Սույն փաստը վերստին հավաստում է, որ իշխանության ֆեյսբուքյան կառավարումը գործում է իրական կառավարումից անկախ և միմյանցից անտեղյակ ռեժիմով։
Օրինակ, հանրության համար 44-օրյա պատերազմում և հաջորդող ռազմական գործողությունների ժամանակ զոհվածների անվանացանկը իշխանությունը շարունակում է չհրապարակել, իսկ թիվը անընդհատ փոփոխում է․ վերջերս ԱԺ նախագահ Ալեն Սիմոնյանը հայտարարեց՝ զոհերի թիվը 3755 է։ 
Սակայն «Զինապահ» հիմնադրամը բոլորովին այլ թիվ է ներկայացնում։
Ըստ հիմնադրամի, որը փոխհատուցում է տրամադրում զոհվածների ընտանիքներին և հաշմանդամություն ստացածներին, 2016 թվականից հետո ռազմական գործողությունների ժամանակ զոհվել է 4568 մարդ։ 
Եթե այս թվից հանենք Քառօրյա պատերազմում և 2022 թ․ սեպտեմբերյան մարտերի ժամանակ զոհվածների թվերը՝ համապատասխանաբար 93 և 207 զոհերի թիվը, կկազմի 4055, որը 513 զոհով պակաս է Սիմոնյանի հրապարակած թվից։
Հավելենք նաև, որ 251 անհայտ բացակայողների թիվը ևս չափազանց տարօրինակ է։
Գյուղերում ապրող մեր հայրենակիցները ցանկանում են, որ իրենց ձայնը լսելի լինի, իսկ բարձրաձայնած խնդիրները ստանան հստակ և գործնական լուծումներ. Ծառուկյան (տեսանյութ)
Ուկրաինայի Դնեպրոպետրովսկի մարզի Նիկոպոլ քաղաքում ուղևորատար ավտոբուսի վրա ռուսական անօդաչու թռչող սարքի հարվածի հետևանքով զոհվել է երեք մարդ, կան վիրավորներ։ Այս մասին Telegram-ում հայտնել է Ուկրաինայի ներքին գործերի նախարար Իգոր Կլիմենկոն։
РБК-Украина-ն հայտնում է, որ դատախազության վերջին տվյալների համաձայն՝ վիրավորների թիվը հասել է 15-ի։ Նշվում է նաև, որ զոհերը եղել են ինչպես ավտոբուսում գտնվող, այնպես էլ կանգառում սպասող մարդիկ։
Հարավից ակտիվ ցիկլոնի ներթափանցմամբ պայմանավորված՝ մարտի 27-28-ին հանրապետության շրջանների մեծ մասում ժամանակ առ ժամանակ սպասվում են տեղումներ։ Լեռնային գոտիներում դրանք կլինեն թաց ձյան, իսկ նախալեռնային և հովտային հատվածներում՝ անձրևի տեսքով։ Առանձին շրջաններում տեղումները կուղեկցվեն ցածր հորիզոնական տեսանելիությամբ և քամու ուժգնացմամբ՝ մինչև 14-17 մ/վ արագությամբ։
Հիդրօդերևութաբանության և մոնիթորինգի կենտրոնից հայտնում են, որ մարտի 27-ին Սյունիքում և Վայոց ձորի առանձին հատվածներում, մարտի 27-28-ին՝ Լոռիում և Տավուշում տեղումները կլինեն ինտենսիվ։
Սպասվող տեղումների հետևանքով հանրապետության գետերում սպասվում է ջրի ելքերի մեծացում։ Հատկապես զգալի աճ է կանխատեսվում Ողջի, Գորիսգետ, Մեղրիգետ, Արփա, Դեբեդ և Աղստև գետերի ավազաններում։
Մարտ 27, 2026 at 11:18
«Ուժեղ Հայաստան» կուսակցության խորհրդի անդամ Նարեկ Կարապետյանի ֆեյսբուքյան էջից
Մենք ընդլայնում ենք բժշկական կազմակերպությունների գործադիր մարմիններում ընդգրկվող անձանց մասնագիտական կրթության վերաբերյալ պայմանները։ Այս մասին Կառավարության՝ փետրվարի 5-ի նիստում ասաց Առողջապահության նախարար Անահիտ Ավանեսյանը՝ ներկայացնելով «Բնակչության բժշկական օգնության և սպասարկման մասին» օրենքում փոփոխություններ և լրացում կատարելու մասին» օրենքի նախագծին հավանություն տալու մասին որոշման նախագիծը:
«Ըստ էության, մենք վերանայում ենք ԲԿ-ների նկատմամբ աշխատանքային հարաբերություններում դրվող պահանջները: Առողջապահության նախարարությունը, սահմանելով զարգացման ուղեծիր ԲԿ-ների համար, հնարավորություն է ստեղծելու, որ հավակնորդները մրցույթի շրջանակներում ներկայացնեն, թե ինչպես են պատկերացնում դրված նպատակներին հասնելու ճանապարհը, ունենան հստակ առաջադրանք և հաջորդիվ արդեն նաև հաշվետու լինեն, թե կառավարման ընթացքում ԲԿ-ն ինչպիսի ֆինանսական, նաև բժշկական արդյունքների է հասել:
Մեզ համար շատ կարևոր է, որ պետական մասնաբաժին ունեցող ԲԿ-ները լինեն ֆինանսապես կայուն, առողջ, զարգացող, ապահովեն նաև պետությանը շահաբաժինների վճարման՝ անընդհատ ավելացող արդյունքներ, և մենք էլ ունենանք չափելի ինդիկատորներ, որոնցով կարող ենք դնել առաջադրանքները, հետո գնահատել մեր կառավարիչների աշխատանքային գործունեությունը»,- ասաց Ավանեսյանը, ընդգծելով, որ բուժհիմնարկների գործադիր մարմինների ղեկավար այսուհետև կարող են դառնալ նաև բժշկական կրթություն չունեցող քաղաքացիները։
