julbaz.mediamonitoring.am

ԿԺԴՀ-ի հրթիռաշինության գլխավոր վարչությունն անցկացրել է ռազմավարական թևավոր հրթիռի կասետային մարտագլխիկի հզորության գնահատման, ինչպես նաև ուղղահայաց հարված հասցնելու համար դրա թռիչքային առանձնահատկությունների փորձարկումներ։ Այս մասին նոյեմբերի 3-ին հաղորդել է Կորեայի կենտրոնական հեռագրական գործակալությունը (ԿԿՀԳ)։

«Հրթիռաշինության գլխավոր վարչության մարտագլխիկների ինստիտուտը հրապարակել է ռազմավարական թևավոր հրթիռի կասետային մարտագլխիկի հզորության գնահատման փորձարկման արդյունքները։ Փորձարկմամբ հաստատվել է, որ թևավոր հրթիռի միջին չափի կասետային մարտագլխիկը կարող է գերհզոր խտությամբ ոչնչացնել 5–6 հա մակերեսով թիրախը», — ասվում է հրապարակման մեջ։

Փորձարկումները ղեկավարել է Կորեայի աշխատավորական կուսակցության կենտրոնական ռազմական կոմիտեի անդամ, կուսակցության Կենտկոմի բաժնի վարիչի առաջին տեղակալ, բանակի գեներալ Կիմ Չոն Սիկը։ Գերատեսչությունում պարզաբանել են, որ փորձարկումներն անցկացվել են մարտական համակարգերի հզորության բարձրացմանն ուղղված կանոնավոր գիտահետազոտական գործունեության շրջանակում։

Անկարայի եւ Բաքվի միջեւ հարաբերությունների սրման դինամիկան հասկանալու համար պետք է գնալ 2009 թվական, երբ Բաքվի ճնշմամբ Թուրքիան ձախողեց հայ–թուրքական հարաբերությունների կարգավորումը։ Այսպես է սկսել իր հրապարակումը թուրքական T24 կայքի սյունակագիր Բարչըն Յինանչը։

Հրապարկման մեջ նշվում է, որ 2009–ին հայ–թուրքական հարաբերությունների կարգավորումը հաջողությամբ ձախողելուց հետո Ադրբեջանը ձեռնամուխ է եղել Թուրքիայում ազդեցություն ձեռք բերելու գործին՝ դառնալով Թուրքիայում ամենաշատ ներդրում անող երկրներից մեկը, ընդհուպ լրատվական ալիքի ձեռքբերմանը։

Անդրադառնալով սեպտեմբերի 21–ին Ադրբեջանի դպրոցներում աշխարհիկության սկզբունքին չհամապատասխանող հագուստի կրման արգելքից հետո տեղի ունեցած հայտնի զարգացումներին, նշվում է, որ չնայած Անկարան զիջումների է գնում, ազատում խորհրդականի, ձերբակալություններ իրականացնում հակաադրբեջանական գրառումներ կատարողների շրջանում, Ալիեւն ավելի է սրում իրավիճակը։

«Ալիեւը նույն կերպ առանց դադար սրում էր իրավիճակը թե ՌԴ–ի, թե Ֆրանսիայի հետ լարվածությունների ժամանակ»,–նշվում է հրապարակման մեջ։

Ըստ T24–ի, Թուրքիան պետք է հասկանա, որ Ադրբեջանը 2020 թվականի Ղարաբաղի պատերազմում հաղթանակից հետո Թուրքիայի համար այլեւս «փոքր եղբայր» չէ, այլ առանձին արտաքին քաղաքական գործոնն է։

Անդրադառնալով հայ–թուրքական սահմանի բացման հարցին, հրապարկաման մեջ նշվում է, որ Թուրքիա–Ադրբեջան այս լարվածության համատեքստում Թուրքիան չի գնա Հայաստանի հետ սահմանի բացմանը, քանի որ դա ավելի կմեծացնի լարվածությունը եւ կստիպի Ադրբեջանին ավելի կոշտացնել Հայաստանի նկատմամբ կեցվածքն ու կձգձգի տարածաշրջանային կարեւոր նախագծերը։

Պաշտպանության նախարար Սուրեն Պապիկյանը ՊՆ վարչական համալիրում հանդիպել է Վրաստանի պաշտպանական ուժերի հրամանատար, գեներալ-լեյտենանտ Գիորգի Մաթիաշվիլիի հետ։ Այդ մասին NEWS.am–ին հայտնում են ՊՆ-ից։

Պապիկյանը և Մաթիաշվիլին քննարկել են պաշտպանության ոլորտում Հայաստանի և Վրաստանի միջև համագործակցությանը, ինչպես նաև տարածաշրջանային անվտանգությանը վերաբերող հարցեր։

Հիշեցնենք, որ այսօր պաշտոնական այցով Հայաստան է ժամանել Գիորգի Մաթիաշվիլին։

ՊՆ վարչական համալիրում տեղի է ունեցել Մաթիաշվիլիի դիմավորման պաշտոնական արարողությունը՝ զինվորական նվագախմբի և պատվո պահակախմբի մասնակցությամբ։

2027 թվականի հունվարի 1-ից առևտրի օբյեկտներում, հանրային սննդի օբյեկտներում, առևտրի իրականացման վայրերում, շրջիկ առևտրի կետերում, տոնավաճառներում (վերնիսաժներում), ցուցահանդես-վաճառքներում, շրջածախ առևտրի միջոցով, ինչպես նաև բացօթյա առևտրի դեպքում մանրածախ առևտուր իրականացնելիս արգելվում է պոլիէթիլենային տոպրակների և մեկանգամյա օգտագործման պլաստիկ ապրանքների օտարումն ու առկայությունը։ Այս մասին NEWS.am—ին տեղեկացնում են ՀՀ շրջակա միջավայրի նախարարությունից։