julbaz.mediamonitoring.am

«Փաստ է, որ Հայաստանում կան քաղբանտարկյալներ: Գագիկ Ծառուկյանը երբ որ ձեր քաղաքական օրակարգի հետ հաշտ էր, նա խոշոր սեփականատեր էր, հիմա ինքը դառելա այս երկրի վերջին կոռուպցիոները: Ո՞ր մի դեպքը թվարկեմ»,- ԱԺ պետական-իրավական հարցերի մշտական հանձնաժողովի հերթական նիստին ասել է «Հայաստան» խմբակցության պատգամավոր Ագնեսա Խամոյանը՝ դիմելով ՔՊ պատգամավոր Արման Եղոյանին, ով իր ելույթում ասել էր, որ ՀՀ-ում քաղբանտարկյալ չկա: «Ձեր խոշորացույցի տակ են այն բոլոր մարդիկ, ովքեր հանկարծ քաղաքական որևէ հայտարարություն են անում: Ասում եք՝ միջազգային կառույցներով չկա արձանագրված, որ Հայաստանում քաղբանտարկյալ կա, և, հետևաբար, չկա քաղբանտարկյալ: Կան քաղբանտարկյալներ»,- ավելացրել է նա:

Ակտիվիստ Արսեն Նիկողոսյանը ֆեյսբուքյան էջում տեսանյութ է հրապարակել՝ կից գրառմամբ․ «Տիկին Գալյան, իրականությունն իսկապես դաժան է։ Բայց դուք արդարադատության նախարարն եք։ Այդ դեպքում ինչո՞ւ արդարադատություն չկա։ Ինչո՞ւ են մարդկանց քաղաքական հայացքների համար դատում, ինչո՞ւ են մարդիկ հայտնվում բանտերում, և ինչո՞ւ են ոմանք նույնիսկ մահանում կալանավայրերում։
     Իրականությունը մեկն է․ այսօր դուք եք իշխանության, բայց մի օր դուք էլ եք դառնալու նախկին իշխանություն։ Եվ այնպես, ինչպես այսօր նախկինների նկատմամբ գործեր եք հարուցում ու փորձում վարկաբեկել նրանց, վաղը նույնը կարող է տեղի ունենալ ձեզ հետ։
     Համակերպվեք այդ իրականության հետ։ Պաշտոնները հավերժ չեն, իսկ յուրաքանչյուր մարդ մի օր պետք է պատասխան տա իր արածների համար»։