Month: April 2026

«Քաղաքացիական պայմանագիր» խմբակցությունը դեմ քվեարկեց կուսակցի՝ Հայկ Սարգսյանի ներկայացրած զինծառայության մասին օրենսդրական նախաձեռնությանը։

ՔՊ խմբակցության ղեկավար Հայկ Կոնջորյանը պարզաբանեց՝ քանի որ Կառավարությունն ու գլխադասային հանձնաժողովը դեմ են, իրենք ևս դեմ կքվեարկեն նախագիծը ԱԺ նիստում ընդգրկելուն։

«Սիրելի հայրենակիցներ, ճիշտ է նոր Ազգային ժողովում չընդունվեց իմ կողմից ներկայացված օրենքի նախագծերի փաթեթը, բայց չենք ընկճվում ու առաջիկայում քննարկումները շարունակվելու են կառավարության և հատկապես պաշտպանության նախարարության հետ։ Ես վստահ եմ, որ մեխանիզմներ ներդրվելու են որպեսզի ծառայողները չգտնվեն անարդար վիճակում և լինեն հավասար պայմաններ բոլորի համար։ Ծառայությունից խուսափելը պետք է չլինի այդքան հեշտ և նաև պետք է չլինեն օրինական մեխանիզմներ, որոնք այսօր գործում են»,-ասաց պատգամավորը։

Հունիսի 7-ին կայանալիք խորհրդարանական ընտրություններին ընդառաջ՝ ընդդիմադիր դաշտը հիմնականում արդեն ձևավորվել է. գրել է ԱԳ նախկին նախարար Վարդան Օսկանյանը։

«Նրանց ցուցակները հրապարակված են, ծրագրերը՝ ներկայացված։ Ծրագրերի մեջ ակնհայտ է ընդհանուր օրակարգը՝ խաղաղությունը, տնտեսական զարգացումը, աղքատության հաղթահարումը, արդարության վերականգնումը, ազգային վերածնունդն ու միասնությունը։

Այժմ, երբ հիմքը դրված է, ժամանակն է հանրային գիտակցության մեջ ձևավորելու և ամրապնդելու «հավաքական ընդդիմություն» գաղափարը։ Սա այլևս անհատական ջանքերի մասին չէ, այլ ընդհանուր նպատակի։ Հավատացած եմ՝ այս հավաքական ընդդիմությունը հաղթելու է ընտրություններում։

Սակայն միայն հաղթելը բավարար չէ։ Պետք է ավելի բարձր նշաձող սահմանել։ Այս միտքը նշել եմ նաև իմ նախորդ գրառման մեջ և շարունակելու եմ կրկնել։ Նպատակը չպետք է լինի պարզապես թույլ չտալ, որ Փաշինյանը վերարտադրվի իշխանության մեջ, այլ նաև ապահովել, որ նրա կուսակցությունը նույնիսկ չհաղթահարի խորհրդարան անցնելու շեմը։

Միայն այդ դեպքում կկարողանանք վերջնականապես փակել անցած ութ տարիների էջը՝ այդ շրջանն ու հիշողությունները թողնելով պատմության էջերում»,- գրել է Օսկանյանը։

Իսլամաբադում անքուն և լարված գիշերվանից հետո իրանցի և ամերիկացի պաշտոնյաները տասնամյակների ընթացքում ամենաբարձր մակարդակի բանակցություններն ավարտել են  առանց առաջընթացի, սակայն բանակցություններին ծանոթ 11 աղբյուրներ Reuters-ի հետ զրույցում նշել են, որ երկխոսությունը դեռևս շարունակվում է։

ԱՄՆ-ի և Իրանի միջև հակամարտությունը լուծելու համար շաբաթավերջյան հանդիպումն ԱՄՆ-ի և Իրանի պաշտոնյաների միջև առաջին անմիջական հանդիպումն էր ավելի քան մեկ տասնամյակի ընթացքում և ամենաբարձր մակարդակի հանդիպումը Իրանի 1979 թվականի Իսլամական հեղափոխությունից ի վեր։ Իսլամաբադի «Սերենա» հյուրանոցում բանակցությունները տեղի են ունեցել երկու առանձին թևերում և մեկ ընդհանուր տարածքում՝ մեկը ամերիկյան կողմի համար, մյուսն՝ իրանցիների, և մեկը՝ պակիստանցի միջնորդների մասնակցությամբ եռակողմ հանդիպումների համար։

Բազմաթիվ հարցերի թվում խաղադրույքին էին Հորմուզի նեղուցը՝ համաշխարհային էներգամատակարարման հիմնական տարանցիկ կետը, որն Իրանը գործնականում փակել է, բայց ԱՄՆ-ն խոստացել է վերաբացել, ինչպես նաև Իրանի միջուկային ծրագիրը և Թեհրանի նկատմամբ միջազգային պատժամիջոցները։

«Բանակցությունների կեսին մեծ հույս կար, որ առաջընթաց կլինի, և երկու կողմերը կհասնեն համաձայնության: Այնուամենայնիվ, իրավիճակը փոխվեց շատ արագ», – նշել է Պակիստանի կառավարության աղբյուրը:

Բանակցություններին մասնակցող մեկ այլ աղբյուրի խոսքով՝ կողմերը «շատ մոտ են» համաձայնության և «80%-ով պատրաստ են»։

Երկու բարձրաստիճան իրանական աղբյուրներ մթնոլորտը նկարագրել են որպես ծանր և անբարյացակամ՝ հավելելով, որ մինչ Պակիստանը փորձում էր մեղմել տրամադրությունը, պատերազմող կողմերից ոչ մեկը չէր ցուցաբերում լարվածությունը մեղմելու որևէ պատրաստակամություն:

ԱՄՆ աղբյուրի խոսքով՝ իրանցիները լավ չեն հասկացել, որ ԱՄՆ-ի հիմնական նպատակը այնպիսի համաձայնագիր կնքելն էր, որը կապահովի, որ Իրանը երբեք միջուկային զենք չունենա։ Իրանի մտահոգությունների թվում էր ԱՄՆ մտադրությունների նկատմամբ անվստահությունը։

Ավելի ուշ ԱՄՆ նախագահ Դոնալդ Թրամփը հայտարարել է, որ Իրանից «զանգահարել են» և որ «նրանք կցանկանային համաձայնության գալ»։

ԱՄՆ պաշտոնյան, անդրադառնալով Թրամփի մեկնաբանությանը, հայտնել է, որ ԱՄՆ-ի և Իրանի միջև շարունակական փոխգործակցություն կա և համաձայնագրի հասնելու փորձերն ընթացքի մեջ են։

Մեկնաբանության խնդրանքով Սպիտակ տան խոսնակ Օլիվիա Ուելսը նշել է, որ ԱՄՆ դիրքորոշումը երբեք չի փոխվել Իսլամաբադի հանդիպման ժամանակ։

Իսլամաբադում անքուն և լարված գիշերվանից հետո իրանցի և ամերիկացի պաշտոնյաները տասնամյակների ընթացքում ամենաբարձր մակարդակի բանակցություններն ավարտել են  առանց առաջընթացի, սակայն բանակցություններին ծանոթ 11 աղբյուրներ Reuters-ի հետ զրույցում նշել են, որ երկխոսությունը դեռևս շարունակվում է։

ԱՄՆ-ի և Իրանի միջև հակամարտությունը լուծելու համար շաբաթավերջյան հանդիպումն ԱՄՆ-ի և Իրանի պաշտոնյաների միջև առաջին անմիջական հանդիպումն էր ավելի քան մեկ տասնամյակի ընթացքում և ամենաբարձր մակարդակի հանդիպումը Իրանի 1979 թվականի Իսլամական հեղափոխությունից ի վեր։ Իսլամաբադի «Սերենա» հյուրանոցում բանակցությունները տեղի են ունեցել երկու առանձին թևերում և մեկ ընդհանուր տարածքում՝ մեկը ամերիկյան կողմի համար, մյուսն՝ իրանցիների, և մեկը՝ պակիստանցի միջնորդների մասնակցությամբ եռակողմ հանդիպումների համար։

Բազմաթիվ հարցերի թվում խաղադրույքին էին Հորմուզի նեղուցը՝ համաշխարհային էներգամատակարարման հիմնական տարանցիկ կետը, որն Իրանը գործնականում փակել է, բայց ԱՄՆ-ն խոստացել է վերաբացել, ինչպես նաև Իրանի միջուկային ծրագիրը և Թեհրանի նկատմամբ միջազգային պատժամիջոցները։

«Բանակցությունների կեսին մեծ հույս կար, որ առաջընթաց կլինի, և երկու կողմերը կհասնեն համաձայնության: Այնուամենայնիվ, իրավիճակը փոխվեց շատ արագ», – նշել է Պակիստանի կառավարության աղբյուրը:

Բանակցություններին մասնակցող մեկ այլ աղբյուրի խոսքով՝ կողմերը «շատ մոտ են» համաձայնության և «80%-ով պատրաստ են»։

Երկու բարձրաստիճան իրանական աղբյուրներ մթնոլորտը նկարագրել են որպես ծանր և անբարյացակամ՝ հավելելով, որ մինչ Պակիստանը փորձում էր մեղմել տրամադրությունը, պատերազմող կողմերից ոչ մեկը չէր ցուցաբերում լարվածությունը մեղմելու որևէ պատրաստակամություն:

ԱՄՆ աղբյուրի խոսքով՝ իրանցիները լավ չեն հասկացել, որ ԱՄՆ-ի հիմնական նպատակը այնպիսի համաձայնագիր կնքելն էր, որը կապահովի, որ Իրանը երբեք միջուկային զենք չունենա։ Իրանի մտահոգությունների թվում էր ԱՄՆ մտադրությունների նկատմամբ անվստահությունը։

Ավելի ուշ ԱՄՆ նախագահ Դոնալդ Թրամփը հայտարարել է, որ Իրանից «զանգահարել են» և որ «նրանք կցանկանային համաձայնության գալ»։

ԱՄՆ պաշտոնյան, անդրադառնալով Թրամփի մեկնաբանությանը, հայտնել է, որ ԱՄՆ-ի և Իրանի միջև շարունակական փոխգործակցություն կա և համաձայնագրի հասնելու փորձերն ընթացքի մեջ են։

Մեկնաբանության խնդրանքով Սպիտակ տան խոսնակ Օլիվիա Ուելսը նշել է, որ ԱՄՆ դիրքորոշումը երբեք չի փոխվել Իսլամաբադի հանդիպման ժամանակ։