Month: April 2026

Թարմացված տվյալների համաձայն` փետրվարի 28-ին Իրանի դեմ գործողության սկզբից ի վեր վիրավորում է ստացել առնվազն 415 ամերիկացի զինծառայող: «Արմենպրես»-ի փոխանցմամբ՝ այս տվյալները ներկայացրել է Պենտագոնը:

Ըստ հաղորդագրության՝ մարտական ​​գործողությունների ընթացքում վիրավորվել է բանակի 271 զինծառայող, ռազմածովային ուժերի 63 նավաստի, 19 ծովային հետևակ և ռազմաօդային ուժերի 62 զինծառայող։ Վիրավորների մեծ մասն արդեն վերադարձել է ծառայության։

Ինչպես ավելի վաղ հայտնել էր ԱՄՆ զինված ուժերի շտաբների պետերի միացյալ կոմիտեի նախագահ գեներալ Դեն Քեյնը, ամերիկացի զինծառայողների մեծ մասը վիրավորվել է իրանական անօդաչու թռչող սարքերի գրոհների հետևանքով։

Բացի այդ, մարտական ​​գործողությունների ընթացքում զոհվել է տասներեք ամերիկացի զինծառայող, այդ թվում՝ վեցը Քուվեյթում և մեկը՝ Սաուդյան Արաբիայում։ Մյուսները զոհվել են ամերիկյան լիցքավորող ինքնաթիռի կործանման հետևանքով։

Այսօր՝ ապրիլի 21-ին, Երևանում հերթական ավտոմեքենայի թալանման դեպքն է տեղի ունեցել։ Ժամը 08:30-ի սահմաններում Նոր Նորք վարչական շրջանի Թոթովենցի նրբանցք 3/1 շենքի բնակիչ 32-ամյա Վլադիմիր Մ.-ն աշխատանքի գնալիս նկատում է, որ բակում կայանված իր կողմից շահագործվող «Chevrolet Volt» մակնիշի ավտոմեքենան թալանել են։

Ինչպես տեղից հայտնում է ֆոտոլրագրող Գագիկ Շամշյանը, ժամանել են ոստիկանության Նոր Նորքի բաժնի հերթապահ խումբը՝ ավագ համայնքային ոստիկանի գլխավորությամբ։

Գողը կամ գողերը ավտոմեքենայի վրայից տարել են թափարգելը և այլ մասեր՝ տուժածին պատճառելով մոտ 1 մլն 300 հազար դրամի վնաս։

Մանրամասները՝ սկզբնաղբյուր կայքում