Այսօր վաղ առավոտյան ծնվել է մեր ժամանակների լավագույն լրագրողներից մեկի՝ «Հրապարակի» երկարամյա աշխատակից Լուսինե Շահվերդյանի դուստրը։ Մայրիկն ու նորածին Սիլվիան առողջ են, լավ են իրենց զգում։
Շնորհավորում ենք Լուսինեին, նրա հարազատներին ու ընկերներին՝ այս հրաշալի նորության առիթով։
«Հրապարակի» ողջ խմբագրակազմը նորաթուխ մայրիկին ու նրա նորածին դստերը առողջություն եւ երջանկություն է մաղթում։
Կենսաբազմազանության մասին ՄԱԿ-ի կոնվենցիայի Կողմերի համաժողովի 17-րդ նստաշրջանը (COP17-ը) տեղի կունենա Երեւանում, 2026 թվականի հոկտեմբերի 19-30-ը: Համաժողովի հիմնական կենտրոնը լինելու է Երեւանի «Մերիդիան» էքսպո կենտրոնը (Ոսկերիչների փողոց 1), որտեղ կանցկացվեն պաշտոնական բանակցությունները, լիագումար նիստերը, նախարարական հանդիպումներն ու մամուլի ասուլիսները:
COP17-ի պատճառով իշխանությունը որոշել է Երեւանի կենտրոնի մի շարք փողոցներում երթեւեկությունը սահմանափակել, ինչպես նաեւ՝ դադարեցնել մայրաքաղաքի դպրոցների աշխատանքը: ԿԳՄՍ նախարարության որոշման համաձայն՝ COP17 համաժողովի պատճառով Երեւանի դպրոցներում դասերը կդադարեցվեն մեկ շաբաթով: Դրա փոխարեն սեպտեմբերի 15-ից սկսած՝ 5 շաբաթ շարունակ, մայրաքաղաքի դպրոցները կաշխատեն շաբաթական 6 օր: Բայց արդյոք անհրաժեշտ եւ պարտադի՞ր էին Երեւանի բոլոր դպրոցներում մեկշաբաթյա լրացուցիչ արձակուրդը եւ ուսումնական գրաֆիկի փոփոխությունը: Չէ՞ որ դա դասացուցակների լրացուցիչ փոփոխություններ է ենթադրում, ուսումնական պրոցեսի խաթարում՝ գոնե 5 շաբաթով։ Եվ ո՞վ է տեսել, որ ինչ-որ համաժողովի համար որեւէ պետություն խախտի ողջ դպրոցական համակարգի առօրյան ու ուսումնական պրոցեսը հարմարեցնի մի համաժողովին, որին, ենթադրենք, մասնակցելու է արտերկրից ժամանող մի 500 մարդ։
Մենք ներկայացրել էինք կրթության փորձագետ Ատոմ Մխիթարյանի կարծիքը, որն իր զարմանքն էր հայտնել այս որոշման կապակցությամբ։ Փորձեցինք նաեւ հասկանալ, թե դպրոցների տնօրեններն ինչ կարծիքի են ԿԳՄՍՆ այս որոշման կապակցությամբ եւ ինչպես են վերաբերվում COP 17-ի պատճառով իրենց կյանքում առաջացող անհարմարություններին, օրինակ՝ դասացուցակների կազմման հարցում ինչ դժվարություններ են առաջանալու։ Սեպտեմբերի 1-ին ընդառաջ, դպրոցներում կազմվում են դասացուցակներ, եւ սեպտեմբերի 15-ից, COP17-ով պայմանավորված, թե՛ դպրոցները, թե՛ տնօրենները, հավանաբար, կարող են բախվել որոշակի դժվարությունների՝ ուսումնական պրոցեսի բնականոն կազմակերպման առումով։
Մոնթե Մելքոնյանի անվան թիվ 11 հիմնական դպրոցի փոխտնօրենի հետ զրույցի ընթացքում պարզ դարձավ, որ COP17-ի անցկացման հետ կապված՝ դասացուցակի կազմակերպման հարցում դպրոցը որեւէ էական խոչընդոտ չի կանխատեսում։ Նրա խոսքով, դասացուցակը կազմվում է հնգօրյա աշխատանքային շաբաթվա սկզբունքով, իսկ մեկ շաբաթվա ընթացքում բաց թողնված ուսումնական օրերի լրացումը նախատեսվում է կազմակերպել սահմանված կարգով։ «Շատ սահուն, շատ նորմալ ամեն բան կազմվելու է»։
Պեյո Յավորովի անվան 131-րդ հիմնական դպրոցի տնօրեն Նաիրա Զաքարյանի խոսքով՝ «լուրջ ցնցում չի լինի»։ Տնօրենը բացատրեց, որ այդ 5 շաբաթներից ամեն շաբաթ օր մեկ օրվա դասացուցակ են կիրառելու, առաջին շաբաթը՝ երկուշաբթի օրվա, հաջորդ շաբաթը՝ երեքշաբթի օրվա, հետո հաջորդաբար՝ չորեքշաբի եւ հինգշաբթի։
«Այդ տրամաբանությամբ եղել է, որ աշխատել ենք։ Իհարկե՝ ոչ հինգ շաբաթ անընդմեջ, բայց եթե մենք հստակ դասացուցակ ունենք, ամեն շաբաթ օրը գալիս ենք տվյալ օրվան, այսինքն՝ 5 օրվա ռեժիմի դեպքում սպառում ենք ամբողջ էդ շաբաթվա գրաֆիկը։ Կարող է առաջին հայացքից ցնցում է առաջացնում առաջադրանքը, բայց դժվար չէ։ Եթե միջոցառումը միջազգային բնույթի է, եթե միջոցառումը դպրոցին պատիվ է բերում, երկրին պատիվ է բերում, եւ հարկադրված լուծումների են գնում, պետք չէ բարդացնել»։
Ստեփան Զորյանի անվան 56-րդ հիմնական դպրոցի փոխտնօրենն էլ մեզ ասաց, որ այդ հարցը դեռեւս չեն կարգավորել։
Շուշան Սարիկյան
Հայաստանի վարչապետ Նիկոլ Փաշինյանը մեկնաբանել է հանրության կասկածները՝ կապված նախկին նախագահ Արմեն Սարգսյանի բրիտանական քաղաքացիությունից հրաժարվելու օրինականության հետ, և հաստատել է, որ ծանոթացել է համապատասխան փաստաթղթերին։ Այս թեմայով հայտարարություններով հենց Փաշինյանն է հանդես եկել օգոստոսի 20-ի ճեպազրույցում։
Պատասխանելով հարցին, թե ինչու նշված փաստաթղթերը այդպես էլ հրապարակայնորեն չեն ներկայացվել՝ բոլոր հարցերը փարատելու համար, նա նկարագրել է այն դրվագի մանրամասները, երբ իրեն ցույց են տվել տեղեկանքը։ «Ես այդ փաստաթղթերը տեսել եմ ոչ միայնակ, այլ վկայի ներկայությամբ։ Դա տեղի է ունեցել «Արմենիա Մարիոթ» հյուրանոցում։ Մեզ հետ էր Թևան Պողոսյանը, որն այդ ժամանակ Արմեն Սարգսյանի խորհրդականը կամ օգնականն էր։ Մենք գտնվում էինք սենյակում, և ինձ ցուցադրվեցին այդ փաստաթղթերը», – նշել է Նիկոլ Փաշինյանը։
ՀՀ Սահմանադրության 151-րդ հոդվածի համաձայն՝ Կառավարության կազմավորումից հետո՝ քսանօրյա ժամկետում, վարչապետն Ազգային ժողով է ներկայացնում Կառավարության ծրագիրը: ԱԺ-ի կողմից հավանության արժանանալուց հետո Կառավարությունը եռամսյա ժամկետում կհաստատի գործունեության միջոցառումների հնգամյա ծրագիրը:
BanksNews.am-ն ուսումնասիրել է փաստաթուղթը և առանձնացրել առողջապահության, համընդհանուր ապահովագրության, սպորտային ենթակառուցվածքների և առողջ ապրելակերպի խթանմանն ուղղված առանցքային դրույթները:
1. Առողջապահություն և համընդհանուր ապահովագրություն
Կառավարության նպատակն է ամբողջ բնակչությանն ընդգրկել առողջության համընդհանուր ապահովագրության (ԱՀԱ) համակարգում՝ «բուժել հիվանդությունը» մոտեցումից փուլ առ փուլ անցնելով «պահպանել առողջությունը» տրամաբանությանը:
2. Սպորտ, առողջ ապրելակերպ և մասսայականացում
Առողջ ապրելակերպի խթանումը դիտարկվում է որպես մարդկային ներուժի զարգացման նախապայման. նախատեսվում է ապահովել մարզվելու հասանելիություն յուրաքանչյուր համայնքում:
3. Պրոֆեսիոնալ սպորտ, ստադիոններ և միջազգային մրցաշարեր
Գագիկ Ծառուկյանը Ավինյանին մարզվելու ձրի փաթեթ էր տվել, խնդիր տեսնո՞ւմ եք այդտեղ
Իրանի հետ ակտիվ քաղաքական երկխոսության պահպանումը և առևտրատնտեսական կապերի ընդլայնումը երկկողմ հարաբերությունների առաջնահերթություններից են։ Իրանի հետ էներգետիկ համագործակցության խորացումը, սահմանամերձ ենթակառուցվածքների զարգացումը և ԻԻՀ-ով անցնող հաղորդակցական երթուղիների ընդլայնումը (Հյուսիս – Հարավ, Պարսից ծոց – Սև ծով) կշարունակվեն։ Այս մասին ասվում է Հայաստանի կառավարության հնգամյա ծրագրի տեքստում, որը հաստատվել է այսօրվա կառավարության նիստում և այժմ ուղարկվել է խորհրդարանի հաստատմանը։
«Կշարունակվի Հայաստանի և Վրաստանի միջև ռազմավարական գործընկերության հաստատման հռչակագրի հետևողական իրականացումը, ինչը նոր փոխշահավետ հնարավորություններ կստեղծի քաղաքական, առևտրատնտեսական, էներգետիկ, տրանսպորտային համագործակցության, ինչպես նաև տարածաշրջանային և համատեղ ենթակառուցվածքային նախագծերի զարգացման համար», – նշվում է փաստաթղթում։
Կշարունակվի նաև հարաբերությունների հետագա խորացումը այլ ռազմավարական գործընկեր պետությունների հետ, այդ թվում՝ Նիդեռլանդների, Ղազախստանի, Գերմանիայի, Լյուքսեմբուրգի, Միացյալ Թագավորության, Բուլղարիայի, Խորվաթիայի և Լիտվայի։ Ջանքեր կգործադրվեն Մերձավոր Արևելքի և Աֆրիկայի երկրների հետ հարաբերությունների զարգացման ուղղությամբ, ինչպես նաև կշարունակվեն աշխատանքները ռազմավարական գործընկերների թվի և աշխարհագրության ընդլայնման համար, այդ թվում՝ արտասահմանյան երկրներում և միջազգային կազմակերպություններում դիվանագիտական ներկայության մեծացման միջոցով։
ԱՄՆ Արդարադատության նախարարության կողմից ներկայացված նոր դատական փաստաթղթի համաձայն՝ ՀԴԲ նախկին տնօրեն Ջեյմս Քոմին սպառնացել է ԱՄՆ նախագահ Դոնալդ Թրամփին, մասամբ՝ նրա գիրքը գովազդելու համար։
Գրքի թողարկումից կարճ ժամանակ առաջ Քոմին հրապարակել է «8647» թվերը կազմող խեցիների լուսանկար։
Ամերիկյան ժարգոնում «86»-ը կարող է նշանակել «ինչ-որ մեկին վերացնել», իսկ «47»-ը Թրամփի նախագահության հաջորդական թիվն է։ Արդարադատության նախարարությունը հրապարակումը մեկնաբանել է որպես կոդավորված սպառնալիք։
Փաստաթղթում նաև նշվում է Քոմիի և նրա գրական գործակալի միջև նամակագրությունը։ Երբ գործակալը մեկնաբանել է, որ սկանդալը նրան հայտնի է դարձրել, ՀԴԲ նախկին տնօրենը պատասխանել է. «Ես չէի պլանավորել, բայց եթե դա օգնի գրքի վաճառքին, ես համաձայն եմ դրա հետ»։
Քոմին չի ընդունում իրեն վերագրվող մեղադրանքը և գործը համարում է որպես քաղաքական դրդապատճառներով պայմանավորցած։ Պաշտպանությունը նշում է, որ «8647» թվերով ապրանքները լայնորեն վաճառվում են խանութներում։
Դուք դատավորներից ինչի՞ եք դժգոհ, ձեր ո՞ր ասածը չեն արել. հարց` Փաշինյանին