Category: TopNews.am

Առողջության համընդհանուր ապահովագրության համակարգը բնականոն գործում է և շարունակելու է գործել ընտրություններից առաջ էլ, հետո էլ, մանավանդ որ դա ընտրությունների հետ որևէ կապ չունի:

Այդ մասին Կառավարության ճեպազրուցի ժամանակ հայտարարեց վարչապետ Նիկոլ Փաշինյանը՝ անդրադառնալով դիտարկմանը, թե շատերին թվում է՝ ընտրություններից հետո առողջապահության ապահովագրության համակարգում հնարավոր են փոփոխություններ, դրա համար այս պահին համակարգից օգտվողների հոսքը մեծ է, Կառավարությունն էլ ստիպված լրացուցիչ միջոցներ է հատկացնում:

«Ամեն ինչ գնում է Կառավարության պլանավորածի համաձայն: Այսօր էլ մենք որոշում ընդունեցինք, որ 2027 թվականից նոր խմբեր են ներառվելու առողջապահության ապահովագրության համակարգ, և մենք մեր նախընտրական ծրագրում ներառել ենք Հայաստանի ամբողջ բնակչության առողջության ապահովագրության համակարգ ներառելու մասին դրույթ»,- ասաց նա:

Հայտնի ֆուտբոլային գործակալ Պաուլու Բարբոսան պարզաբանել է, թե ինչու ժամանակին Էդուարդ Սպերցյանի տրանսֆերը ռուսական «Կրասնոդարից» պորտուգալական «Պորտու» չկայացավ։ «Կարծում եմ՝ այն գումարը, որի դիմաց «Կրասնոդարը» պատրաստ էր վաճառել ֆուտբոլիստին, չափազանց մեծ էր «Պորտուի» համար։ Սակայն «Բարսելոնայի» հետ հնարավոր գործարքն իսկապես քննարկվել է, և շրջանառվող այդ լուրերը լիովին համապատասխանում են իրականությանը»,- պորտուգալացի գործակալի խոսքերն է մեջբերում Sport24-ը։

Հիշեցնենք, որ Հայաստանի ազգային հավաքականի ավագը իր պրոֆեսիոնալ կարիերայի ընթացքում դեռևս չի փոխել ակումբային գրանցումն ու չի լքել հարազատ թիմը:

ԿԳՄՍ նախարարության աջակցությամբ անցկացված Հայկական համադպրոցական գիտության փառատոնին այս տարի մասնակցել է շուրջ 140 սովորող Երևանի և ՀՀ բոլոր մարզերի 40 ուսումնական հաստատությունների միջին և ավագ դասարաններից՝ ներկայացնելով 78 անհատական կամ խմբային գիտահետազոտական նախագծեր հինգ հիմնական անվանակարգերում․

• «Մաթեմատիկա և ծրագրավորում» (14 նախագիծ)
• «Ֆիզիկա և աստղագիտություն» (10 նախագիծ)
• «Քիմիա» (18 նախագիծ)
• «Կենսաբանություն» (18 նախագիծ)
• «Հասարակական գիտություններ» (18 նախագիծ)

Սովորողները նորարարական գաղափարներն այս տարի ևս բազմազան էին․ մի մասը վերաբերում էր բնապահպանական խնդիրներին՝ առաջարկելով օդի ու ջրի աղտոտման լուծումներ, էներգիայի այլընտրանքային աղբյուրներ և խելացի լուծումներ քաղաքում և բնության մեջ։ Քիչ չէին նաև ԱԲ կիրառությանը, փրկարար ռոբոտների ու օժանդակ տեխնոլոգիաների նախագծմանը միտված աշխատանքները։ Միաժամանակ աճել է հետաքրքրությունը հասարակագիտական հետազոտությունների նկատմամբ՝ թվային տեխնոլոգիաներով ուղեկցվող սոցիոլոգիական, իրավական ու պատմական նախագծերով։

Յուրաքանչյուր անվանակարգում սովորողներն արժանացել են 1-րդ, 2-րդ, 3-րդ կարգի մրցանակների, պատվոգրերի, ինչպես նաև ԿԳՄՍ նախարարին կից աշակերտական խորհրդի մրցանակների։

Փառատոնի երկուական մրցանակակիր նախագծերը կներկայացվեն Արիզոնա նահանգի Ֆինիքս քաղաքում կայանալիք ԱՄՆ «Regeneron» միջազգային գիտական և ճարտարագիտական տոնավաճառին և Գերմանիայի Քիլ քաղաքում կայանալիք ԵՄ երիտասարդ գիտնականների EUCYS մրցույթին։ Սա թույլ կտա մասնակիցներին ձեռք բերել միջազգային խոշոր մրցույթներին ներկայանալու հմտություններ, ծանոթանալու միջազգային ամենաբարձր չափանիշներին և փոխանակելու իրենց հետազոտական գաղափարներն աշխարհի տարբեր երկրներից ժամանած իրենց հասակակիցների հետ։

Փառատոնի մրցանակակիրների վերաբերյալ տեղեկատվությունը՝ կից:

ԿԳՄՍ նախարարության աջակցությամբ անցկացված Հայկական համադպրոցական գիտության փառատոնին այս տարի մասնակցել է շուրջ 140 սովորող Երևանի և ՀՀ բոլոր մարզերի 40 ուսումնական հաստատությունների միջին և ավագ դասարաններից՝ ներկայացնելով 78 անհատական կամ խմբային գիտահետազոտական նախագծեր հինգ հիմնական անվանակարգերում․

• «Մաթեմատիկա և ծրագրավորում» (14 նախագիծ)
• «Ֆիզիկա և աստղագիտություն» (10 նախագիծ)
• «Քիմիա» (18 նախագիծ)
• «Կենսաբանություն» (18 նախագիծ)
• «Հասարակական գիտություններ» (18 նախագիծ)

Սովորողները նորարարական գաղափարներն այս տարի ևս բազմազան էին․ մի մասը վերաբերում էր բնապահպանական խնդիրներին՝ առաջարկելով օդի ու ջրի աղտոտման լուծումներ, էներգիայի այլընտրանքային աղբյուրներ և խելացի լուծումներ քաղաքում և բնության մեջ։ Քիչ չէին նաև ԱԲ կիրառությանը, փրկարար ռոբոտների ու օժանդակ տեխնոլոգիաների նախագծմանը միտված աշխատանքները։ Միաժամանակ աճել է հետաքրքրությունը հասարակագիտական հետազոտությունների նկատմամբ՝ թվային տեխնոլոգիաներով ուղեկցվող սոցիոլոգիական, իրավական ու պատմական նախագծերով։

Յուրաքանչյուր անվանակարգում սովորողներն արժանացել են 1-րդ, 2-րդ, 3-րդ կարգի մրցանակների, պատվոգրերի, ինչպես նաև ԿԳՄՍ նախարարին կից աշակերտական խորհրդի մրցանակների։

Փառատոնի երկուական մրցանակակիր նախագծերը կներկայացվեն Արիզոնա նահանգի Ֆինիքս քաղաքում կայանալիք ԱՄՆ «Regeneron» միջազգային գիտական և ճարտարագիտական տոնավաճառին և Գերմանիայի Քիլ քաղաքում կայանալիք ԵՄ երիտասարդ գիտնականների EUCYS մրցույթին։ Սա թույլ կտա մասնակիցներին ձեռք բերել միջազգային խոշոր մրցույթներին ներկայանալու հմտություններ, ծանոթանալու միջազգային ամենաբարձր չափանիշներին և փոխանակելու իրենց հետազոտական գաղափարներն աշխարհի տարբեր երկրներից ժամանած իրենց հասակակիցների հետ։

Փառատոնի մրցանակակիրների վերաբերյալ տեղեկատվությունը՝ կից:

ՄԱԿ-ի գլխավոր քարտուղար Անտոնիու Գուտերեշը ողջունել է ԱՄՆ-ի և Իրանի միջև հաստատված հրադադարը՝ այն համարելով կարևոր քայլ տարածաշրջանում լարվածության նվազեցման ուղղությամբ։ 

Գուտերեշը բարձր է գնահատել երկու կողմերի զսպվածությունը և հակամարտությունը դիվանագիտական հուն տեղափոխելու պատրաստակամությունը։

ՄԱԿ-ի ղեկավարն ընդգծել է, որ միայն երկխոսության և միջազգային իրավունքը հարգելով է հնարավոր հասնել կայուն խաղաղության։

Նա ասել է, որ ռազմական գործողությունների անհապաղ դադարեցումն անհրաժեշտ է քաղաքացիական բնակչությանը պաշտպանելու համար։ ՄԱԿ-ի ղեկավարը նաև շնորհակալություն է հայտնել Պակիստանին և մյուս միջնորդներին հրադադարի հաստատման գործում ցուցաբերած օգնության համար։

ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 7-8-ը: Բացահայտվել է 180 հանցագործություն, որոնցից 4-ը՝ նախկինում կատարված:

Մասնավորապես՝

• 81 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
• 15 դեպք՝ թմրանյութի հայտնաբերման,
• 12 դեպք՝ մարմնական վնասվածք պատճառելու,
• 10 դեպք՝ խարդախության,
• 9 դեպք՝ ֆիզիկական ներգործության,
• 7 դեպք՝ անձնական ունեցվածքի գողության,
• 4 դեպք՝ հոգեկան ներգործության,
• 3 դեպք՝ ինքնիրավչության,
• 2-ական դեպք՝ կողոպուտի, ապօրինի ձեռնարկատիրական գործունեության, սառը զենքի հայտնաբերման։

Բացահայտվել են բնակարանային գողության, ավտոմեքենայի գողության, վստահված գույքի հափշտակման, գույքը ոչնչացնելու կամ վնասելու, զենքի, զինամթերքի առգրավման, հրազենի մաքսանենգության, հրազենի ապօրինի շրջանառության, երեխայի խնամքի պարտականությունը չկատարելու, փաստաթղթի կեղծիքի, անձի տիրապետությունից դուրս եկած գույքին տիրանալու, կեղծ փաստաթղթեր կազմելու և ներկայացնելու, հետամտելու, աշխատանքի պաշտպանության կանոնները խախտելու և այլ դեպքեր։

Նախկինում կատարված հանցագործություններից բացահայտվել են՝

• 2 դեպք՝ բնակարանային գողության,
• 1-ական դեպք՝ անձնական ունեցվածքի գողության, մարմնական վնասվածք պատճառելու։

Հայտնաբերվել է 8 հետախուզվող, կամավոր ներկայացել է 3-ը։

Հայտնաբերվել է 1 անհայտ կորած։

Գրանցվել է զենք-զինամթերք կամավոր հանձնելու 4 դեպք։

ՃՏՊ վիճակագրություն
Անցած 1 օրում գրանցվել է 14 ավտովթար․ 21 մարդ ստացել է տարբեր աստիճանի մարմնական վնասվածքներ։