julbaz.mediamonitoring.am

Գերմանիայի կանցլեր Ֆրիդրիխ Մերցը կասկած է հայտնել, որ Միացյալ Նահանգներին կհաջողվի արագ ավարտել Իրանի դեմ ռազմական գործողությունը:

«Քանի որ իրանցիները, ակնհայտորեն, ավելի ուժեղ են, քան ենթադրվում էր, իսկ ամերիկացիները, դատելով ամենից, իրականում չունեն համոզիչ ռազմավարություն բանակցություններում»,- հայտարարել է Մերցը՝ Մարսբերգում դպրոցականների հետ քննարկման ժամանակ։

Նա նշել է, որ ամերիկացիները ռազմական գործողություն են սկսել Իրանի դեմ՝ «ակնհայտորեն առանց որևէ ռազմավարության»։ Այդ պատճառով, ըստ Մերցի, հակամարտության դադարեցումն այժմ ավելի դժվար է։ «Հատկապես այն պատճառով, որ իրանցիները, ակնհայտորեն, շատ հմտորեն բանակցություններ են վարում, կամ նույնքան հմտորեն խուսափում են դրանցից։ Իրավիճակն այժմ բավականին բարդ է։ Եվ դա մեզ հսկայական գումարներ է արժենում։ Այս հակամարտությունը, այս պատերազմն Իրանի դեմ, անմիջական ազդեցություն ունի մեր տնտեսական ցուցանիշների վրա»,- նշել է Մերցը։

Լրագրող Ոսկան Սարգսյանը ֆեյսբուքյան էջում գրել է․ «Նիկոլ Փաշինյանը ցանկանում է Հայաստանում համատարած վախ սերմանել.
     Բերման են ենթարկել Արցախյան բոլոր պատերազմների մասնակից, հայտնի հետախույզ, հատուկ նշանակության ջոկատի հրամանատար Արթուր Ավանեսյանին՝ Կանդազին, որը Սամվել Կարապետյանի աջակիցն է։ Այսպիսի ձերբակալություններով Նիկոլ Փաշինյանը փորձում է Հայաստանում համատարած վախ սերմանել։ Որպեսզի ԱԺ ընտրություններից առաջ մարդիկ վախենալով, որ իրենք կարող են լինել հաջորդ ձերբակալվածը՝ հեռու մնան ընդդիմությունից, քաղաքական պայքարից»։