Հոդվածի…
Գախարիայի կուսակցությունը Հարավային Օսիայում զարգացումները որակել է որպես «ռուսական անեքսիայի նոր փուլ»
«Մեծ խթան ենք ներդնում, հետո կարող է պարզվի, որ ծիրան չմնաց ՀՀ-ում․ մարդիկ չզանգեն Փարիզ, ասեն՝ մի քիչ ծիրան ուղարկեք»․ Նիկոլ Փաշինյան (տեսանյութ)
Նիդերլանդների վարչապետը ինձ գրել էր անձնական նամակով, որ խնդիր չենք ունենա. Փաշինյանը՝ ծաղկի արտահանման մասին
Նախորդ շաբաթվա ընթացքում հունիսի 1–ից արտահանվել է 961 000 հատ ծաղիկ և եթե դիտարկում ենք աշխարհագրությունը, դրանք արտահանվել են Արաբական Միացյալ Էմիրություններ, Ռումինիա, Բուլղարիա, Լատվիա, Կիպրոս, Նիդերլանդներ և այդպես շարունակ, ցանկը մեծ է։ Այս մասին այսօր՝ հունիսի 11–ին կառավարության նիստի ժամանակ հայտարարեց Էկոնոմիկայի փոխնախարար Արման Խոջայանը՝ անդրադառնալով նախորդ շաբաթ կառավարության ընդունած որոշմանը, որով սուբսիդավորվեց որոշակի ապրանքների արտահանումը Հայաստանից։
«Քանի որ սրանով նաև նոր համագործակցային կապեր են ստեղծվում և մատակարարման նոր շղթաներ են ձևավորվում, սկզբնական փուլում միգուցե փոքր զսպվածություն լինի քանակների առումով, բայց երկարաժամկետ գործընկերություն է ստեղծվում, այդ թվում նաև հոլանդական ծաղիկների բորսայի հետ, որտեղ աշխատանքներ ենք իրականացնում։ Երեկ արդեն մեկ կազմակերպություն գրանցվել է և ակտիվ կապի մեջ ենք նաև ԱԳՆ–ի հետ և մեր դեսպանության հետ Նիդերլանդներում այդ գործընթացը ավելի արագացնելու և կապը ավելի ամրապնդելու»,–ասաց փոխնախարարը։
Վարչապետ Փաշինյանն էլ նկատեց. «Նիդերլանդների վարչապետը ինձ գրել է նաև անձնական նամակով, որ իրենք հատուկ ուշադրություն են դարձնում և իրենք էլ կաջակցեն, որպեսզի մեր տնտեսվարողները խնդիր չունենան։ Խոսքը վարդի շուկայի մասին է, որովհետև ես հիշում եմ, որ նախորդ հոկտեմբերին, երբ տարբեր տեղեր էինք այցելում, անընդհատ մտածում էինք՝ ոնց մեր վարդի ինդուստրիան կոնսոլիդացնենք, որպեսզի հոլանդական շուկաներ հնարավոր լինի հասանելիություն ստանալ։ Բայց ինչպես ասում են՝ շաբաթը ուրբաթից շուտ եկավ և հիմա սա շատ մեծ հնարավորություն է։
Ութ տարի մենք մեր տնտեսվարողներին աջակցում ենք, խնդրում ենք, հորդորում ենք, որպեսզի ապրանքները բերեն ստանդարտի։ Հիմա եկել է այն պահը, որպեսզի մենք հասկանանք՝ ովքեր են այդ հորդորներին և աջակցության ծրագրերին արձագանքել, ովքեր չեն արձագանքել։ Ես վստահ եմ, որ նրանք, ովքեր արձագանքել են, ընդհանրապես ոչ մի խնդիր չեն ունենալու, իսկ նրանք, ովքեր չեն արձագանքել, իրենք միշտ էլ ունեին այդ խնդիրը։
Այս ընթացքում մենք նաև տրանսպորտային նոր հնարավորություններ ունեցանք, Ախալքալաք – Կարս երկաթուղու երկու գիծն էլ աշխատում են։ Այս թեմայով նաև Վրաստանի վարչապետի հետ եմ խոսակցություն ունեցել և նա էլ է հավաստիացրել, որ երկու ուղղությամբ էլ որևէ խնդիր չի առաջանա, նաև Թուրքիայի նախագահի հետ ենք այս թեմայով խոսել և նրանք էլ վերահաստատել են, որ այդ ուղղությունները բաց են։
Մենք հույս ունենք, որ Հայաստան-Թուրքիա երկաթուղին էլ հնարավորինս արագ կբացվի, էլ չեմ ասում ԹՐԻՓՓ նախագծի իրագործման շրջանակներում, իհարկե, հնարավորությունները էականորեն կավելանան»։
Փաշինյանը ուրախությամբ նկատեց, որ իրենց այս որոշմանը արձագանքը շատ ավելի արագ էր, քան որևէ մեկը կարող էր սպասել. «Մենք միշտ էլ շուկաները դիվերսիֆիկացման ուղղությամբ աշխատել ենք և դա արդյունք է տալիս։ Հիմա մենք պետք է խթանենք լոգիստիկ կենտրոնների ստեղծումը, որպեսզի ենթադրենք լոլիկ արտադրողները կարողանան գտնել բանաձև, որ հանդես գան որպես միասնական արտահանող, որովհետև շատ դեպքերում ապրանքի որակի և ապրանք գնելու նկատմամբ կա հետաքրքրություն, բայց երբ բանը հասնում է ծավալներին, պարզվում է, որ մենք ի վիճակի ենք արտադրել նրանց հետաքրքրող ծավալների մի մասը միայ։ Սա կարելի է կոմպենսացնել կոնսոլիդացված մատակարարումներ իրականացնելով։ Մեգացանցեր կան, որոնք հետաքրքրված են, բայց իրեն փոքր ծավալը իրենց համար պրոբլեմ է»։
Եթե Թրամփը հավատում է Հայաստան-Ադրբեջան խաղաղությանն, ապա ինչո՞ւ է Բաքուն ցանկանում ամերիկյան զենք գնել․ Washington Examiner
Հունիսի 1-ին Ադրբեջանի նախագահ Իլհամ Ալիևը հրապարակեց նախագահ Դոնալդ Թրամփի կողմից իրեն տրված շրջանակված հրամանագիրը, որով չեղարկվում է «Ազատության աջակցության մասին» օրենքի 907-րդ բաժինը: Ըստ էության՝ դա թույլ է տալիս Ադրբեջանին գնել ամերիկյան զենք․ գրել է Washington Examiner-ը:
Հարցը, որը պետք է տա Կոնգրեսը, և որին պետք է պատասխանեն Թրամփը և Ռուբիոն, հետևյալն է. եթե Հայաստան-Ադրբեջան խաղաղության համաձայնագիրն այնքան անխափան և ամբողջական է, որքան նրանք պնդում են, ապա ինչո՞ւ է Ադրբեջանին անհրաժեշտ առաջադեմ ամերիկյան զենքը: Ո՞ւմ դեմ պետք է Ալիևը օգտագործի այն: Հայկական հողերի օկուպացիան հզոր ակնարկ է։
Հնարավոր է, որ Ռուբիոն և Ադրբեջանի կողմնակիցները շշնջան այն մասին, որ Ադրբեջանին զենք է անհրաժեշտ Իրանի դեմ պայքարելու համար: Չնայած Հայաստանով միջանցքի անհրաժեշտության մասին բոլոր խոսակցություններին՝ Ադրբեջանն արդեն կառուցել է միջանցք Իրանի միջով, որով ուղղորդում է իր առևտուրը: Ալիևի ղեկավարության ներքո Ադրբեջանի և Իսլամական Հանրապետության միջև առևտուրը գերազանցել է Իրանի հետ Հայաստանի առևտրին։ Ադրբեջանին նաև զենք պետք չէ Ռուսաստանին հակազդելու համար։ Ի վերջո, Ալիևի քաղաքականությունը Ռուսաստանի նկատմամբ կենտրոնացած է Կրեմլին պատժամիջոցներից խուսափելու հարցում օգնելու, այլ ոչ թե Ուկրաինայի համար պատասխանատվության ենթարկելու վրա։
«Կովկասում ինչ-որ բան այն չէ։ Խաղաղության և հանդուրժողականության կողմնակից երկրները ոչ օկուպացնում են իրենց հարևանների տարածքը, ոչ էլ էթնիկ մաքրագործում են քրիստոնյա փոքրամասնություններին։ Ամերիկայի թիկունքում կանգնած երկրները առևտուր չեն անում Իրանի հետ և ոչ էլ փող լվանում Ռուսաստանի համար։ Մի՛ սխալվեք. 907-ը չեղարկելով՝ Թրամփը և Ռուբիոն չեն պաշտպանում քրիստոնյաներին։ Նրանք կրկնում են նախագահ Ջո Բայդենի և պետքարտուղար Էնթոնի Բլինկենի ամենավատ սխալները», գրել է կայքը։
907-րդ բանաձևն «Ազատության աջակցման ակտի» մաս է։ Բանաձևը սահմանափակում էր ԱՄՆ-ի կողմից ուղղակի օգնության ցուցաբերումն Ադրբեջանին։ Նախորդ տարվա օգոստոսին հրապարակվել է ԱՄՆ նախագահ Դոնալդ Թրամփի ստորագրած հուշագրի տեքստն՝ Ադրբեջանի նկատմամբ «Ազատության աջակցության մասին» օրենքի 907-րդ բանաձևի կասեցման վերաբերյալ:
Ուժեղ կարկուտը կաթվածահար է արել Գյումրին I ԼՈՒՐԵՐ I 12:00
ՔՊ–ն սահմանադրական մեծամասնություն չի կազմել, սեպտեմբերին պատերազմ կլինի՞. հարց Խուդաթյանին
Վերջին տվյալներով ծայրահեղ աղքատությունը ձգտում է 0-ի. Փաշինյան
Այս պահին Հայաստանը ԵԱՏՄ անդամ է, և վե՛րջ․ Դավիթ Խուդաթյան
Այս պահին Հայաստանը ԵԱՏՄ անդամ է, և վե՛րջ։ Այս մասին հունիսի 11-ին խորհրդարանում լրագրողների հետ զրույցում հայտարարել է Տարածքային կառավարման և ենթակառուցվածքների նախարար Դավիթ Խուդաթյանը՝ մեկնաբանելով ՌԴ արտգործնախարար Սերգեյ Լավրովի այն խոսքերը, թե Հայաստանը պետք է վերջնականապես կողմնորոշվի։
«Հայկական կողմը բազմիցս անդրադարձել է այս հարցին։ Հայաստանն այս պահին ԵԱՏՄ անդամ է։ Մեր պլանները մնում են նույնը, և վարչապետն էլ բազմիցս ներկայացրել է դրանք։ Այսինքն՝ մենք ԵԱՏՄ-ում ենք, և վե՛րջ»,- նշել է նախարարը։
Լրագրողները հետաքրքրվել են, թե այդ դեպքում ինչո՞ւ ռուսական կողմը չի շտապում շնորհավորել իշխող «Քաղաքացիական պայմանագիր» կուսակցությանը հաղթանակի կապակցությամբ։
«Կան երկրներ, որոնք անմիջապես են շնորհավորում։ Կան նաև այնպիսիները, որոնք դա անում են ընտրությունների վերջնական արդյունքների հրապարակումից հետո»,- հավելել է նախարարը։
Մեկնաբանելով վարչապետ Նիկոլ Փաշինյանի՝ ընտրություններից անմիջապես հետո Մոսկվա մեկնելու խոստումը՝ Խուդաթյանը հիշեցրել է, որ ընտրությունների վերջնական արդյունքները դեռ հայտնի չեն, հետևաբար՝ վարչապետի արտասահմանյան այցերի հաստատված ժամանակացույց նույնպես չկա։
«Գիշերը Գյումրիում` ուժեղ կարկուտից ու անձրևից հետո». Դերենիկ Մալխասյան
«Մայր Հայաստան» կուսակցության անդամ Դերենիկ Մալխասյանը ֆեյսբուքյան իր էջում տեսանյութ է հրապարակել՝ կից գրառմամբ. «Գիշերը Գյումրիում` ուժեղ կարկուտից ու անձրևից հետո: Միշտ այս…
Ուզում է հրաժարվել նախագահի պաշտոնից՝ հանուն վարչապետ դառնալու
Սերբիայի նախագահ Ալեքսանդր Վուչիչը հայտարարել է, որ դիտարկում է պետության ղեկավարի պաշտոնից հրաժարական տալու և վարչապետի պաշտոնում առաջադրվելու հնարավորությո…