Թրամփն իր աջակցությունն է հայտնել Նիկոլ Փաշինյանին
Թրամփն իր աջակցությունն է հայտնել Նիկոլ Փաշինյանին
Հանրապետության հրապարակում պատրաստվում են զորահանդեսի
Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
«Եթե ՀՀ իշխանությունն իսկապես նպատակ ունի սկսել ԵՄ անդամակցության գործընթաց, պետք է պատասխանի 2 հարցի»․ Արթուր Ղազինյան
«Եթե ՀՀ իշխանությունն իսկապես նպատակ ունի սկսել ԵՄ անդամակցության գործընթաց, պետք է պատասխանի 2 հարցի»․ Արթուր Ղազինյան
Լիքը անբացատրելի բաներ կան – Հրապարակ
Նույնիսկ եթե ընդունենք, որ պատերազմում պարտությունն ու աշխարհաքաղաքական քաոսը, որը տիրում է վերջին տարիներին ամենուր եւ մասնավորապես` մեր տարածաշրջանում, կործանարար հետեւանքներ են ունեցել, մեծ թվով քայլերի տրամաբանությունն ու անհրաժեշտությունը, այնուամենայնիվ, դրանով հնարավոր չէ բացատրել:
Ենթադրենք` Նիկոլ Փաշինյանն այնքան է վախեցել 20 թվի պարտությունից, որ չի համարձակվում ադրբեջանական զինուժն ուժային ճանապարհով դուրս մղել Ջերմուկի, Սեւ լճի, Սոթքի հատվածներից: Ենթադրենք՝ կարծում է, որ ցանկացած, նույնիսկ ամենաչնչին դիմադրություն կարող է նոր էսկալացիայի պատճառ դառնալ: Ենթադրենք` նաեւ խիստ կարեւորում է խաղաղության համաձայնագիրը եւ կարծում է, որ այդ թղթի կտորը կայուն խաղաղություն է բերելու Հայաստանին, ուստի համաձայնել է Ալիեւի բոլոր անհեթեթ պահանջներին, եւ համաձայնագիրը գրվել է բացառապես Ալիեւի ճաշակով:
Ենթադրենք` ինքն իրեն ու մեզ համոզել է, որ Թրիփը նույն «Զանգեզուրի միջանցքը» չէ` էականորեն տարբերվում է դրանից, եւ ամերիկյան մասնակցությունն այդ պրոյեկտին ապահովագրելու է մեր երկիրն անհարկի ագրեսիաներից, այդ ուղին մեզ մեծ եկամուտներ է բերելու, եւ նաեւ այդ պատճառով է համաձայնել` գիտակցելով անգամ, որ դրա արդյունքում մեր երկրի մի հսկա կտոր` որպես հայկական տարածք, կորցնում ենք: Ենթադրենք նաեւ, որ ինչ-որ ֆոբիաներ ունի ռուսներից եւ ինչ-որ պատրանքներ, որ եթե ռուսներին Հայաստանից դուրս մղենք, Արեւմուտքն է տեղը զբաղեցնելու, կամ մտածում է, որ ոչ մի տարբերություն չկա` Թուրքիան ու Ադրբեջա՞նը կլինեն տարածաշրջանում գերիշխողը, թե՞ Ռուսաստանը: Տարբերություն չկա, թե ում «ստրուկը» կլինես:
Բայց լիքը բաներ կան, որոնք բացատրելն անհնարին է, եթե նույնիսկ համաձայն ենք այս բոլոր աբսուրդ պնդումներին եւ նույն հիվանդ մտքերն ունենք, ինչ Փաշինյանը: Այս ամենի պրիզմայով ամեն դեպքում անհնարին է բացատրել «Արցախ» բառն արտասանելու արգելքը, Արարատի` որպես սիմվոլ ոչնչացումը: Անիմաստ է Մաշտոցը դասագրքերից հանելը, ՊՆ զինանշանը փոխելը: Անիմաստ ու զայրացնող են փոքրացած Հայաստանի քարտեզի պրիմիտիվ կուլտն ու այդ քարտեզ-կրծքանշանն աջուձախ բաժանելը: Առավել եւս՝ բացատրություն չունեն Ցեղասպանության ու հայկական պետության մասին հակագիտական բարբաջանքները, հայերին եկվոր անվանելու, իր իսկ ցեղասպանության հրահրող ու պատճառ ճանաչելու մասին ամոթալի տեքստերը: Վստահ եմ` մեծ թվով խոսքեր ու արարքներ թելադրված չեն, պահանջված չեն դրսից, դրանք բոլորովին այլ, շատ ավելի անընդունելի բացատրություն ունեն: Վախենամ` ուղղակի հայ մարդուն հունից հանելու, կաթվածահար անելու, խելագարեցնելու իմաստ: Եվ սա որեւէ բանական բացատրություն չունի: Եվ առողջ հոգեվիճակով որեւէ մարդու չէր կարող բնորոշ լինել:
Իրանի Անվտանգության խորհուրդ․ ԱՄՆ-ն պետք է լքի Պարսից ծոցի տարածաշրջանը՝ դրա զարգացման համար
ԱՄՆ-ը պետք է լքի Պարսից ծոցի տարածաշրջանը՝ դրա զարգացման և խաղաղության համար, ՌԻԱ Նովոստիին հայտարարել է Իրանի ազգային անվտանգության բարձրագույն խորհրդի քարտուղարի տեղակալ Ալի Բաղերի Քանին։
«Մենք տարածաշրջանի երկրների հետ համագործակցության համար որևէ խոչընդոտ և խնդիր չենք տեսնում», – ասել է պաշտոնյան՝ պատասխանելով այն հարցին, թե արդյոք Իրանը Պարսից ծոցի երկրների հետ քննարկում է չհարձակման մասին պայմանագրի ստորագրումը։
Նրա խոսքով՝ խնդիրները սկսվել են Իրանի դեմ ԱՄՆ-ի ագրեսիայի պատճառով։ Խնդիր է նաև, նրա կարծիքով, Իսրայելի ներկայությունը տարածաշրջանում։
«ԱՄՆ-ը և Իսրայելը պետք է հեռանան տարածաշրջանից (Պարսից ծոցից), որպեսզի իրական հիմք ստեղծվի տարածաշրջանի պետությունների հետ համագործակցության համար», – հայտարարել է Բաղերի Քանին։
Նրա խոսքով՝ դա թույլ կտա Պարսից ծոցի տարածաշրջանին բարգավաճել և զարգանալ, ինչպես նաև կբերի կայունություն և խաղաղություն։
Նա նաև հավելել է, որ ԱՄՆ-ի հետ քննարկվող հուշագրի առանցքային հարցը պատերազմի դադարեցումն է, իսկ հակամարտության կարգավորումից հետո Թեհրանը պատրաստ է քննարկել նաև այլ հարցեր։
Ինչո՞ւ է Թրամփը հրապարակային կերպով աջակցություն հայտնել Փաշինյանին. միջազգայնագետ
Թրամփն իր սոցիալական ցանցի էջում գրառում է արել Հայաստանի ընտրություններին ընդառաջ։ Սա ամերիկյան քաղաքականության մեջ մինչ Թրամփի գալը սովորաբար ընդունված երևույթ չէր։ Այս մասին Facebook–ի իր էջում գրել է միջազգայնագետ Սուրեն Սարգսյանը։
Նա, մասնավորապես, նշել է. «Սովորաբար ԱՄՆ նախագահները զգուշավորություն են ցուցաբերում այլ պետությունների ընտրություններին միջամտելու կամ այս կամ այն թեկնածուին աջակցելու հարցում, և նույնիսկ աջակցության դեպքում դա անում են նուրբ և անուղղակի ձևով (օրինակ՝ Օբաման կամ Բուշ կրտսերը)։
Ի տարբերություն նախկին նախագահների՝ Թրամփը ուղիղ աջակցել է Փաշինյանին այնպես, ինչպես կաջակցեր (endorse) ԱՄՆ որևէ սենատորի կամ նահանգապետի։
Ի դեպ, Թրամփը բացեիբաց ասում է այն, ինչ ես ասում էի երեկ։ Այս ամենի նպատակը, ըստ նրա ներկայացման, Կենտրոնական Ասիայի ռեսուրսների արտահանումն է TRIPP-ի միջոցով, ինչը Թրամփի վարչակազմի առաջնահերթություններից է Հարավային Կովկասում»։
Թրամփը աջակցել է Փաշինյանի թեկնածությանը Հայաստանում առաջիկա ընտրություններում
Ինչո՞ւ է Թրամփը հրապարակային կերպով աջակցություն հայտնել Փաշինյանին. միջազգայնագետ
Թրամփն իր սոցիալական ցանցի էջում գրառում է արել Հայաստանի ընտրություններին ընդառաջ։ Սա ամերիկյան քաղաքականության մեջ մինչ Թրամփի գալը սովորաբար ընդունված երևույթ չէր։ Այս մասին Facebook–ի իր էջում գրել է միջազգայնագետ Սուրեն Սարգսյանը։
Նա, մասնավորապես, նշել է. «Սովորաբար ԱՄՆ նախագահները զգուշավորություն են ցուցաբերում այլ պետությունների ընտրություններին միջամտելու կամ այս կամ այն թեկնածուին աջակցելու հարցում, և նույնիսկ աջակցության դեպքում դա անում են նուրբ և անուղղակի ձևով (օրինակ՝ Օբաման կամ Բուշ կրտսերը)։
Ի տարբերություն նախկին նախագահների՝ Թրամփը ուղիղ աջակցել է Փաշինյանին այնպես, ինչպես կաջակցեր (endorse) ԱՄՆ որևէ սենատորի կամ նահանգապետի։
Ի դեպ, Թրամփը բացեիբաց ասում է այն, ինչ ես ասում էի երեկ։ Այս ամենի նպատակը, ըստ նրա ներկայացման, Կենտրոնական Ասիայի ռեսուրսների արտահանումն է TRIPP-ի միջոցով, ինչը Թրամփի վարչակազմի առաջնահերթություններից է Հարավային Կովկասում»։
Թրամփը աջակցել է Փաշինյանի թեկնածությանը Հայաստանում առաջիկա ընտրություններում
ԱԺ-ն «ինքնալուծարման» է գնացել. «Հրապարակ»
ԱԺ-ն «ինքնալուծարման» է գնացել. «Հրապարակ»
ԱՄՆ-ի ֆոնդային ինդեքսները չորեքշաբթի աճել են՝ հասնելով նոր ռեկորդային բարձունքների
Ուոլ Սթրիթը չորեքշաբթի օրվա սակարկություններն ավարտել է աճով, ընդ որում բոլոր երեք հիմնական ինդեքսները թարմացրել են ռեկորդները։
Ներդրողները շարունակում էին հետևել Մերձավոր Արևելքում իրադարձությունների զարգացմանը, ինչպես նաև գնահատում էին ընկերությունների նորություններն ու հաշվետվությունները։
ԱՄՆ նախագահ Դոնալդ Թրամփը չորեքշաբթի հայտարարել է, որ Վաշինգտոնը հենց հիմա կարող էր բավական շահավետ համաձայնագիր կնքել Իրանի հետ, սակայն համաձայն է միայն կատարյալ գործարքի։ «Բանակցությունները բավական լավ են ընթանում», նշել է նա և վստահություն հայտնել, որ ԱՄՆ-ին կհաջողվի հասնել կատարյալ համաձայնության՝ առանց Իրանի համար որևէ սողանցքի։
Շուկաները, ընդհանուր առմամբ, անտեսում են խաղաղ բանակցություններում իրական առաջընթացի բացակայությունը և «դեռևս կարծում են, որ դիվանագիտական կարգավորումն ավելի հավանական է, քան հակամարտության նոր էսկալացիան մինչև այն մակարդակը, որտեղից այն սկսվել էր», գրել է Edward Jones-ի վերլուծաբան Բրոք Վեյմերը։
Չորեքշաբթի նավթի հենանիշային տեսակների գները նվազել են ավելի քան 5%-ով՝ թուլացնելով գնաճի հետագա արագացման և կենտրոնական բանկերի կողմից տոկոսադրույքների բարձրացման վերաբերյալ մտահոգությունները։
Հինգշաբթի շուկայի մասնակիցները կսպասեն ամերիկացիների ապրիլյան եկամուտների և ծախսերի հաշվետվության հրապարակմանը, որը ներառում է գնաճի առանցքային ցուցանիշը (PCE ինդեքս), որին հետևում է Դաշնային պահուստային համակարգը։
S&P 500-ի բաղադրիչների շրջանում աճի առաջատարների թվում էին AppLovin Corp. (+10,4%), MGM Resorts International (+9,1%), United Airlines Holdings (+6,3%), Norwegian Cruise Line (+6,1%) և General Motors (+5,4%)։
Dow Jones ինդեքսի կազմում լավագույն դինամիկան ցուցադրել են Procter & Gamble Co. (+3,2%), Amazon.com Inc. (+2,5%), Boeing Co. (+2,5%), Home Depot Inc. (+2,4%) և Nike Inc. (+2,3%)։
Տեխնոլոգիական հատվածում Tesla-ի կապիտալիզացիան աճել է 1,6%-ով, Apple Inc.-ինը՝ 0,8%-ով, International Business Machines-ինը՝ 1,8%-ով, Cisco Systems Inc.-ինը՝ 1,1%-ով։ Nvidia Corp.-ի բաժնետոմսերը էժանացել են 1,1%-ով, Microsoft Corp.-ինը՝ 0,8%-ով, Qualcomm Inc.-ինը՝ 6,2%-ով։
Նավթային Exxon Mobil-ը և Chevron Corp.-ը կորցրել են շուկայական արժեքի 1,3%-ական բաժին՝ նավթի գների անկման ֆոնին։
JPMorgan Chase & Co.-ի բաժնետոմսերը նվազել են 2,4%-ով այն բանից հետո, երբ բանկի գլխավոր գործադիր տնօրեն Ջեյմի Դայմոնը նախազգուշացրել է, որ JPMorgan-ի ծախսերն ընթացիկ տարում կարող են $1 մլրդ-ով գերազանցել նախորդ կանխատեսումը։
Abercrombie & Fitch-ի շուկայական արժեքն աճել է 8,9%-ով։ Հագուստի ռիթեյլերը հայտնել է մայիսի 2-ին ավարտված եռամսյակում հասույթի աճի մասին՝ չնայած սպառողական պահանջարկի ընդհանուր թուլացմանը։ Բացի այդ, նրա ճշգրտված շահույթը էականորեն գերազանցել է վերլուծաբանների սպասումները։
ՏՏ ընկերություն Zscaler-ի գնանշումները փլուզվել են 31,5%-ով՝ չորրորդ ֆինանսական եռամսյակի վերաբերյալ նրա թույլ կանխատեսման ֆոնին։
Չինական էլեկտրոնային առևտրի PDD Holdings հարթակի ADS-ները նվազել են 10,4%-ով։ Ընկերությունը կրճատել է զուտ շահույթը առաջին եռամսյակում, իսկ նրա հասույթը կանխատեսումներից թույլ է եղել։
Bath & Body Works-ի բաժնետոմսերի արժեքն աճել է 9,7%-ով։ Օծանելիքի և բուրավետ արտադրանքի արտադրողի հասույթն ու շահույթը նախորդ եռամսյակում գերազանցել են փորձագետների գնահատականները։
Dick’s Sporting Goods-ի բաժնետոմսերը էժանացել են 6%-ով այն բանից հետո, երբ սպորտային ապրանքների ռիթեյլերը վատթարացրել է ընթացիկ ֆինանսական տարվա զուտ շահույթի կանխատեսումը։
Սեսիայի արդյունքներով Dow Jones Industrial Average-ը բարձրացել է 0,36%-ով՝ հասնելով 50644,28 կետի։
Standard & Poor’s 500-ի արժեքն ավելացել է 0,02%-ով՝ հասնելով 7520,36 կետի։
Nasdaq Composite ինդեքսն ավելացել է 0,07%-ով և փակվել 26674,73 կետում։