julbaz.mediamonitoring.am

Լեհաստանի Կատովիցե քաղաքում շարունակվում է 2026 թվականի շախմատի Եվրոպայի անհատական առաջնությունը: Անցկացվել է առաջնության 5-րդ խաղափուլը: Հայ գրոսմայստեր Ռոբերտ Հովհաննիսյանը ոչ-ոքի է խաղացել և այժմ ունի 4.5 միավոր: Ռոբերտը կիսում է 1-6-րդ հորիզոնականները:

Առաջատարների շարքում է նաև գրոսմայստեր Շանթ Սարգսյանը, ով ունի 4 միավոր: Նույնքան միավոր ունեն գրոսմայստերներ Էմին Օհանյանը, Հայկ Մարտիրոսյանը և Մամիկոն Ղարիբյանը: Գրոսմայստեր Գաբրիել Սարգսյանը ունի 3.5 միավոր: Նույնքան միավոր ունեն նաև միջազգային վարպետներ Արսեն Դավթյանը և Արթուր Դավթյանը: 6-րդ խաղափուլը կմեկնարկի ապրիլի 13-ին։

Առաջնությանը մասնակցում են 43 երկրների 502 շախմատիստներ:

«Մանչեսթեր Սիթիի» գլխավոր մարզիչ Պեպ Գվարդիոլան կատակով է պատասխանել լրագրողի այն հարցին, թե ինչու են «քաղաքայինները» հատկապես ակտիվացել և ավելացրել ընթացիկ մրցաշրջանի վերջնամասում: Նշենք, որ Անգլիայի Պրեմիեր լիգայի շրջանակում «Սիթին» վերջին անգամ պարտվել է հունվարի կեսերին՝ 0:2 հաշվով զիջելով «Մանչեսթեր Յունայթեդին»։ Դրանից հետո թիմն անպարտելի շարք է գրանցել։

«Արևը. Ոչ, ոչ, ես կատակում եմ։ Մանչեսթերում երբեք արև չի լինում: Եթե արևը շողար նոյեմբերին, մենք Պրեմիեր լիգայի չեմպիոն կդառնայինք արդեն հունվարին։ Բայց, անկեղծ ասած, ամբողջ բանն արևի մեջ է։ Տրամադրությունն ավելի է լավանում»,- Գվարդիոլայի խոսքերն է մեջբերում հայտնի ինսայդեր Ֆաբրիցիո Ռոմանոն՝ X սոցիալական ցանցում:

Այս պահի դրությամբ «Մանչեսթեր Սիթին» ԱՊԼ-ի մրցաշարային աղյուսակում զբաղեցնում է երկրորդ հորիզոնականը՝ 6 միավորով զիջելով առաջատար «Արսենալին»։ Ընդ որում, Գվարդիոլայի գլխավորած թիմը մեկ պահեստային խաղ ունի։