իրան բանակցություններից հետո։



Փրկարարները դուրս են բերել անձրևաջրերում արգելափակված տրանսպորտային միջոցները


Ավտո


Ապրիլի 12-ին, ժամը 23։40-ից սկսած ՆԳՆ 112 օպերատիվ կառավարման կենտրոնում ահազանգեր են ստացվել Երևան քաղաքի Սևանի և Գյուրջյան փողոցներում հորդառատ անձրևի հետևանքով անձրևաջրերում արգելափակված տրանսպորտային միջոցների վերաբերյալ։

Դեպքի վայր են մեկնել ՆԳՆ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը և Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Դեպքի վայր ժամանած փրկարարներն անձրևաջրերից դուրս են բերել տրանսպորտային միջոցները։




ՄԻՊ աշխատակազմը հրապարակել է Արմաշի առողջության կենտրոն կատարած չհայտարարված այցի արդյունքները


Մարդու իրավունքների պաշտպանի հանձնարարությամբ ՄԻՊ աշխատակազմի կանխարգելման ազգային մեխանիզմի գործառույթներն իրականացնող ստորաբաժանման աշխատակիցները և փորձագետները մարտի 31-ին չհայտարարված այց են իրականացրել ՀՀ առողջապահության նախարարության «Ակադեմիկոս Ա. Հայրիյանի անվան Արմաշի առողջության կենտրոն» ՓԲԸ:

 

Մշտադիտարկման շրջանակներում ուսումնասիրվել են հաստատությունում անձանց պահման պայմանները, նրանց իրավունքների ապահովման վիճակը, դրանց համապատասխանությունը սահմանված պահանջներին, ինչպես նաև՝ անհրաժեշտ փաստաթղթերը:

 

Այցի ընթացքում հոգեբուժական հաստատության աշխատակիցներն արդյունավետ համագործակցել են Պաշտպանի ներկայացուցիչների հետ, և վերջիններիս համար աշխատանքի խոչընդոտներ չեն առաջացել:

 

«Նախորդ այցերի համեմատ այս անգամ հոգեբուժական կազմակերպությունում արձանագրվել են մի շարք դրական փոփոխություններ, ինչը ողջունելի է։

 

Մասնավորապես, կառուցվել են նոր ճաշասրահ, լվացքատուն և զրուցարան, հաստատության տարածքը մաքրվել է տարիներ շարունակ կուտակված մետաղի ջարդոններից, վերանորոգվել և կահավորվել են կանանց համար նախատեսված լոգարանն ու տղամարդկանց համար նախատեսված, բակում տեղակայված սանհանգույցները։ Նշված սանհանգույցներն ապահովվել են նաև մշտական ջրով և միացվել ընդհանուր կոյուղատար համակարգին։

 

Միևնույն ժամանակ, այցի արդյունքում արձանագրվել են մի շարք խնդիրներ.

 

• հաստատությունը գերբնակեցված է, պահպանված չէ բուժառուների անձնական տարածքի համար անհրաժեշտ բնակելի մակերեսը, հիվանդասենյակներում տեղադրված են իրար շատ մոտ մահճակալներ,

• հաստատությունն ունի վերանորոգման կարիք, սենյակների պայմաններն անբավարար են,

• հաստատությունում բացակայում է կենտրոնացված ջեռուցումը. հիվանդասենյակները ջեռուցվում են էլեկտրական տաքացուցիչների, իսկ նոր կառուցված ճաշասրահը՝ փայտի համար նախատեսված վառարանի միջոցով, նույնկերպ է տաքացվում նաև 1-ին հարկում տեղակայված բաժանմունքը,

• արձանագրվել են հեռախոսներից օգտվելու հետ կապված խնդիրներ,

• առկա են բուժառուների զբաղվածության հետ կապված խնդիրներ,

• արձանագրվել են բուժառուների կողմից կենսաթոշակների տնօրինման հետ կապված խնդիրներ. նրանցից շատերը տեղեկացված չեն, որ իրենց խնամակալներն են ստանում կենսաթոշակները և թե ինչ ծախսեր են կատարում,

• առկա են ոչ հոժարակամ բուժման՝ օրենսդրությամբ սահմանված ընթացակարգերի պահպանման հետ կապված խնդիրներ,

• արձանագրվել են դեղորայքային հանդարտեցման միջոցների կիրառման հետ կապված խնդիրներ,

• հոգեբուժական կազմակերպության աշխատակիցների աշխատանքային պայմաններն անբավարար են, հաստիքների սակավությամբ պայմանավորված՝ որոշ աշխատակիցներ գերծանրաբեռնված են,

• առկա է հաստատության բժշկական և ոչ բժշկական անձնակազմի վերապատրաստման անհրաժեշտություն։

 

Արձանագրված խնդիրները Պաշտպանի ներկայացուցիչները քննարկել են հոգեբուժական հաստատության տնօրինության հետ:

 

Խնդիրները կամփոփվեն և դրանց լուծմանն ուղղված առաջարկների հետ մեկտեղ կներկայացվեն ոլորտի իրավասու մարմիններին:

 

Կարևոր է նշել, որ մարդու իրավունքների պաշտպանությունը համակողմանի գործընթաց է, որը ենթադրում է այդ գործընթացի բոլոր մասնակիցների իրավունքների երաշխավորում, նրանցից յուրաքանչյուրի նկատմամբ արժանապատիվ վերաբերմունքի, աշխատանքային և սոցիալական երաշխիքների ապահովում և փոխադարձ հարգանք երաշխավորող հարաբերությունների հաստատում:

 

Այդ համատեքստում կարևոր է նաև, որպեսզի հոգեբուժական հաստատությունների աշխատակիցների աշխատանքային արժանապատիվ պայմաններն ու սոցիալական երաշխիքները, այդ թվում՝ աշխատավարձը, շարունակաբար բարելավվեն»,- ասվում է հաղորդագրության մեջ:


Ապրիլի 11-21-ը Հայաստանի շախմատի ակադեմիայում անցկացվում է պատանիների և աղջիկների եզրափակիչ առաջնությունը


Սպորտ


Ապրիլի 11-21-ը Հայաստանի շախմատի ակադեմիայում անցկացվում է Հայաստանի շախմատի ֆեդերացիայի կողմից կազմակերպված Հայաստանի պատանիների և աղջիկների եզրափակիչ առաջնությունը: Այդ մասին տեղեկացնում է Հայաստանի շախմատի ֆեդերացիան:

Առաջնությունն ընտրական փուլ է Եվրոպայի և աշխարհի պատանիների և աղջիկների առաջնությունների համար:

Մինչև 8, 10, 12 տարեկան պատանիների և մինչև 10, 12 տարեկան աղջիկների մրցաշարերը անցկացվում են 11 խաղափուլով, իսկ մինչև 14, 16, 18 տարեկան պատանիների և մինչև 8, 14, 16, 18 աղջիկների մրցաշարերը՝ 9 խաղափուլով:





Երթևեկել բացառապես ձմեռային անվադողերով․ ինչ իրավիճակ է ՀՀ ավտոճանապարհներին


Ավտո


Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են:

 

Փակ են Արագածոտնի մարզում «Ամբերդ» բարձր լեռնային օդերևութաբանական կայանից Ամբերդ ամրոց և Քարի լիճ տանող ավտոճանապարհները։

 

Գյումրի-Երևան ավտոճանապարհի Լանջիկ գյուղի, Կարբի գյուղից Սպիտակի ոլորաններ ընկած հատվածները, Գյումրի-Աշոցք ավտոճանապարհը և Դիլիջանի ոլորանները փակ են կցորդով տրանսպորտային միջոցների համար։

 

Վարորդներին հորդորվում է երթևեկել բացառապես ձմեռային անվադողերով։



ՆԳ նախարարը ծանոթացել է Սևանի ջրափրկարարական ջոկատի վարչական նոր համալիրի շինաշխատանքներին և նավամատույցի կառուցմանը


Տեսանյութեր


ՆԳ նախարար Արփինե Սարգսյանը ծանոթացել է Սևանի ջրափրկարարական ջոկատի վարչական նոր համալիրի շինաշխատանքներին և Ջրային պարեկային ծառայության նավամատույցի կառուցման տեխնիկական լուծումներին։ Այս մասին հայտնում է ՆԳՆ-ն։



Քեթիի և Ջաջուռի լեռնանցքներում բուք է․ Պուշկինի թունելը հոսանքազրկվել է


Հայաստան


Ապրիլի 13-ին՝ ժամը 9:15-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են: Ճանապարհների սպասարկման համար պատասխանատու կազմակերպությունները շարունակում են ավտոճանապարհների մաքրման և աղ-ավազով մշակման աշխատանքները: Այս մասին հայտնում է Ճանապարհային դեպարտամենտը։

 

Վարդենյաց լեռնանցքը դժվարանցանելի է կցորդով  տրանսպորտային միջոցների համար։

 

Արարատի, Վայքի, Սիսիանի, Մարտունու տարածաշրջաններում ձյուն է տեղում, իսկ Գորիսի տարածաշրջանում՝ ձնախառն անձրև։

 

Քեթիի և Ջաջուռի լեռնանցքներում բուք է։

 

Պուշկինի թունելը հոսանքազրկվել  է էլեկտրականության մատակարարման համակարգի խափանման պատճառով։

 

Վարորդներին հորդորվում է լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։



Ապօրինի թմրաշրջանառության դեմ ՆԳՆ ոստիկանության պայքարը շարունակվում է


Հայաստան


ՆԳՆ ոստիկանության պայքարը ապօրինի թմրաշրջանառության դեմ շարունակվում է հետևողականորեն։ Արմավիրի քրեական ոստիկանների վերջին բացահայտումներից երկուսը ներկայացնենք միասնական տեսաշարով։ Արմավիրի քրեական ոստիկանները օպերատիվ տեղեկություն էին ստացել, որ Արմավիր քաղաքի 65-ամյա բնակիչը իրացման նպատակով պահում է կանեփից պատրաստված թմրանյութ։ Տեղեկությունը ստուգվեց, ձեռք բերվեցին փաստական տվյալներ, նախաձեռնվեց քրեական վարույթ։

Մարտի 16-ին, դատարանի որոշմամբ, նրա բնակության վայրում կատարված խուզարկությամբ հայտնաբերվեցին մարիխուանայի նմանվող զանգվածներով ապակյա տարաներ և թղթե փաթեթներ՝ ընդհանուր 270 գ քաշով։ Բացի այդ, հայտնաբերվեցին կանեփի սերմեր, կաթուցիչներ և նռնակ։ Տանտերը հայտնեց, որ նռնակը գտել է, իսկ թմրանյութն ինքն է պատրաստել անձնական օգտագործման համար։

Մարտի 18-ին էլ Արմավիրի քրեական ոստիկանները ստացան նմանատիպ տեղեկություն։ Նույն օրը, ժամը 15։45-ին, Երևան-Էջմիածին ճանապարհին ձերբակալվեցին Շահումյան գյուղի և Վաղարշապատ քաղաքի 64-ամյա երկու բնակիչ։ Հինգ րոպե անց Երևան-Արմավիր ճանապարհին ձերբակալվեցին Հացիկ գյուղի 52-ամյա և Արմավիր քաղաքի 71-ամյա բնակիչներ։ Երկու մեքենաները տեղափոխվեցին պահպանվող հատուկ տարածք և կնիքվեցին։

Առաջին մեքենայի վարորդի և երկրորդ մեքենայի ուղևորի մոտ հայտնաբերվեցին դեղնականաչավուն զանգված և սուբուտեքսի նմանվող կես հաբ։ Շահումյան գյուղի բնակիչ 64-ամյա տղամարդը խոստովանեց, որ ձերբակալվելուց առաջ 25 հազար դրամով սուբուտեքս էր իրացրել վարորդին։ Պարզվեց նաև, որ նույն սուբուտեքսը նրան էր իրացրել Հացիկ գյուղի բնակիչ 52-ամյա տղամարդը։

Դատարանի որոշմամբ խուզարկվեցին կնիքված մեքենաները․ հայտնաբերվեցին ներարկիչներ, որոնցից մեկը լցված էր սուբուտեքսի նմանվող լուծույթով, մյուսում կային սպիտակ հեղուկի հետքեր։ Շահումյանցու տանը ևս հայտնաբերվեց փայլաթիթեղի փաթեթ՝ կանեփանման զանգվածով։
Երկու դեպքով էլ նախաձեռնվել է քրեական վարույթ։ Նախաքննությամբ հանգամանքները պարզվում են։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: