Month: April 2026

Նոր Հաճն համայնքի Նոր Գեղի բնակավայրում «Նուվո վիլաժ» ընկերությունը Կառավարության աջակցությամբ հիմնել է 5,2 հա պղպեղի ջերմատուն: Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը և կից տեսանյութ հրապարակել:

Իսրայելի
վարչապետ Բենիամին Նեթանյահուի գրասենյակը պաշտոնական հայտարարություն է տարածել
այն մասին, որ իսրայելական կողմը միանում է Իրանի հետ հրադադարի համաձայնագրին։

«Իսրայելը
աջակցում է նախագահ Թրամփի որոշմանը՝ երկու շաբաթով դադարեցնել Իրանի դեմ
հարվածները՝ պայմանով, որ Իրանը անհապաղ բացի նեղուցները և դադարեցնի բոլոր
հարձակումները Միացյալ Նահանգների, Իսրայելի և տարածաշրջանի երկրների վրա։
Իսրայելը նաև աջակցում է ԱՄՆ ջանքերին՝ ուղղված այն բանին, որ Իրանը այլևս
միջուկային, հրթիռային և ահաբեկչական սպառնալիք չներկայացնի Միացյալ Նահանգների,
Իսրայելի, Իրանի արաբ հարևանների և աշխարհի համար։ Միացյալ Նահանգները Իսրայելին
հայտնել է իր հանձնառությունը՝ առաջիկա բանակցությունների ընթացքում հասնելու այս
նպատակներին, որոնք կիսում են Միացյալ Նահանգները, Իսրայելը և Իսրայելի
տարածաշրջանային դաշնակիցները։ Երկշաբաթյա հրադադարը չի տարածվում Լիբանանի վրա»,-
ասվում է Իսրայելի վարչապետի գրասենյակի հայտարարության մեջ։

«Սա Միացյալ Նահանգների հաղթանակն է Իրանի նկատմամբ».
Սպիտակ տուն

Սպիտակ տունը հայտարարել է Միացյալ Նահանգների հաղթանակի
մասին Իրանի նկատմամբ։

«Սա Միացյալ Նահանգների հաղթանակն է, որը տարել են
նախագահ Թրամփը և մեր անհավանական զինվորականները։ «Էպիկական կատաղություն» գործողության
սկզբից ևեթ նախագահ Թրամփը կանխատեսում էր, որ այն կտևի 4-6 շաբաթ։ Մեր զինվորականների
անհավանական կարողությունների շնորհիվ մենք հասանք և գերազանցեցինք մեր հիմնական ռազմական
նպատակները 38 օրվա ընթացքում»,- հայտարարել է ԱՄՆ նախագահ Թրամփի մամուլի քարտուղար
Քերոլայն Լևիթը Х սոցցանցում։

Նրա խոսքով՝ «մեր զինված ուժերի հաջողությունը թույլ
տվեց նախագահ Թրամփին և նրա թիմին գործի դնել ազդեցության առավելագույն լծակները՝ հնարավորություն
տալով անցկացնել բարդ բանակցություններ, որոնք այժմ բացել են դիվանագիտական ​​լուծման
և երկարատև խաղաղության ճանապարհը»։

Բացի դրանից, ինչպես նշել է Լևիթը, Թրամփը «հասել
է Հորմուզի նեղուցի բացմանը»։

«Երբեք չարժե թերագնահատել նախագահ Թրամփի կարողությունը՝
հաջողությամբ առաջ մղելու Ամերիկայի շահերը և խթանելու խաղաղության հաստատմանը»,- եզրափակել
է նա։

«Սա Միացյալ Նահանգների հաղթանակն է Իրանի նկատմամբ».
Սպիտակ տուն

Սպիտակ տունը հայտարարել է Միացյալ Նահանգների հաղթանակի
մասին Իրանի նկատմամբ։

«Սա Միացյալ Նահանգների հաղթանակն է, որը տարել են
նախագահ Թրամփը և մեր անհավանական զինվորականները։ «Էպիկական կատաղություն» գործողության
սկզբից ևեթ նախագահ Թրամփը կանխատեսում էր, որ այն կտևի 4-6 շաբաթ։ Մեր զինվորականների
անհավանական կարողությունների շնորհիվ մենք հասանք և գերազանցեցինք մեր հիմնական ռազմական
նպատակները 38 օրվա ընթացքում»,- հայտարարել է ԱՄՆ նախագահ Թրամփի մամուլի քարտուղար
Քերոլայն Լևիթը Х սոցցանցում։

Նրա խոսքով՝ «մեր զինված ուժերի հաջողությունը թույլ
տվեց նախագահ Թրամփին և նրա թիմին գործի դնել ազդեցության առավելագույն լծակները՝ հնարավորություն
տալով անցկացնել բարդ բանակցություններ, որոնք այժմ բացել են դիվանագիտական ​​լուծման
և երկարատև խաղաղության ճանապարհը»։

Բացի դրանից, ինչպես նշել է Լևիթը, Թրամփը «հասել
է Հորմուզի նեղուցի բացմանը»։

«Երբեք չարժե թերագնահատել նախագահ Թրամփի կարողությունը՝
հաջողությամբ առաջ մղելու Ամերիկայի շահերը և խթանելու խաղաղության հաստատմանը»,- եզրափակել
է նա։

Ինչպես
արդեն հայտնել ենք, ԱՄՆ նախագահ Դոնալդ Թրամփը համաձայնել է երկու շաբաթով
դադարեցնել Իրանի դեմ հարվածները և վստահեցրել է, որ հրադադարը երկկողմ կլինի:
Իրանի Ազգային անվտանգության բարձրագույն խորհուրդը հայտարարել է, որ Թեհրանը
բանակցություններ կսկսի ԱՄՆ-ի հետ ուրբաթ՝ ապրիլի 10-ին, Իսլամաբադում (Պակիստան): Իրանական կողմը հայտարարել է, որ Միացյալ
Նահանգները ստիպված էր ընդունել Թեհրանի 10-կետանոց առաջարկը, որը ներառում է
պատերազմի դադարեցում բոլոր ճակատներում, այդ թվում՝ Լիբանանում իսլամական
դիմադրության դեմ:

Միաժամանակ
ԱՄՆ նախագահ Դոնալդ Թրամփը հայտարարել է, որ Մերձավոր Արևելքում սկսվել է «ոսկե
դար»։

Նա
Իրանի հետ ժամանակավոր հրադադարի համաձայնագիրը անվանել է մեծագույն օր և հավելել,
որ Վաշինգտոնը կօգնի լուծել Հորմուզի նեղուցում տրանսպորտային կոլապսը։ Իրանը,
սակայն, ավելի վաղ հայտարարել է, որ կպահպանի Հորմուզի նեղուցի նկատմամբ վերահսկողությունը
նաև ԱՄՆ-ի հետ հրադադարի ընթացքում։

«Մեզ սպասվում
են բազմաթիվ դրական գործողություններ։ Կստեղծվի հսկայական հարստություն։ Իրանը
կկարողանա սկսել իր վերականգնումը։ Մենք կսկսենք կուտակել բոլոր տեսակի պաշարներ և
պարզապես կլինենք մերձակայքում՝ համոզվելու համար, որ ամեն ինչ ընթանում է այնպես,
ինչպես պետք է»,- գրել է ԱՄՆ նախագահը։

Ապրիլի 7-ին` ժամը 22։03-ին Սյունիքի մարզային օպերատիվ կառավարման կենտրոն ահազանգ է ստացվել, որ Սիսիան-Գորիս ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը: Այս մասին հայտնում է ՆԳՆ փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «Renault» մակնիշի կցորդով բեռնատարը դուրս է եկել ճանապարհի երթևեկելի հատվածից և հայտնվել դաշտամիջյան հատվածում:

Փրկարարները հոսանքազրկել են ավտոմեքենան և վարորդին մոտեցրել շտապօգնության ավտոմեքենային․ վերջինս հոսպիտալացվել է:

Հռոմի պապ Լևոն XIV-ն անընդունելի է համարել Իրանի ժողովրդի հասցեին հնչած սպառնալիքները ԱՄՆ հայտարարություններից հետո։

Նրա խոսքով՝ ամբողջ ժողովրդի դեմ ուղղված նման հայտարարությունները ոչ միայն միջազգային իրավունքի, այլև բարոյականության լուրջ խնդիր են։

Մինչդեռ Դոնալդ Թրամփը ավելի վաղ գրել էր, որ «ամբողջ քաղաքակրթություն կարող է ոչնչանալ մեկ գիշերում»։ Թեհրանը արձագանքել է, որ վճռական պատասխան կտա, եթե ԱՄՆ-ը իրագործի սպառնալիքները։

Ապրիլի 7-ին` ժամը 20։19-ին, ՆԳՆ 112 օպերատիվ կառավարման կենտրոն ահազանգ է ստացվել, որ Խարբերդի ամառանոցներից դեպի Նուբարաշեն ավտոճանապարհին տեղի է ունեցել ՃՏՊ․ անհրաժեշտ է փրկարարների օգնությունը: Այս մասին հայտնում է ՆԳՆ փրկարար ծառայությունը։

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ բախվել են «GAZel», «Mercedes-Benz», «Volkswagen», «VAZ» և «Ford» մակնիշների ավտոմեքենաները․ երեք քաղաքացի հոսպիտալացվել է։

Փրկարարները հոսանքազրկել են ավտոմեքենաները և փակել գազի բալոնների փականները: