2024-25 թվականներին Հայաստանում տեղի են ունեցել չորս տեղական ինքնակառավարման ընտրություններ․․․
2024-2025 թվականներին Հայաստանում ոչ ոք չի բողոքարկել ընտրությունների արդյունքները․ ԿԸՀ
Սամվել Կարապետյանի տնային կալանքը 3 ամսով երկարաձգել. դատախազի միջնորդությունը
Դատախազը միջնորդեց Սամվել Կարապետյանի տնային կալանքի ժամկետը երկարաձգել ևս երեք ամսով։ Ավելի վաղ, փաստաբան Արամ Վարդևանյանը հայտարարեց, որ դեռ երեկ են դիմել…
Փաստաբանները պահանջում են վերացնել Սամվել Կարապետյանի տնային կալանքը․ ի՞նչ է կատարվում դատարանում
«Ուժեղ Հայաստան» կուսակցության առաջնորդ Սամվել Կարապետյանը Հակակոռուպցիոն դատարանում է։ Փաստաբանները միջնորդություն են ներկայացրել խափանման միջոց տնային կալանքը փոխելու համար։
Դատարանն այդ հարցը որոշել է քննել առաջնահերթ կարգով։
Իր հերթին դատախազը միջնորդել է 3 ամսով երկարաձգել տնային կալանքի ժամկետը։ Դատական նիստը շարունակվում է, դատարանը որոշում չի կայացրել։
Տավուշի փոխմարզպետը 7 անշարժ գույք ունի. հայտարարագրի հետքերով. Ժողովուրդ
«Ժողովուրդ» օրաթերթը գրում է.
««Ժողովուրդ» օրաթերթը ուսումնասիրել է Տավուշի մարզպետի տեղակալ Նարեկ Ղուշչյանի ունեցվածքը։ Ռուսաստանի Դաշնությունում ծնված և շուրջ 15 տարի վարկային ոլորտում աշխատած Նարեկ Ղուշչյանը Տավուշի մարզպետի տեղակալ է նշանակվել 2021 թվականին։
Մինչ այդ նա երկար տարիներ աշխատել է Իջևանի համայնքապետարանում, իսկ ավելի վաղ՝ մինչև հեղափոխությունը, «ՖԻՆՔԱ» ՈւՎԿ-ում։
«Ժողովուրդ» օրաթերթը պարզել է, որ, համաձայն փոխմարզպետի՝ 2024 թվականի անշարժ գույքի, եկամուտների, ծախսերի և շահերի տարեկան հայտարարագրի, Նարեկ Ղուշչյանն ունի 7 անշարժ գույք՝ 1 բնակարան, 1 անհատական բնակելի տուն և 5 հողամաս։ Նրա գույքերը գտնվում են Տավուշի մարզի Իջևան և Սևքար համայնքներում։
Փոխմարզպետը 2012 թվականից շահագործում է 2006 թվականի արտադրության AUDI մակնիշի ավտոմեքենա։
Նրա բանկային հաշիվների մնացորդը կազմել է 620 հազար դրամ, իսկ կանխիկ դրամական միջոցները՝ 35 հազար դրամ։
Հաշվետու տարվա եկամուտները կազմել են 18 մլն 588 հազար դրամ, որից 10 մլն 564 հազար դրամը՝ աշխատանքի վարձատրություն է ՀՀ Տավուշի մարզպետի աշխատակազմից։ Եկամուտների 8 մլն դրամը ստացված փոխառություն է Կոնվերս Բանկից և Էվոկաբանկից։
Ստացված վարկերի և փոխառությունների մայր գումարի մնացորդը հաշվետու տարվա՝ դեկտեմբերի 31-ի դրությամբ կազմել է 24 մլն 350 հազար դրամ։ Վարկերի մարմանն ուղղված վճարումները կազմել են 7 մլն 140 հազար դրամ։
Համեմատության համար նշենք, որ 2021 թվականին նրա բանկային հաշիվների մնացորդները կազմել են 1 մլն 181 հազար դրամ, իսկ կանխիկ միջոցները՝ 1 մլն 500 հազար դրամ և 33 հազար ռուբլի։ 2021 թվականի տվյալներով՝ Ղուշչյանի հաշվետու տարվա եկամուտները կազմել են 9 մլն 972 հազար դրամ։
Նարեկ Ղուշչյանը «Քաղաքացիական պայմանագիր» կուսակցության Իջևանի տարածքային կազմակերպության խորհրդի անդամ է։
Ղուշչյանի կինը՝ Աննա Ալիխանյանը, «Ինեկոբանկ» ՓԲԸ-ի գործառնական տնօրենն է։
Հիշեցնենք նաև, որ 2022 թվականին Նարեկ Ղուշչյանի անունը շրջանառվում էր երիտասարդի վրաերթի դեպքի առնչությամբ։ Հոկտեմբերի 23-ին Երևանում վրաերթ էր տեղի ունեցել։ Ժամը 16:40-ի սահմաններում 41-ամյա Նարեկ Ղուշչյանը Nissan մակնիշի 550 LL 60 համարանիշի ավտոմեքենայով Ռուբինյանց փողոցում վրաերթի էր ենթարկել 20-25 տարեկան մի երիտասարդի։ Վարորդը փախուստի չէր դիմել, օգնել էր վրաերթի ենթարկվածին և իր ավտոմեքենայով նրան տեղափոխել «Իզմիրլյան» բժշկական կենտրոն։
Եզրափակելով՝ Տավուշի փոխմարզպետ Նարեկ Ղուշչյանի հայտարարագրային, կենսագրական և հանրային դաշտում արձանագրված տվյալները ցույց են տալիս, որ նրա գործունեությունն ու ֆինանսական պատկերը շարունակում են մնալ ուշադրության կենտրոնում։ 2024 թվականի հայտարարագրով նա ունի 7 անշարժ գույք, եկամուտներ, վարկային պարտավորություններ և դրամական միջոցներ, որոնք համադրելի են նրա պաշտոնեական գործունեության հետ, իսկ 2021 թվականի տվյալների համեմատությունը ցույց է տալիս ֆինանսական ցուցանիշների փոփոխություն։ Միաժամանակ, Ղուշչյանը ոչ միայն վարչական պաշտոնյա է, այլև ՔՊ Իջևանի տարածքային խորհրդի անդամ, իսկ նրա անունը նախկինում կապվել է նաև վրաերթի դեպքի հետ։ Այս ամբողջությունը ձևավորում է մի պատկեր, որը բնականորեն մնում է հանրային և լրագրողական հետաքրքրության առարկա»։
Մանրամասները՝ «Ժողովուրդ» օրաթերթի այսօրվա համարում:
ՀՀ-ն ԱՊՀ ԱԳ նախարարների խորհրդի նիստին կմասնակցի փոխնախարարի մակարդակով | ՄԱՄՈՒԼ.ամ
ԵՄ-ն երկրորդ առաքելությունը կունենա Հայաստանում. «Ազատություն»
Մինչ այդ՝ առաքելության կարիքը հիմնավորող փաստաթղթում ԵՄ արտաքին գործերի…
ՈւՂԻՂ․ Սամվել Կարապետյանի մեծաթիվ աջակիցներ հավաքվել են դատարանի բակում
ՈւՂԻՂ․ Սամվել Կարապետյանի մեծաթիվ աջակիցներ հավաքվել են դատարանի բակում
118 դոլար՝ Պիկասոյի 1,2 միլիոն դոլարը գերազանցող բնօրինակ կտավի համար
58-ամյա տղամարդը բարեգործական վիճակախաղով շահել է Պաբլո Պիկասոյի բնօրինակ կտավը, որի արժեքը գերազանցում է 1,2 միլիոն դոլարը․ գրում է BBC-ն։
Մասնագիտությամբ ինժեներ և արվեստի սիրահար Արի Հոդարան վիճակախաղում հաղթելու մասին իմացել է երեքշաբթի՝ պատասխանելով Փարիզի Christie’s աճուրդի տնից տեսազանգին։
«Ինչպե՞ս վստահ լինեմ, որ սա կատակ չէ», – հարցրել է Հոդարան, երբ նրան հայտնել են, որ ինքը դարձել է իսպանացի մեծ նկարչի՝ 1941 թվականին ստեղծված աշխատանքի նոր սեփականատերը։
Կազմակերպիչները հայտնել են, որ մրցանակային խաղարկության ժամանակ ավելի քան 120․000 տոմս է վաճառվել՝ յուրաքանչյուրը 118 դոլարով․ արդյունքում հավաքվել է մոտ 13 միլիոն դոլար, որը կօգտագործվի Ալցհեյմերի հիվանդության հետազոտության համար։
«1 Պիկասո 100 եվրոյով» խաղարկությունն անցկացվում է 3-րդ անգամ․ այն հիմնադրվել է 2013 թվականին։
Այս տարվա մրցանակը Պիկասոյի «Կնոջ գլուխը» (Tête de Femme) կտավն էր․ այն պատկերում է նկարչի զուգընկերուհուն և մուսային՝ ֆրանսիացի սյուրռեալիստ նկարչուհի Դորա Մաարին։
Արմեն Ղազարյանն ու Լիտվայի ԱԳ փոխնախարարը քննարկել են ՀՀ-ԵՄ վիզաների ազատականացման և ՆԳՆ թվայնացման գործընթացները
Արմեն Ղազարյանն ընդգծել է, որ միջազգային հեղինակավոր կազմակերպությունների, մասնավորապես՝ Միջազգային հանրապետական ինստիտուտի (IRI) վերջին հարցումները…
Փարիզում տղամարդը 100 եվրոյով շահել է Պիկասոյի՝ 1 միլիոն եվրո արժողությամբ կտավը
Փարիզում Christie’s աճուրդի տան կազմակերպած բարեգործական վիճակախաղի մրցանակը «Կնոջ գլուխը» (Tête de femme) ՝ Պաբլո Պիկասոյի 1941 թվականին թղթի վրա գուաշով նկարված դիմանկարը։ Նկարի արժեքը գերազանցում է 1 միլիոն եվրոն, սակայն այն կարելի էր շահել՝ գնելով 100 եվրո արժողությամբ վիճակախաղի տոմս, հաղորդում է DW-ն։
Հաղթողը Փարիզի բնակիչ Արի Հոդարան էր։ Նա պատմել է, որ վիճակախաղի տոմսը գնել է վիճակահանությունից մեկ շաբաթ առաջ՝ պատահաբար իմանալով դրա մասին։ Երբ աճուրդի տունը զանգահարել է նրան և շնորհավորել հաղթանակի կապակցությամբ, նա սկզբում ենթադրել է, որ իրեն զանգողները խաբեբաներ են։
Բուն վիճակախաղը ևս կարելի է հաջողված համարել. ըստ կազմակերպիչների՝ 1 միլիոն եվրո արժողությամբ կտավի վիճակախաղի համար վաճառվել է ավելի քան 120 հազար տոմս՝ 100 եվրո արժողությամբ։ Դա մոտ 11 միլիոն եվրո է հավաքել Ալցհայմերի հիվանդության հետազոտության համար։
«Մեկ Պիկասո 100 եվրոյով» վիճակախաղի տոմսեր առցանց կարող էին գնել ոչ միայն Փարիզի բնակիչները: Գերմանիայում տեղական օրենսդրությունը խոչընդոտել է մրցույթի անցկացմանը: Տոմսերի վաճառքի մեկնարկից կարճ ժամանակ անց վիճակախաղի կայքում հայտնվել է հայտարարություն, որում նշվում էր, որ Գերմանիայի իշխանությունները հրամայել են դադարեցնել տոմսերի վաճառքը երկրում: «Մենք ակտիվորեն աշխատում ենք իրավիճակը կարգավորելու ուղղությամբ: Մինչ այդ, Գերմանիայում գտնվող այցելուները չեն կարող տոմսեր գնել: Դա չի տարածվել արդեն գնված տոմսերի վրա»,- ասվում է հայտարարության մեջ:
Այս մասին փոխանցում է News.am-ը։