Ադրբեջանի նախագահ Իլհամ Ալիևը և նրա թուրք գործընկեր Ռեջեփ Թայիփ Էրդողանը վերջինիս՝ Ադրբեջան պաշտոնական այցի շրջանակում դեմ առ դեմ հանդիպում են անցկացրել օկուպացված Շուշիում, հայտնում են ադրբեջանական լրատվամիջոցները։
Հաղորդագրությունների համաձայն, Շուշիում Էրդողանի պատվին տեղի է ունեցել արարողություն, որի ընթացքում շարվել է պատվո պահակախումբը, ծածանվել են երկու երկրների դրոշները։
Ավելի ուշ Էրդողանը սոցիալական ցանցերում հերթական անգամ շնորհավորել է «եղբայրական» Ադրբեջանին «Հաղթանակի օրվա» առթիվ։
Իսրայելի իշխանությունները մտադիր են արտաքսել 14 օտարերկրյա քաղաքացու, որոնք երեք պաղեստինցիների հետ ձերբակալվել են օկուպացված Արևմտյան ափին ձիթապտղի բերքահավաքի ժամանակ հասարակական կարգը խախտելու կասկածանքով, հայտնում է The Times of Israel-ը։
Իրավապահ մարմինների տվյալներով, հարցաքննությունների ընթացքում պարզվել է, որ օտարերկրացիները մտադիր էին «Իսրայելի դեմ մեդիաարշավներ» կազմակերպել, իսկ նրանցից ոմանք աջակցում են BDS շարժմանը, որը հանդես է գալիս Իսրայելի բոյկոտի, այդ երկրում ներդրումներից հրաժարվելու և նրա դեմ պատժամիջոցների կիրառման օգտին։ Ձերբակալված երեք պաղեստինցիների նկատմամբ հետաքննությունը շարունակվում է։
Բոլոր 17 անձինք ձերբակալվել են ուրբաթ օրը Ռամալլայի մերձակայքում գտնվող Քաֆր Նիմա գյուղում՝ ձիթապտղի բերքահավաքի ժամանակ։ Պաղեստինյան Faz3a ակտիվիստական կազմակերպության տվյալներով, ձերբակալվածների թվում եղել են 12 օտարերկրյա կամավոր, երկու օտարերկրյա լրագրող, երկու պաղեստինցի հողատեր և կազմակերպության պաղեստինցի ակտիվիստ։
Faz3a-ն պնդում է, որ մինչև իսրայելցի զինվորականների և ոստիկանության ժամանումը իսրայելցի վերաբնակիչները հարձակվել են խմբի վրա և նրա անդամներին պահել նրանց կամքին հակառակ։ Դրանից հետո ուժայինները ձերբակալել են բերքահավաքի մասնակիցներին։
Վերաբնակիչ ակտիվիստները տեսանյութեր են հրապարակել, որոնցում ձերբակալվածների մի մասը նստում է Mateh Binyamin Development Company ընկերության ավտոբուսը։
Նրանց վկայությամբ, ավտոբուսն ուղարկել էին ձերբակալվածներին Մոդիին Իլիթ բնակավայրի ոստիկանական բաժանմունք տեղափոխելու համար՝ Սդե Էֆրաիմ բնակավայրի մոտ տեղի ունեցած ակցիայից հետո, որը նրանք անվանել են «նախապես ծրագրված սադրանք»։
Միջազգային վարպետ Ռոբերտ Փիլիպոսյանը նվաճել է բրոնզե մեդալ Արաբական Միացյալ Էմիրությունների Ալ-Ային քաղաքում անցկացված աշխարհի մինչև 20 տարեկան պատանիների կայծակնային շախմատի առաջնությունում։
Ռոբերտ Փիլիպոսյանը 13 հնարավորից վաստակել է 9.5 միավոր և կիսել 2-4-րդ հորիզոնականները՝ լրացուցիչ ցուցանիշներով զբաղեցնելով 3-րդ հորիզոնականը։
Նշենք, որ Ռոբերտը զբաղեցրել է նաև մրցանակային 4-րդ հորիզոնականը արագ շախմատի առաջնությունում, հայտնում են շախմատի ֆեդերացիայից։
Իրանում մահապատժի են ենթարկել երեք տղամարդու, որոնք դատապարտվել էին հունվարին տեղի ունեցած անկարգությունների ժամանակ հասարակական շենքերի վրա հարձակումներին մ…
Կրեմլում առայժմ պատրաստ չեն գնահատելու Ռուսաստանի նախագահ Վլադիմիր Պուտինի՝ Մայամիում կայանալիք «Մեծ քսանյակի» (G20) գագաթնաժողովին մասնակցելու հավանականությունը։ Ռուսաստանի նախագահի մամուլի քարտուղար Դմիտրի Պեսկովը կոչ է արել չշտապել եզրակացություններ անել Պուտինի՝ ԱՄՆ հնարավոր այցի վերաբերյալ։
Այս մասին Պեսկովը հայտարարել է «Вести» լրատվական ծրագրի համար Պավել Զարուբինին տված հարցազրույցում՝ մեկնաբանելով Չինաստանի Շենչժեն քաղաքում ԱՄՆ նախագահ Դոնալդ Թրամփի և ՉԺՀ նախագահ Սի Ծինփինի հետ հնարավոր բանակցություններից հետո Ռուսաստանի նախագահի ուղևորության հեռանկարները, տեղեկացնում է «Коммерсантъ»-ը։
Կրեմլի ներկայացուցիչը նշել է, որ նման այցեր պլանավորելիս անհրաժեշտ է հաշվի առնել կազմակերպչական և լոգիստիկ բազմաթիվ բարդություններ։
Որպես օրինակ, Պեսկովը նշել է ռուսաստանյան պատվիրակության ուղևորությունը Ժնև՝ Ուկրաինայի հարցով եռակողմ բանակցություններին մասնակցելու համար։ Չնայած համեմատաբար կարճ հեռավորությանը՝ մինչև հանդիպման վայր թռիչքը տևել է մոտ ինը ժամ, նշել է նա։
Պեսկովն ընդգծել է, որ միջազգային ուղևորությունների կազմակերպումը կախված է մի շարք հանգամանքներից, ուստի G20-ի գագաթնաժողովին Պուտինի մասնակցության վերաբերյալ եզրակացություններ անելը դեռ վաղաժամ է։
Ինչպես և կանխատեսել էի, այսօր Ադրբեջանի բռնապետ ղեկավարը օկուպացված և էթնիկ զտման ենթարկված Ստեփանակերտից իր հերթական՝ ատելության, ապամարդկայնացման, հայ ժողո…
