ՀՀ վարչապետ Նիկոլ Փաշինյանի որոշմամբ, Սերգո Աթանեսյանն ազատվել է ՀՀ շրջակա միջավայրի նախարարության գլխավոր քարտուղարի պաշտոնից։
«Ղեկավարվելով «Քաղաքացիական ծառայության մասին» օրենքի 16-րդ հոդվածի 1-ին մասով և 37-րդ հոդվածի 1-ին մասի 1-ին կետով՝
Սերգո Արմենի Աթանեսյանին 2026 թվականի ապրիլի 8-ից ազատել շրջակա միջավայրի նախարարության գլխավոր քարտուղարի պաշտոնից»,- ասվում է որոշման մեջ։
Փոխվարչապետ Մհեր Գրիգորյանն ընդունել է «Քրոնիմետ հոլդինգ» ընկերության գործադիր տնօրեն Յուրգեն Պիլարսկիին։
Հանդիպման ընթացքում զրուցակիցները քննարկել են ՀՀ-ում բիզնես միջավայրի բարելավմանն ու ներդրումային գրավչության բարձրացմանն ուղղված քայլերը և ընդգծել այդ ուղղությամբ արձանագրված հաջողությունները: Անդրադարձ է կատարվել ընկերության կողմից հավելյալ ներդրումներ կատարելու ու հոլդինգի դուստր` «Մաքուր երկաթի գործարան» ձեռնարկության արտադրության և դեպի եվրոպական շուկա արտահանման ծավալների ավելացման հնարավորություններին։
Փոխվարչապետ Մհեր Գրիգորյանն ընդունել է «Քրոնիմետ հոլդինգ» ընկերության գործադիր տնօրեն Յուրգեն Պիլարսկիին։
Հանդիպման ընթացքում զրուցակիցները քննարկել են ՀՀ-ում բիզնես միջավայրի բարելավմանն ու ներդրումային գրավչության բարձրացմանն ուղղված քայլերը և ընդգծել այդ ուղղությամբ արձանագրված հաջողությունները: Անդրադարձ է կատարվել ընկերության կողմից հավելյալ ներդրումներ կատարելու ու հոլդինգի դուստր` «Մաքուր երկաթի գործարան» ձեռնարկության արտադրության և դեպի եվրոպական շուկա արտահանման ծավալների ավելացման հնարավորություններին։
Ապրիլի 8-ին՝ ժամը 16:13-ին, Լոռու մարզային օպերատիվ կառավարման կենտրոն ահազանգ է ստացվել, որ Ալավերդի քաղաքի Ջրավազանի փողոցում տեղի է ունեցել ՃՏՊ։ Այս մասին տեղեկացնում են ՆԳՆ Փրկարար ծառայությունից:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ շենքերից մեկի մոտակայքում ZIL մակնիշի բեռնատարը դուրս է եկել ճանապարհի երթևեկելի հատվածից, հարվածել բնակարաններից մեկի պատշգամբի երկաթբետոնե հենասյուներին, վնասել հարակից տան հենապատը և հայտնվել հարևան տան բակում։
Փրկարարները սահմանազատել են տարածքը, հոսանքազրկել բեռնատարը, փակել գազի բալոնի փականը, վարորդին դուրս բերել բեռնատարի խցիկից և մոտեցրել շտապօգնության ավտոմեքենային․ վերջինս հոսպիտալացվել է։
ԱՄՆ նախագահ Դոնալդ Թրամփն առաջարկել է Իրանին համատեղ կառավարել Հորմուզի նեղուցը։ Այս մասին հայտնում է ABC News հեռուստաալիքը։
«Մենք մտածում ենք դա անել համատեղ ձեռնարկության ձևաչափով։ Սա անվտանգությունն ապահովելու միջոց է, այդ թվում՝ այն շատ այլ մարդկանցից պաշտպանելու համար։ Դա հիասքանչ բան է», — ասել է Թրամփը։
Միևնույն ժամանակ, իրանական աղբյուրը նշում է, որ Թեհրանը կարող է բացել Հորմուզի նեղուցը սահմանափակ ռեժիմով՝ իր վերահսկողության ներքո, հինգշաբթի կամ ուրբաթ օրը, եթե Վաշինգտոնի հետ համաձայնություն ձեռք բերվի։
Հիշեցնենք, որ փետրվարի 28-ին ԱՄՆ-ն Իսրայելի հետ համատեղ ռազմական գործողություն է սկսել Իրանի դեմ։ Ի պատասխան՝ Թեհրանը հրթիռային և անօդաչու սարքերով հարվածներ է հասցնում Իսրայելին, ինչպես նաև Մերձավոր Արևելքում գտնվող ամերիկյան բազաներին, այդ թվում՝ Սաուդյան Արաբիայում, Բահրեյնում, Կատարում, Քուվեյթում և ԱՄԷ-ում։ Բացի այդ, հաղորդվում էր իրանցիների կողմից Հորմուզի նեղուցի փակման մասին, որին բաժին էր ընկնում նավթի ծովային մատակարարումների շուրջ 30%-ը, ինչպես նաև Պարսից ծոցի երկրների նավթային ենթակառուցվածքներին հասցվող հարվածների մասին։
