20 օր է մնացել․ ՀՀ-ն չի զիջում, ՌԴ-ն չի համակերպվում, Փաշինյան-Պուտին հանդիպում հավանաբար չի լինելու
Իրանը ԱՄՆ-ի ցանկացած հարձակման կպատասխանի տասնապատիկ ավելի հզոր հարվածով։ Դրա մասին հայտարարել է Իրանի զինված ուժերի պաշտոնական ներկայացուցիչ, բրիգադային գեներալ Աբոլֆազլ Շեքարչին, երբ ԱՄՆ նախագահ Դոնալդ Թրամփը սպառնացել է նախորդ հարձակումներից հնգապատիկ ավելի հզոր հարված հասցնել, հայտնում է Mehr-ը։
Շեքարչին ընդգծել է, որ Իրանը չի վախենում ամերիկյան սպառնալիքներից, իսկ նրա զինված ուժերը զգալիորեն ավելի լավ են պատրաստված և զինված՝ համեմատած մինչև 2025 թվականի հունիսի 13-ն ընկած ժամանակահատվածի հետ, երբ սկսվեց Իրանին պարտադրված երկրորդ պատերազմը։
Գեներալն ընդգծել է, որ եթե հակառակորդը կրկին փորձի հարձակվել երկրի վրա, իրանական ուժերը առավելագույն ուժգնությամբ հարվածներ կհասցնեն հակառակորդի նյութական և ոչ նյութական ակտիվներին, որոնք ընդգրկված են հնարավոր թիրախների ցանկում։
Շեքարչին միաժամանակ նշել է պարտադրված երկրորդ և երրորդ պատերազմների իրադարձությունները ներկա և ապագա սերունդների համար փաստագրելու կարևորությունը։ Նա նշել է, որ համապատասխան հիմնադրամն օգտագործում է իրանա-իրաքյան ութամյա պատերազմի փորձը, ներառյալ՝ դրանից քաղված դասերն ու բացահայտված թերությունները։ Նյութերի հավաքման և պահպանման աշխատանքներին մասնակցում են զինված ուժերն ու պետական կառույցները։
Ամերիկացի բանակցողներ Սթիվ Ուիթքոֆն ու Ջարեդ Քուշները Մոսկվա ժամանելուց հետո Ռուսաստանի հավաքականի խորհրդանշաններով կապույտ բաճկոններ են նվեր ստացել, հայտնում է ТАСС-ը՝ հղում անելով իր աղբյուրին։
Ըստ գործակալության զրուցակցի՝ ԱՄՆ երկու ներկայացուցիչներին նվիրել են Bosco ապրանքանիշի «Ոսկե ժառանգություն» հավաքածուի փքաբաճկոններ։ Ուիթքոֆն ուշադրություն է դարձրել Ռուսաստանի հավաքականի բաճկոնին, որը կրում էր իրենց դիմավորած՝ Ռուսաստանի ուղղակի ներդրումների հիմնադրամի (ՌՈՒՆՀ) ղեկավար, օտարերկրյա պետությունների հետ ներդրումային և տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը։
Ռուսաստանի նախագահ Վլադիմիր Պուտինի հանդիպումն Ուիթքոֆի և Քուշների հետ սկսվել է Մոսկվայի ժամանակով 15:05-ի սահմաններում և տևել ավելի քան երկու ժամ։
Ամերիկացի բանակցողները Մոսկվա են ժամանել Աբու Դաբիից, որտեղ նոյեմբերի 10–11-ին Ռուսաստանի, ԱՄՆ-ի և Ուկրաինայի ներկայացուցիչների մասնակցությամբ եռակողմ բանակցություններ են անցկացվել Ուկրաինայի հարցով։
Ֆրանսիայի զինված ուժերի նախարարությունը հայտարարել է միջազգային կենտրոն ստեղծելու ծրագրերի մասին, որը կնպաստի պաշտպանության ոլորտում արհեստական բանականության ներդրմանը։ Կենտրոնի բացումը նախատեսված է 2027 թվականի ամռանը, հաղորդում է Reuters-ը։
Ինչպես հինգշաբթի ճեպազրույցի ժամանակ հայտնել է նախարարության ներկայացուցիչը, Փարիզն ակնկալում է, որ ՆԱՏՕ-ն կճանաչի նոր կառույցը։ Հաջորդ շաբաթ Ֆրանսիայի իշխանությունները այլ երկրների ներկայացուցիչների մասնակցությամբ համաժողով կանցկացնեն՝ ներկայացնելու կենտրոնի ստեղծման ծրագրերը։
Արհեստական բանականությունը մարտական գործողությունների վարման կարևոր գործիք է դարձել 2022 թվականին Ուկրաինայում պատերազմի սկսվելուց հետո։ Նման տեխնոլոգիաները հնարաբվորություն են տալիս արագացնել մարտադաշտում որոշումների ընդունումը՝ անօդաչու թռչող սարքերից, արբանյակներից և այլ սենսորային համակարգերից ստացվող մեծ ծավալի տվյալների մշակման ու վերլուծության շնորհիվ։
Միևնույն ժամանակ, Եվրոպան շարունակում է կախված մնալ արհեստական բանականություն կիրառող ռազմական ծրագրային ապահովման ամերիկյան մշակողներից։ Մասնավորապես, եվրոպական զինված ուժերն օգտագործում են ամերիկյան Palantir ընկերության լուծումները։
Միջազգային կենտրոնի ստեղծումը պետք է օգնի Եվրոպային ամրապնդել ռազմական տեխնոլոգիաների ոլորտում սեփական կարողությունները և նվազեցնել կախվածությունն ԱՄՆ-ից։ Միաժամանակ, նախագծի ֆինանսավորումն ու մասնակից երկրների կազմը դեռ որոշված չեն։
Նոյեմբերի 1-ին խուլիգանության դեպք է տեղի ունեցել Արարատի մարզում։ Օպերատիվ տեղեկություններ են ստացվել, որ Երևան-Երասխ ավտոճանապարհի՝ Դիմիտրով գյուղի վարչական տարածքում, «Ադանա» ռեստորանային համալիրի մոտ վիճաբանություն է տեղի ունենում։
Ինչպես հայտնում է ֆոտոլրագրող Գագիկ Շամշյանը, Արարատի մարզային քրեական վարչության և ոստիկանության Արտաշատի բաժնի ծառայողների կողմից ձեռնարկված միջոցառումների արդյունքում պարզվել է, որ նույն օրը՝ ժամը 21։00-ի սահմաններում, «Ադանա» ռեստորանային համալիրի տարածքում մի կողմից՝ Արարատի մարզի բնակիչ 35-ամյա Վիրաբ Ա․-ն, Տավուշի մարզի բնակիչ 34-ամյա Գևորգ Ս․-ն, Արարատի մարզի բնակիչ 40-ամյա Վանիկ Ս․-ն, մյուս կողմից՝ Երևանի բնակիչ 44-ամյա Ցոլակ Ղ․-ն, Տավուշի մարզի բնակիչ 18-ամյա Ռոմա Պ․-ն, Գեղարքունիքի մարզի բնակիչ 18-ամյա Ավետիք Գ․-ն, 24-ամյա Անդրանիկ Գ․-ն, Արարատի մարզի բնակիչ 24-ամյա Հրանտ Ա․-ն, իսկ երրորդ կողմից՝ Արարատի մարզի բնակիչ 36-ամյա Վահան Մ․-ն, կոպիտ կերպով խախտելով հասարակական կարգը, հայհոյանք հնչեցնելու հարցի շուրջ վիճաբանել են միմյանց հետ, որի ընթացքում փոխադարձ հարվածներ են հասցրել միմյանց։
Գ․ Շամշյանի տեղեկություններով՝ վիճաբանության մասնակիցները խուլիգանություն կատարելու անմիջականորեն ծագած հիմնավոր կասկածանքով ձերբակալվել և տեղափոխվել են ոստիկանության Արտաշատի բաժին, ապա կազմված փաստաթղթերի հետ միասին ներկայացվել ՀՀ քննչական կոմիտեի Արարատի մարզային քննչական վարչություն։
Ադրբեջանում դատարանը Məclis.info կայքի ղեկավար Իմրան Ալիևին դատապարտել է 10 տարվա ազատազրկման, իսկ հասարակական ակտիվիստ Էլգիզ Գահրամանին՝ 9 տարվա, հայտնում են ադրբեջանական լրատվամիջոցները։
Դատավճիռը հրապարակվել է այսօր Բաքվի ծանր հանցագործությունների դատարանում։ Գահրամանը կալանավորվել է անմիջապես դատարանի դահլիճում։
Գործով երրորդ մեղադրյալը՝ Թամելլա Մուսաևան, դատապարտվել է 7 տարվա պայմանական ազատազրկման՝ 4 տարի փորձաշրջանով։
Ըստ դատարանի որոշման՝ Ալիևը պատիժը կկրի ընդհանուր ռեժիմի ուղղիչ հիմնարկում, իսկ Գահրամանը՝ խիստ ռեժիմի։
Իմրան Ալիևը կալանավորվել էր անցյալ տարվա ապրիլի 19-ին։ Ավելի ուշ գործով որպես մեղադրյալ ներգրավվել էին նաև Էլգիզ Գահրամանն ու Թամելլա Մուսաևան։ Մինչև դատավճռի հրապարակումը նրանց նկատմամբ որպես խափանման միջոց էր ընտրվել ոստիկանության հսկողությանը հանձնելը։
Մեղադրանքներն առաջադրվել են Ադրբեջանի քրեական օրենսգրքի ութ հոդվածներով։ Դրանք ներառում են խոշոր չափերով և կազմակերպված խմբի կողմից ապօրինի ձեռնարկատիրությունը, հանցավոր ճանապարհով ստացված եկամուտների օրինականացումը, կազմակերպված խմբի կազմում մաքսանենգությունը, հարկերի վճարումից խուսափելը, փաստաթղթերի կեղծումն ու կեղծ փաստաթղթերի օգտագործումը։

Ամերիկյան Նյու-Ջերսի նահանգի Քրենբերի քաղաքի իշխանությունները խարդախության զոհ են դարձել՝ խարդախներին փոխանցելով քսանվեց միլիոն դոլար։ Չորս հազար բնակիչ ունե…
Նոյեմբերի 1-ին խուլիգանության դեպք է տեղի ունեցել Արարատի մարզում։ ՀՀ ներքին գործերի նախարարության ոստիկանության քրեական ոստիկանության գլխավոր վարչության Արարատի մարզային վարչությունում և ՀՀ ՆԳՆ ոստիկանության համայնքային ոստիկանության գլխավոր վարչության Արտաշատի բաժնում օպերատիվ տեղեկություններ են ստացվել, որ Երևան-Երասխ ավտոճանապարհի՝ Դիմիտրով գյուղի վարչական տարածքում, «Ադանա» ռեստորանային համալիրի մոտ վիճաբանություն է տեղի ունենում։
Ինչպես հայտնում է ֆոտոլրագրող Գագիկ Շամշյանը, Արարատի մարզային քրեական վարչության և ոստիկանության Արտաշատի բաժնի ծառայողների կողմից ձեռնարկված միջոցառումների արդյունքում պարզվել է, որ նույն օրը՝ ժամը 21։00-ի սահմաններում, «Ադանա» ռեստորանային համալիրի տարածքում մի կողմից՝ Արարատի մարզի բնակիչ 35-ամյա Վիրաբ Ա․-ն, Տավուշի մարզի բնակիչ 34-ամյա Գևորգ Ս․-ն, Արարատի մարզի բնակիչ 40-ամյա Վանիկ Ս․-ն, մյուս կողմից՝ Երևանի բնակիչ 44-ամյա Ցոլակ Ղ․-ն, Տավուշի մարզի բնակիչ 18-ամյա Ռոմա Պ․-ն, Գեղարքունիքի մարզի բնակիչ 18-ամյա Ավետիք Գ․-ն, 24-ամյա Անդրանիկ Գ․-ն, Արարատի մարզի բնակիչ 24-ամյա Հրանտ Ա․-ն, իսկ երրորդ կողմից՝ Արարատի մարզի բնակիչ 36-ամյա Վահան Մ․-ն, կոպիտ կերպով խախտելով հասարակական կարգը, հայհոյանք հնչեցնելու հարցի շուրջ վիճաբանել են միմյանց հետ, որի ընթացքում փոխադարձ հարվածներ են հասցրել միմյանց։
Գ․ Շամշյանի տեղեկություններով՝ վիճաբանության մասնակիցները խուլիգանություն կատարելու անմիջականորեն ծագած հիմնավոր կասկածանքով ձերբակալվել և տեղափոխվել են ոստիկանության Արտաշատի բաժին, ապա կազմված փաստաթղթերի հետ միասին ներկայացվել ՀՀ քննչական կոմիտեի Արարատի մարզային քննչական վարչություն։