Month: April 2026

Եվրոպան ունի «մոտավորապես 6 շաբաթվա» ավիացիոն վառելիքի պաշարներ․ Միջազգային էներգետիկ գործակալության ղեկավար

Եվրոպան ունի «մոտավորապես 6 շաբաթվա» ավիացիոն վառելիքի պաշարներ․ Associated Press-ին տված հարցազրույցում ասել է Միջազգային էներգետիկ գործակալության ղեկավար Ֆաթիհ Բիրոլը։

Պաշտոնյան զգուշացրել է, որ «շուտով» հնարավոր է լինեն չվերթների չեղարկումներ, եթե Մերձավոր Արևելքում պատերազմի ֆոնին նավթի մատակարարումների արգելափակումը շարունակվի։

Բիրոլը Հորմուզի նեղուցով նավթի, գազի և այլ կենսականորեն կարևոր պաշարների կրճատումների հետևանքներն անվանել է «ամենամեծ էներգետիկ ճգնաժամը, որին երբևէ բախվել ենք»։

«Հետևանքը կլինի բենզինի ավելի բարձր գներ, գազի ավելի բարձր գներ, էլեկտրաէներգիայի բարձր գներ»,- ասել է Բիրոլը։

 

Իրավասու պաշտոնյաներ դուք տեսել ե՞ք Երևան քաղաքի վիճակը. Մարդիկ 13 կմ–ն անցնում են 1 ժամ 45 րոոպեում. Ասլանյան

Դժվա՞ր է Իսակովի պողոտայի աշխատանքներն արագացնել, գիշերը աշխատել, մարզերից…

Իրավասու պաշտոնյաներ դուք տեսել ե՞ք Երևան քաղաքի վիճակը. Մարդիկ 13 կմ–ն անցնում են 1 ժամ 45 րոոպեում. Ասլանյան

Դժվա՞ր է Իսակովի պողոտայի աշխատանքներն արագացնել, գիշերը աշխատել, մարզերից…

«Հրապարակ»․ Այն ժամանակ էլ պանելային քննարկումներ էին անում Արցախի մասին


Եվրոպամետ, սորոսական կոչվող եւ այլ գրանտակեր կազմակերպություններ ու անձինք չափազանց ակտիվացել են վերջին շրջանում։ Նրանք առաջ էլ լրատվական մի տաղավարից մյուսն…

Արմավիրում այրվել է «Ford» ավտոմեքենան. կանխվել է հրդեհի տարածումը դեպի հարակից տուն

Ապրիլի 17-ին՝ ժամը 05։18-ին, Արմավիրի մարզային օպերատիվ կառավարման կենտրոն…

«Ինչո՞ւ Հայաստանը բանակցային հարթակ տրամադրելու առաջարկով հանդես չեկավ»․ Էդմոն Մարուքյան

«Ինչո՞ւ Հայաստանը բանակցային հարթակ տրամադրելու առաջարկով հանդես չեկավ»․ Էդմոն Մարուքյան

«Լուսավոր Հայաստան» կուսակցության ղեկավար Էդմոն Մարուքյանի թելեգրամյան գրառումը․ «Ինքնիշխան լինելը ենթադրում է ամբիցիաներ ունենալ և փորձել բավարարել դրանք

Ինչո՞ւ պետք է ԱՄՆ–Իրան բանակցություններն անցկացվեն Իսլամաբադում, այլ ոչ թե Երևանում, երբ Հայաստանը Խաղաղության խորհրդի անդամ է, իսկ իշխանական քարոզչության համաձայն՝ «Փաշինյանը Թրամփի հետ լավ է»։

Բոլորի համար ակնհայտ էր, որ մինչև հրադադարի կնքումը Միացյալ Նահանգները երկխոսության եզրեր էին փնտրում, բայց ՀՀ իշխանություններն անտարբեր գտնվեցին։ Այնինչ ամեն օր կրկնում են, թե իբր տարածաշրջանում «խաղաղության խաչմերուկ» են կառուցում, բայց երբ այդ խաչմերուկը «այրում է», ոչ մի քայլ չեն ձեռնարկում իրավիճակը շտկելու համար։

Այն ֆոնին, երբ խոսվում է մեր երկրի «եվրաինտեգրման» մասին, որպես Իրանի հարևան և բարեկամ պետություն, ինչո՞ւ Հայաստանը բանակցային հարթակ տրամադրելու առաջարկով հանդես չեկավ։

Ինքնիշխանությունն այդպես է դրսևորվում, երբ պետությունն ամբիցիաներ ունի և փորձում է դրանք բավարարել, ոչ թե սպասում է, թե Ալիևը և Էրդողանը ինչ նոր պահանջներ կներկայացնեն՝ դրանք արագացված կարգով կյանքի կոչելու համար»։

2025-ին ՀՀ քաղաքացիություն է շնորհվել 25,670 անձի, որից 19,367-ը՝ ԼՂ-ից բռնի տեղահանվածներ

Ըստ նախարարի՝ 2024-ի համադրությամբ քաղաքացիության շնորհման աճ ունենք, որովհետև հատկապես այլ երկրների քաղաքացիները, ազգությամբ հայերը, Ղարաբաղից տեղահանված հայրենակիցները դիմում են, և 2025-ին արդեն բավականին մեծ տեմպով քաղաքացիների շնորհման պրոցես է ապահովվել:

«Քաղաքացիության շնորհման տեսանկյունից ավելացում ունենք: Սա թույլ է տալիս փաստելու, որ ՀՀ-ն գրավիչ պետութուն է դառնում թե՛ ազգությամբ հայերի համար, որոնք այս պահին չունեն ՀՀ քաղաքացիություն, թե՛ Ղարաբաղից տեղահանված մեր հայրենակիցների և օտարերկրյա այլ պետության ներկայացուցիչների համար»,- ասաց նա:

Այս համատեքստում նախարարն անդրադարձավ նաև շահարկումներին, թե պետությունը հատուկ քաղաքացիություն չի շնորհում Ղարաբաղից տեղահանված մեր հայրենակիցներին: Նա հիշեցրեց՝ 2025-ին քաղաքացիություն ստացածների թիվը եղել է 19,367, բայց Ղարաբաղից տեղահանված 36,676 անձ, ըստ էության, ձեռք է բերել ՀՀ քաղաքացիություն, որից մի հատվածը եղել է անձնագրավորման ռեժիմով, մնացյալ մասը՝ նախագահի հրամանագրով:

«Տեղահանված անչափահասները եղել են ընդհանուր առմամբ 28 հազարը, որից 12 հազարն արդեն իսկ անձնագրավորման եղանակով ստացել է ՀՀ քաղաքացիություն»,- ասաց նա:

Հուշարձանների և տեսարժան վայրերի միջազգային օրը կանցկացվեն մի շարք միջոցառումներ


Մշակույթ


Ապրիլի 18-ը Հուշարձանների և տեսարժան վայրերի միջազգային օրն է: Օրվա շրջանակում ԿԳՄՍ նախարարության համակարգմամբ տարբեր մարզերում և Երևան քաղաքում կանցկացվեն տարաբնույթ միջոցառումներ՝ տեղեկատվական արշավներ, էքսկուրսիաներ, քայլարշավներ, ճանաչողական այցեր դեպի հուշարձաններ, տեղեկատվական նյութերի ցուցադրում, դպրոցականների համար կրթական ծրագրեր՝ բաց դաս ձևաչափով, խաղ-վիկտորինաներ, դասախոսություններ, հուշարձանների և տարածքների մաքրման աշխատանքներ: Այս մասին տեղեկացնում են ԿԳՄՍՆ-ից:

Ծրագիրը միտված է հուշարձանների հանրահռչակմանն ու հասարակության լայն շերտերի իրազեկմանը: Նպատակն է՝ բարձրացնել հանրության տեղեկացվածության մակարդակը մշակութային ժառանգության, դրա խոցելիության մասին և անհրաժեշտ ջանքեր գործադրել այդ ժառանգության պաշտպանության և պահպանման նպատակով: Հատուկ կարևորություն է տրվում նախատեսված միջոցառումներին դպրոցականների ակտիվ մասնակցությանը՝ հուշարձանների պահպանությունն ու հանրահռչակումը դիտարկելով որպես ուսուցման գործընթացի հավելյալ բաղադրիչ:

Հուշարձանների և տարածքների մաքրման աշխատանքները մարզային ծառայությունների և հուշարձանների պահապանների միջոցով համակարգում է «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ը:

ՅՈՒՆԵՍԿՕ-ն ապրիլի 18-ը նշում է որպես Հուշարձանների և տեսարժան վայրերի միջազգային օր 1983 թվականից՝ Հուշարձանների և տեսարժան վայրերի միջազգային խորհրդի (ԻԿՕՄՕՍ) առաջարկությամբ: Յուրաքանչյուր տարի ապրիլի 18-ին բազմաթիվ երկրներ տարաբնույթ միջոցառումների միջոցով բարձրացնում են հասարակության տեղեկացվածության մակարդակը համաշխարհային ժառանգության բազմազանության, դրա պաշտպանության ու պահպանության վերաբերյալ: