Month: April 2026

ՆԳ նախարարության և Ոստիկանության ղեկավար կազմը հարգանքի տուրք է մատուցել ներքին գործերի առաջին նախարար Արամ Մանուկյանի հիշատակին


Տեսանյութեր


Ներքին գործերի նախարար Արփինե Սարգսյանը, ՆԳ նախարարության և Ոստիկանության ղեկավար կազմը Ոստիկանության օրը՝ ապրիլի 16-ին, ծաղկեպսակ ու ծաղիկներ են խոնարհել Հայաստանի ներքին գործերի առաջին նախարար Արամ Մանուկյանի կիսանդրուն և Իրավակարգի զինվորի հուշարձանին։



ԱՄՆ-ի կողմից Խաղաղ օվկիանոսում հերթական նավին հարվածի հետևանքով կա 3 զոհ

Նշվում է նաև, որ նավը շահագործվում էր ահաբեկչական կազմակերպության կողմից։ Ամերիկացի զինվորականները գործողության ընթացքում չեն տուժել։

Ընդհանուր առմամբ, 2025 թ. սեպտեմբերից ի վեր Խաղաղ օվկիանոսում և Կարիբյան ծովում ԱՄՆ-ն հարված է հասցրել ավելի քան 50 նավի, որի հետևանքով շուրջ 170 մարդ է զոհվել։

Բախվել են Երևան-Դիլիջան-Իջևան երթուղին սպասարկող «ГАЗель»-ը և «Москвич»-ը․ կան վիրավորներ

Վթարի հետևանքով վարորդներից Մարութ Ս․-ն և 1 ուղևոր մարմնական վնասվածքներով տեղափոխվել են «Սևան» բժշկական կենտրոն, իսկ «ГАЗель»-ում եղել են 12 ուղևորներ, որոնց շտապօգնության բժիշկները տեղում առաջին բուժօգնություն են ցուցաբերել, սակայն վերջինները հրաժարվել են հիվանդանոց մեկնելուց։

Վթարի մասին ՊԾ Գեղարքունիքի մարզի գումարտակից տեղեկությունը փոխանցել են ՀՀ Քննչական կոմիտեի Գեղարքունիքի մարզային քննչական վարչության Սևանի քննչական բաժին, որտեղից ժամանել է քննչական խումբը
Վթարի փաստով Սևանի քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի և վիրավորի ինքնությունը»,-հայտնում է shamshyan.com-ը։

Նորվեգիան հայտնել է նավթի արտահանման ռեկորդային եկամտի մասին

Դոնալդ Թրամփը նույնպես արձագանքել է այս թվերին: Նա Մեծ Բրիտանիային կոչ է արել ավելացնելու սեփական նավթի արտադրությունը և նշել, որ Եվրոպան լուրջ էներգետիկ պակաս ունի, չնայած Լոնդոնը, նրա խոսքով, դժկամությամբ է զարգացնում Հյուսիսային ծովի հանքավայրերը:

Թրամփը գրել է նաև, որ Նորվեգիան իր նավթը Մեծ Բրիտանիային վաճառում է կրկնակի գնով և հսկայական շահույթ է ստանում:

Նորվեգիան մնում է Եվրոպայի ամենամեծ նավթարտադրողը և Գերմանիայի հիմնական մատակարարը. անցյալ տարի այն կազմել է հում նավթի ներմուծման 16.6%-ը: Հաջորդը ԱՄՆ-ն է՝ 16,4%-ով, այնուհետև Լիբիան՝ 13,8%-ով:

Կնոջ մահվան պատճառը բժշկական միջամտությունն է, ոչ թե ոստիկանների բռնությունը. ՔԿ խոսնակը՝ տարածվող լուրի մասին

Լրատվամիջոցներից մեկում հրապարակված «Էլի մեկ զոհ. ոստիկանների բռնարարքներից հետո կինը մահացել է» հրապարակումը չի համապատասխանում իրականությանը: Այդ մասին Ֆեյսբուքի իր էջում գրել է ՔԿ մամուլի խոսնակ Կիմա Ավդալյանը։

 

«Ստացված առերևույթ հանցանքի մասին հաղորդմամբ փաստվում է, որ կինը մահացել է բժշկական միջամտությունից հետո, ինչի հիման վրա նախաձեռնվել է քրեական վարույթ՝ Քրեական օրենսգրքի 187-րդ հոդվածի 2-րդ մասով (բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է մարդու մահ) և կատարվում է նախաքննություն»,- նշված է գրառման մեջ:

Ձերբակալվել է 14 անձ՝ ընտրակաշառք տալու և ստանալու մեղադրանքներով

ՀՀ հակակոռուպցիոն կոմիտեում քննվող քրեական վարույթի շրջանակում ձերբակալվել է 14 անձ՝ ընտրակաշառք տալու և ստանալու մեղադրանքներով: Անհրաժեշտության դեպքում կտրվի լրացուցիչ տեղեկատվություն: Այս մասին 1Lurer.am-ին հայտնում են Հակակոռուպցիոն կոմիտեից:

 

Մեր տեղեկություններով՝ ձերբակալված անձինք «Ուժեղ Հայաստան» կուսակցության անդամներ են:

Նեթանյահուն հայտարարել է, որ Իսրայելն ու ԱՄՆ-ն Իրանի հարցում միասնական դիրքորոշում ունեն


Աշխարհ


ԱՄՆ-ի և Իսրայելի նպատակներն իրանական ճգնաժամի հարցում միասնական են: Այս մասին հայտարարել է Իսրայելի վարչապետ Բենիամին Նեթանյահուն։ «Մեր և ԱՄՆ-ի նպատակները նույնն են…. Մենք ցանկանում ենք, որ Իրանից դուրս բերվեն միջուկային նյութերը, ուրանի հարստացման հնարավորությունները պետք է վերացվեն։ Եվ, իհարկե, մենք ցանկանում ենք, որ հիմնական երթուղիներով նավագնացությունը վերսկսվի», – նրա խոսքը մեջբերում է The Times of Israel-ը։

Նեթանյահուն հայտնել է, որ ամերիկացի դաշնակիցներն անընդհատ տեղեկացնում են Իսրայելին Իրանի հետ իրենց շփումների մասին։ Իսրայելի վարչապետը նշել է, որ չգիտի, թե ինչի կհանգեցնեն ԱՄՆ-ի և Իրանի բանակցությունները, ուստի Իսրայելը պատրաստ է ցանկացած սցենարի, այդ թվում՝ ռազմական գործողությունների վերսկսման։



Ադրբեջանը ապրանքներ է ներմուծել Հայաստանից

Ադրբեջանն առաջին անգամ ապրանքներ է ներմուծել Հայաստանից, գրում են ադրբեջանական ԶԼՄ–ները։

Նշվում է, որ այս տարվա մարտին Ադրբեջանը Հայաստանից ներմուծել է 960 դոլարի ապրանքներ։