Category: TopNews.am

Հակակոռուպցիոն կոմիտեում քննվող քրեական վարույթի շրջանակում ձերբակալվել են մի խումբ անձինք, այդ թվում՝ ՀՀ աշխատանքի և սոցիալական հարցերի նախկին նախարարը։ Այս մասին լուրը 1lurer.am-ի հետ զրույցում հաստատեցին ՀՀ հակակոռուպցիոն կոմիտեից։

«Հակակոռուպցիոն կոմիտեում քննվող քրեական վարույթի շրջանակում ՀՀ քրեական օրենսգրքի տարբեր հոդվածներով նախատեսված հանցավոր արարքներ կատարելու մեղադրանքներով ձերբակալվել են մի խումբ անձինք, այդ թվում՝ ՀՀ աշխատանքի և սոցիալական հարցերի նախկին նախարարի պաշտոնը զբաղեցրած անձը և այլ նախկին բարձրաստիճան պաշտոնյաներ:

Նախաքննության շահերից ելնելով՝ այլ տեղեկատվություն չենք կարող տրամադրել»,- հայտնեցին Հակակոռուպցիոն կոմիտեից:

1lurer.am-ի տեղեկություններով՝ ձերբակալվածներից մեկը ՀՀ աշխատանքի և սոցիալական հարցերի նախկին նախարար Արտեմ Ասատրյանն է։

Հիշեցնենք, որ նույն քրեական վարույթի շրջանակում ձերբակալվել է նաև Պետական գույքի կառավարման վարչության նախկին պետ Արման Սահակյանը:

Հայաստանի Հանրապետության ազգային ժողովի տնտեսական հարցերի մշտական հանձնաժողովը հավանության արժանացրեց «Ներդրումների մասին» օրենքի նախագիծը, որի սահմանում է ՀՀ-ում ներդրումների իրավական հիմքերը, ներդրողների և նրանց ներդրումների նկատմամբ կիրառվող ազատությունները, երաշխիքները և ներդրողների իրավունքների պաշտպանության կառուցակարգերը, ներդրողների պարտականությունները, ներդրումային խթանների իրավական հիմքերը և այլն։ 

Հայաստանի էկոնոմիկայի նախարարի տեղակալ Լիլիա Սիրականյանը նշեց, որ նախագծի նպատակն է ստեղծել ներդրումային համակարգերի հարաբերությունների ժամանակակից  պահանջներին համապատասխան իրավական հիմքեր ինչպես տեղական, այնպես էլ օտարերկրյա ներդրողների համար։

Էկոնոմիկայի նախարարի տեղակալը նաև հիշեցրեց, որ ներկայում գործում է «Օտարերկրյա ներդրումների մասին» օրենքն՝ ընդունված 1994 թվականին և չի ապահովում ներդրումային գործընթացի ժամանակակից պահանջներին համարժեք ամբողջական կարգավորում։

«Նախագծի կարևոր առանձնահատկություններից մեկն այն է, որ դրանով սահմանված կարգավորումները տարածվելու են ոչ միայն օտարերկրյա, այլև տեղացի ներդրողների և ներդրումների վրա։ Մինչդեռ, գիտենք, որ ներկայում գործող օրենքը տարածվում է միայն օտարերկրյա ներդրողների և ներդրումների վրա և չի կարգավորում տեղացի ներդրողների հետ կապված իրավահարաբերությունները»,-ասաց Սիրականյանը։

Նա մանրամասնեց, որ նախագիծը սահմանում է խտրականության բացառման երաշխիքը երկու հայտնի բաղադրիչներով՝ ազգային ռեժիմը, որի համաձայն՝ օտարերկրյա ներդրողներն ունեն տեղացի ներդրողներին հավասար իրավունքներ, ազատություններ և պարտականություններ, ինչպես նաև առավել բարենպաստության ռեժիմը՝ ըստ որի՝ ՀՀ-ում բոլոր օտարերկրյա ներդրողները համանման հանգամանքներում ունեն հավասար իրավունքներ։ Բացառություն նախատեսված է միայն միջազգային պայմանագրերի հիման վրա ստեղծված մաքսային միության, ազատ տնտեսական գոտու, տնտեսական միության, միասնական շուկայի, հարկային ռեժիմի կարգավորումների և այլ միջազգային պայմանագրերի մասով։

Փոխնախարարի բնորոշմամբ՝ նախագիծը նպատակ ունի նաև միավորել տարբեր օրենքներում և իրավական ակտերում ամրագրված ներդրողների իրավունքները, երաշխիքները և դրանք սահմանել մեկ իրավական ակտում։

Նախագիծը կքննարկվի Ազգային ժողովի առաջիկա լիագումար նիստում։

Հայաստանի մասնագիտական կրթության և ուսուցման զարգացման ազգային կենտրոնը (ՄԿՈՒԶԱԿ) դարձել է Միավորված ազգերի կրթական, գիտական և մշակութային կազմակերպության Տեխնիկական և մասնագիտական ​​կրթության և ուսուցման միջազգային կենտրոնի (UNESCO-UNEVOC) գլոբալ ցանցի անդամ:

Ինչպես «Արմենպրես»-ը տեղեկանում է ԿԳՄՍ նախարարության տարածած հաղորդագրությունից, ՄԿՈՒԶԱԿ-ի անդամակցությունը ցանցին ենթադրում է նոր հնարավորություններ ՄԿՈՒ ոլորտում միջազգային համագործակցության համար:

Հայաստանից ավելի վաղ ցանցի անդամ է դարձել Գլոբալ զարգացման հիմնադրամը:

UNEVOC-ն ՅՈՒՆԵՍԿՕ-ի գլոբալ ցանցն է, որը միավորում է մասնագիտացած հաստատությունները տեխնիկական և մասնագիտական կրթության և ուսուցման (TVET) ոլորտում։ Այն ապահովում ցանցի անդամների միջև փորձի փոխանակման, համագործակցության և փոխօգնության միջավայրի ձևավորմանը։ UNEVOC կենտրոնները լինում են չորս տեսակի՝ նախարարություններ, ազգային մարմիններ, ուսուցման կազմակերպություններ և հետազոտական հաստատություններ։

Միջազգային համագործակցության և գործընկերային ուսուցման միջոցով UNEVOC կենտրոնները շարունակում են բարձրացնել տեխնիկական և մասնագիտական կրթության և ուսուցման որակը՝ բարելավելով իրենց երկրներում առաջարկվող կրթական հնարավորությունները։

Այս կազմակերպությանն այժմ արդեն անդամակցում են 253 UNEVOC կենտրոններ 152 երկրներից։

Իրանի խորհրդարանի խոսնակ Մոհամմադ Բաղեր Ղալիբաֆը հանդես կգա որպես գլխավոր բանակցող Միացյալ Նահանգների հետ երկխոսության ընթացքում։ Այս մասին հաղորդել է ISNA լրատվական գործակալությունը։

«Իրանի խորհրդարանի խոսնակ Մոհամմադ Բաղեր Ղալիբաֆը կգլխավորի իրանական պատվիրակությունն ուրբաթ օրվա բանակցություններում»,- գրել է գործակալությունը։

Ամերիկյան պատվիրակությունը, ամենայն հավանականությամբ, կգլխավորի ԱՄՆ փոխնախագահ Ջեյ Դի Վենսը։ 

Ավելի վաղ ԱՄՆ նախագահ Դոնալդ Թրամփը պատրաստակամություն էր հայտնել բանակցել Թեհրանի կողմից ներկայացված առաջարկների հիման վրա և հայտարարել էր, որ երկու շաբաթով կդադարեցնի Իրանի դեմ հարվածները։ 

Իրանը և Իսրայելը նույնպես համաձայնել են դադարեցնել հարվածները։

ԱՄՆ-ի և Իրանի միջև երկշաբաթյա հրադադարի ծրագիրը թույլ կտա Թեհրանին և Մասկատին վճար սահմանել Հորմուզի նեղուցով անցնող նավերի համար, հաղորդում է Associated Press-ը՝ հղում անելով տարածաշրջանի երկրներից մեկի պաշտոնյային։

Նրա խոսքով՝ Թեհրանը ստացված միջոցներն օգտագործելու է երկրի վերականգնման համար: Ընդ որում, չի հստակեցվում, թե ինչի համար է ծախսելու Մասկատը։

Իրանը և Օմանը գտնվում են համապատասխանաբար Հորմուզի նեղուցի հյուսիսային և հարավային ափերին։ Նեղուցն ինքնին մասամբ գտնվում է երկու երկրի տարածքային ջրերում։

Գործակալությունն ուշադրություն է հրավիրել այն փաստի վրա, որ նախկինում Հորմուզի նեղուցը համարվում էր միջազգային ծովային երթուղի, և դրանով անցնելու համար երբեք վճար չի գանձվել:

ԱՄՆ-ի և Իրանի միջև երկշաբաթյա հրադադարի ծրագիրը թույլ կտա Թեհրանին և Մասկատին վճար սահմանել Հորմուզի նեղուցով անցնող նավերի համար, հաղորդում է Associated Press-ը՝ հղում անելով տարածաշրջանի երկրներից մեկի պաշտոնյային։

Նրա խոսքով՝ Թեհրանը ստացված միջոցներն օգտագործելու է երկրի վերականգնման համար: Ընդ որում, չի հստակեցվում, թե ինչի համար է ծախսելու Մասկատը։

Իրանը և Օմանը գտնվում են համապատասխանաբար Հորմուզի նեղուցի հյուսիսային և հարավային ափերին։ Նեղուցն ինքնին մասամբ գտնվում է երկու երկրի տարածքային ջրերում։

Գործակալությունն ուշադրություն է հրավիրել այն փաստի վրա, որ նախկինում Հորմուզի նեղուցը համարվում էր միջազգային ծովային երթուղի, և դրանով անցնելու համար երբեք վճար չի գանձվել:

Իսրայելի վարչապետ Բենիամին Նեթանյահուի գրասենյակը նշել է, որ Իսրայելն աջակցում է ԱՄՆ-ի և Իրանի միջև ձեռք բերված երկշաբաթյա հրադադարի համաձայնությանը։

Հայտարարության մեջ ասվում է, որ «Իսրայելը նաև աջակցում է ԱՄՆ-ի ջանքերին՝ ապահովելու, որ Իրանն այլևս միջուկային, հրթիռային կամ ահաբեկչական սպառնալիք չներկայացնի Ամերիկայի, Իսրայելի, Իրանի արաբ հարևանների և աշխարհի համար»։

Միաժամանակ Իսրայելն ընդգծել է, որ հրադադարը չի տարածվում Լիբանանի վրա, և Թել Ավիվը չի դադարեցնի այդ ուղղությամբ հարվածները:

Չորեքշաբթի, ավելի վաղ, Պակիստանի վարչապետ Շահբազ Շարիֆը հայտարարել էր, որ ԱՄՆ-ի և Իրանի միջև հրադադարի համաձայնությունը վերաբերում է նաև Լիբանանին։ «Ես ուրախ եմ հայտարարել, որ Իրանի Իսլամական Հանրապետությունը և Ամերիկայի Միացյալ Նահանգները՝ իրենց դաշնակիցների հետ պայմանավորվել են անհապաղ հրադադարի մասին ամենուր, այդ թվում՝ Լիբանանում և մյուս երկրներում, որը ուժի մեջ կմտնի անմիջապես»,- ասված է հայտարարության մեջ։

Իսրայելի վարչապետ Բենիամին Նեթանյահուի գրասենյակը նշել է, որ Իսրայելն աջակցում է ԱՄՆ-ի և Իրանի միջև ձեռք բերված երկշաբաթյա հրադադարի համաձայնությանը։

Հայտարարության մեջ ասվում է, որ «Իսրայելը նաև աջակցում է ԱՄՆ-ի ջանքերին՝ ապահովելու, որ Իրանն այլևս միջուկային, հրթիռային կամ ահաբեկչական սպառնալիք չներկայացնի Ամերիկայի, Իսրայելի, Իրանի արաբ հարևանների և աշխարհի համար»։

Միաժամանակ Իսրայելն ընդգծել է, որ հրադադարը չի տարածվում Լիբանանի վրա, և Թել Ավիվը չի դադարեցնի այդ ուղղությամբ հարվածները:

Չորեքշաբթի, ավելի վաղ, Պակիստանի վարչապետ Շահբազ Շարիֆը հայտարարել էր, որ ԱՄՆ-ի և Իրանի միջև հրադադարի համաձայնությունը վերաբերում է նաև Լիբանանին։ «Ես ուրախ եմ հայտարարել, որ Իրանի Իսլամական Հանրապետությունը և Ամերիկայի Միացյալ Նահանգները՝ իրենց դաշնակիցների հետ պայմանավորվել են անհապաղ հրադադարի մասին ամենուր, այդ թվում՝ Լիբանանում և մյուս երկրներում, որը ուժի մեջ կմտնի անմիջապես»,- ասված է հայտարարության մեջ։