Այսօր երգում ենք Եղիշե Չարենց։ Բառից մինչև բիթ դուք տեսնում եք՝ ինչպես է ստեղծվում երաժշտությունը և ինչպես է հայկական պոեզիան վերածվում թրենդային երգի։
Էդուարդ Գևորգյանը Եղիշե Չարենցի հեռացումի ու կարոտի խոսքերի տխրությունը որոշեց կոտրել դաշնամուրի ու բիթի միքսով։ Եվ, համոզված լինելով, որ աշխարհում ցանկացած գյուտ արվում է գրված ու չգրված կանոնները խախտելով, չարենցյան տողերը համեմեց աֆրո ռիթմերով։
Եվ ահա՝ ձեր ականջակալներում աֆրո Չարենց է։ Եղիշե Չարենցի կարոտը՝ աֆրո ռիթմերով Բառից բիթ։
«Tete A Tete» հաղորդման հերթական թողարկման հյուրն է եղել դերասան, Երևանի նախկին քաղաքապետ Հայկ Մարությանը։ Զրույցի ընթացքում Մարությանը հանդես է եկել հուզիչ խոստովանություններով՝ անդրադառնալով իր կյանքի ամենացավոտ էջերին և ընտանեկան արժեքներին։
Հայկ Մարությանը պատմել է ծնողների կորստի մասին՝ նշելով, որ հատկապես հոր մահից հետո առավել սուր է զգացել նրա բացակայությունը։ Դերասանի փոխանցմամբ՝ հոր մահվան հարցում իրենց ծանր հետքն են թողել նաև COVID-19-ի հետևանքները։ Հիշեցնենք, որ Մարությանի մայրը կյանքից հեռացել էր ավելի վաղ։
Խոսելով ծնողի դերի և նրանց բացակայության մասին՝ նա նշել է.
«Երբ քո ծնողները կան, դու անգամ եթե չես շփվում ամեն օր իրենց հետ, բայց միայն այն միտքը, որ իրենք կան, յուրաքանչյուր պահի կարող ես զանգել, հարցնել, խորհուրդ ստանալ, սփոփանք լսել… դա քեզ պահում է։ Երբ չկան՝ ամեն վայրկյան կարոտում ես»։
Բացի անձնական ապրումներից, Մարությանն անդրադարձել է նաև սերնդափոխությանն ու դաստիարակությանը։ Նա առանձնացրել է այն հիմնարար արժեքները, որոնք փորձում է սերմանել իր երեխաների մեջ։ Ըստ նախկին քաղաքապետի՝ մարդու համար առանցքային են՝ ազնվությունը, պարկեշտությունը, համեստությունը, մարդասիրությունը։
Հարցազրույցը լայն արձագանք է գտել հետևորդների շրջանում՝ բացահայտելով սիրված դերասանի առավել էմոցիոնալ և մարդկային կողմը։
ՌԴ նախագահի հետ հանդիպումը հաջողված եմ համարում, բարձր մակարդակով հանդիպում ենք ծրագրում նաև հունիսի 2-րդ կեսին։
Այս մասին լրագրողների հետ զրույցում ասել է ՀՀ վարչապետ Նիկոլ Փաշինյանը։
«Այն, ինչ ասել եմ այնտեղ, իմ նախկինում արված հայտարարություններն են»,- ասել է նա՝ նշելով, որ ներկայումս Հայաստան-Ռուսաստան հարաբերությունները գտնվում են կառուցողական տրանսֆորմացիայի փուլում, բարեկամական երկխոսությունից դուրս չեն գալու։
«Քանի դեռ կա հնարավորություն մեկտեղել ԵՄ ու ԵԱՏՄ ուղղությունները, մենք կհամատեղենք, երբ որ կգա մի պահ, երբ այլևս համատեղելի չի լինի, մենք ժողովրդի հետ միասին կորոշենք»,- ընդգծել է Փաշինյանը։
45 տրոլեյբուսները, որոնք վարչապետի հանձնարարականով և Կառավարության ֆինանսավորմամբ Երևան քաղաքը ստանում է, մի փոքր ուշանալու են՝ կապված Իրանում իրավիճակի հետ:
Այդ մասին հայտարարեց Երևանի քաղաքապետ Տիգրան Ավինյանը՝ Կառավարության նիստում:
«Մայիսի կեսերին 45 տրոլեյբուսները կհասնեն Երևան»,- ասաց Ավինյանը:
Վարչապետ Նիկոլ Փաշինյանը, անդրադառնալով Երևանում տրանսպորտի վիճակին, կարևորեց մետրոյի «Աջափնյակ» կայարանի կառուցման ծրագիրը:
«Եկեք արձանագրենք, որ վերջին 30 տարում ՀՀ-ում մետրոյի ոչ մի նոր կայարան չի ստեղծվել և շահագործման չի հանձնվել, և սա էլի շատ մեծ նախագիծ է: Բայց որ այդ նախագիծն իրականացվելու է, երկու կարծիք չկա: Մենք բոլորս ուզում ենք, որ ժամկետները կարճ լինեն»:
Ըստ Փաշինյանի՝ ռազմավարական նպատակն այն է, որ մետրոն շրջանաձև տեսք ստանա, ինչի արդյունքում երթևեկության տրամաբանությունը ևս կփոխվի, իսկ արդյունավետությունը կմեծանա:
Ներքին 13:40 09-04-2026
Քանի դեռ կա հնարավորություն մեկտեղել ԵՄ ու ԵԱՏՄ ուղղությունները, մենք կհամատեղենք, երբ որ կգա մի պահ, երբ այլևս համատեղելի չի լինի, մենք ժողովրդի հետ միասին կորոշենք:
Ներքին 13:40 09-04-2026
Քանի դեռ կա հնարավորություն մեկտեղել ԵՄ ու ԵԱՏՄ ուղղությունները, մենք կհամատեղենք, երբ որ կգա մի պահ, երբ այլևս համատեղելի չի լինի, մենք ժողովրդի հետ միասին կորոշենք:
«Ո՛չ, Սահմանադրությունը երկրում կարող է ընդունվել միայն համաժողովրդական հանրաքվեով, այլ տարբերակ չկա»:
Այս մասին Oragir.News-ի հարցին ի պատասխան՝ արդյոք հնարավոր է, որ Սահմանադրությունն ընդունվի խորհրդարանում, ասաց Փաշինյանը:
Oragir.News-ը նաև հետաքրքրվեց՝ նորմա՞լ է, որ իշխանության հավակնող երկու առանցքային ուժեր ժողովրդին սպառնում են պատերազմով. մեկը՝ աղետաբեր, մյուսը՝ տնտեսական:
Նիկոլ Փաշինյանը նշեց՝ հենց դա է ժողովրդավարությունը:
«Ժողովրդավարությունը հենց դրա մասին է, որ քաղաքական ուժերը կարող են ասել իրենց ասելիքը, որովհետև հանրությունը պիտի լսի բոլորին ու հասկանա՝ ում փաստարկներն են ավելի համոզիչ: Եվ հետո, իրենց այդ քայլով նրանք ընդամենը հաստատում են իմ ասածը. եթե քաղաքական ուժն ասում է, որ ՀՀ-ն չպիտի բավարարվի 29 հազար 743 քմ-ով, դա ի՞նչ ա նշանակում, դա անխուսափելի պատերազմ ա, էստեղ վիճելու բան չկա»:
«Բարեփոխված» հանրային տրանսպորտում Տիգրան Ավինյանի հայտարարությունից հետո նյարդը չի թուլանում:
Ուղևորները երթևեկում են լարված, վարորդները պարբերաբար վիճում են ուղևորների հետ, բղավում, հրաժարվում վարել, մինչև վերջիններս չվճարեն:
Oragir.News-ի ընթերցողներից մեկը մեզ է փոխանցել մի տեսանյութ, որում երևում է, որ հերթական անգամ լեզվակռիվ ու լարված իրավիճակ է եղել հանրային տրանսպորտում՝ տրանսպորտին երկար սպասելու ու վճարման սարքի անսարքության պատճառով:
Ընթերցողը պատմում է, որ քարտով վճարման ժամանակ խնդիր է առաջացել. սարքը ցույց է տվել, որ վճարումը կատարված չէ, բայց ուղևորների քարտից գումարը գանձվել է:
Վարորդը բղավել է ուղևորների վրա, իսկ ուղևորները փորձել են բացատրել, ցույց տալ, որ իրենց հաշվից գումարը գանձվել է, ինչին ի պատասխան վարորդը բղավելով ասել է՝ «սարքը հորս տնից չեմ բերել, չեք վճարում՝ իջեք», ինչից հետո ավելի քան 20 րոպե հրաժարվել է վարել:
Տեսանյութում ուղևորը բողոքում է, որ բավականին երկար ժամանակ կանգառում սպասել է ավտոբուսին, ինչին վարորդը կոպիտ կերպով ու գոռալով պատասխանում է, թե խցանումներ են:
Մանրամասները՝ տեսանյութում:
Այսօր՝ ապրիլի 9-ին, շղթայական ավտովթար է տեղի ունեցել Երևանում։ Ժամը 11:40-ի սահմաններում Տիգրան Մեծի պողոտայում բախվել են «Higer» մակնիշի ավտոբուսն ու «Toyota», «BMW», «Ford» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների բարեբախտաբար տուժածներ չկան։
Ֆոտոլրագրողը հայտնում է, որ ավտոբուսը հաշվառված է Երևանի քաղաքապետարանի հաշվեկշռում և սպասարկում է Զեյթուն-Ներքին Չարբախ թիվ 14 երթուղին։
Մանրամասները՝ սկզբնաղբյուր կայքում
