julbaz.mediamonitoring.am

ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 7-8-ը: Բացահայտվել է 180 հանցագործություն, որոնցից 4-ը՝ նախկինում կատարված:

Մասնավորապես՝

• 81 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
• 15 դեպք՝ թմրանյութի հայտնաբերման,
• 12 դեպք՝ մարմնական վնասվածք պատճառելու,
• 10 դեպք՝ խարդախության,
• 9 դեպք՝ ֆիզիկական ներգործության,
• 7 դեպք՝ անձնական ունեցվածքի գողության,
• 4 դեպք՝ հոգեկան ներգործության,
• 3 դեպք՝ ինքնիրավչության,
• 2-ական դեպք՝ կողոպուտի, ապօրինի ձեռնարկատիրական գործունեության, սառը զենքի հայտնաբերման։

Բացահայտվել են բնակարանային գողության, ավտոմեքենայի գողության, վստահված գույքի հափշտակման, գույքը ոչնչացնելու կամ վնասելու, զենքի, զինամթերքի առգրավման, հրազենի մաքսանենգության, հրազենի ապօրինի շրջանառության, երեխայի խնամքի պարտականությունը չկատարելու, փաստաթղթի կեղծիքի, անձի տիրապետությունից դուրս եկած գույքին տիրանալու, կեղծ փաստաթղթեր կազմելու և ներկայացնելու, հետամտելու, աշխատանքի պաշտպանության կանոնները խախտելու և այլ դեպքեր։

Նախկինում կատարված հանցագործություններից բացահայտվել են՝

• 2 դեպք՝ բնակարանային գողության,
• 1-ական դեպք՝ անձնական ունեցվածքի գողության, մարմնական վնասվածք պատճառելու։

Հայտնաբերվել է 8 հետախուզվող, կամավոր ներկայացել է 3-ը։

Հայտնաբերվել է 1 անհայտ կորած։

Գրանցվել է զենք-զինամթերք կամավոր հանձնելու 4 դեպք։

ՃՏՊ վիճակագրություն
Անցած 1 օրում գրանցվել է 14 ավտովթար․ 21 մարդ ստացել է տարբեր աստիճանի մարմնական վնասվածքներ։

Իրանի արտաքին գործերի նախարարությունը հայտարարել է, որ «քաղաքակիրթ» ազգի ուժը կհաղթի «բիրտ ուժին»։

Գերատեսչության խոսնակ Էսմայիլ Բաքային X սոցիալական հարթակում հրապարակված գրառմամբ նշել է, որ «քաղաքակիրթ» երկրի մշակույթը, տրամաբանությունը և արդար գործի նկատմամբ հավատը, անկասկած, գերակշռելու են ուժի կիրառման քաղաքականությանը։

«Քաղաքակիրթ ազգի մշակույթի, տրամաբանության և իր արդար գործի հանդեպ հավատի ուժը, անկասկած, կհաղթի բիրտ ուժի տրամաբանությանը», — գրել է նա։

Բաքային հավելել է, որ այն ազգը, որը վստահ է իր ուղու արդարությանը, պետք է օգտագործի իր բոլոր կարողություններն ու հնարավորությունները՝ իր իրավունքներն ու օրինական շահերը պաշտպանելու համար։

Գրառումը տարածվել է «IranWillWin» հեշթեգով։

Քուվեյթի իշխանությունները կոչ են արել քաղաքացիներին և երկրի բնակիչներին չորեքշաբթի վաղ առավոտյան մնալ տներում՝ անվտանգության նկատառումներից ելնելով։ Ներքին գործերի նախարարության հայտարարության համաձայն՝ սահմանափակումը կգործի տեղական ժամանակով կեսգիշերից մինչև առավոտյան ժամը 6-ը։ Գերատեսչությունը նշել է, որ այս քայլը ձեռնարկվել է անվտանգության պահպանման, ընթացող գործողություններին աջակցելու և երկրի կայունությունը ապահովելու նպատակով։

Որոշումը, ըստ հայտարարության, պայմանավորված է «երկրում և տարածաշրջանում ստեղծված ներկայիս իրավիճակով»։

Այս զարգացումը տեղի է ունենում աճող լարվածության ֆոնին, այն բանից հետո, երբ Դոնալդ Թրամփը Իրանին վերջնաժամկետ է սահմանել՝ պահանջելով բացել Հորմուզի նեղուցը։ Նա սպառնացել է Իրանին՝ նշելով, որ եթե մինչև նշված ժամկետը պահանջը չկատարվի «մի ամբողջ քաղաքակրթություն կկործանվի»։

«Այս գիշեր մի ամբողջ քաղաքակրթություն կկործանվի, և այն այլևս երբեք հնարավոր չի լինի վերակենդանացնել»,-Truth Social-ի իր էջում գրել է ԱՄՆ նախագահ Դոնալ Թրամփը՝ նշելով, թե չի ուզում, որ դա տեղի ունենա, բայց, ամենայն հավանականությամբ, տեղի կունենա։