julbaz.mediamonitoring.am

Մայիսի 14-ի գիշերը ռուսական զորքերը հրթիռների և անօդաչու թռչող սարքերի կիրառմամբ զանգվածային հարվածներ են հասցրել Կիևին։ Թիրախում են հայտնվել բնակելի թաղամասերն ու ենթակառուցվածքները։ Կիևի քաղաքային ռազմական վարչակազմի ղեկավար Տիմուր Տկաչենկոյի հաղորդմամբ՝ հարձակման հետևանքով կա մեկ զոհ, առնվազն 16 մարդ վիրավորվել է։ Քաղաքի հարավ-արևելքում գտնվող Դարնիցկի շրջանում բազմահարկ բնակելի շենք է մասնակի փլուզվել։ Ուկրաինայի արտակարգ իրավիճակների պետական ծառայությունը հայտնել է, որ փլատակների տակից հաջողվել է փրկել 10 հոգու, սակայն որոնողափրկարարական աշխատանքները դեռ շարունակվում են։

Կիևի հյուսիսում՝ Օբոլոնսկի շրջանում, բեկորները վնասել են բնակելի շենքի 12-րդ հարկի բնակարաններից մեկը և հարվածել 25-հարկանի կիսակառույց շենքի։ Քաղաքի արևելյան հատվածում՝ Դնեպրովսկի շրջանում, հարվածը հասցվել է հնգահարկ բնակելի շենքի վրա, ինչի հետևանքով հրդեհ է բռնկվել։ Անօդաչու սարք է ընկել նաև մասնավոր տան վրա։ Բացի այդ, ոչ բնակելի տարածքներ են վնասվել Շևչենկովսկի, Սոլոմենսկի և Օբոլոնսկի շրջաններում։ Սոլոմենսկի շրջանում՝ բիզնես կենտրոնի հարակից կայանատեղիում, ավտոմեքենա է այրվել, իսկ Դարնիցկի շրջանում հրդեհվել են առևտրի տաղավարներ և լցակայան։ Քաղաքի հարավում՝ Գոլոսեևսկի շրջանում, բեկորներն ընկել են բիզնես կենտրոնի և ճանապարհի երթևեկելի հատվածի վրա։

Բացի այդ, Ուկրաինայի մայրաքաղաքի վրա հարձակման ժամանակ Կիևի մարզում բեկորների անկման հետևանքով վիրավորվել է 6 մարդ. նրանցից երկուսը հոսպիտալացվել են, իսկ մյուսներին բժշկական օգնություն է ցուցաբերվել տեղում։ Ավերածություններ են գրանցվել մարզի վեց շրջաններում։ Մարզային ռազմական վարչակազմի տվյալներով՝ բազմաթիվ վայրերում դեռ շարունակվում են հրդեհաշիջման աշխատանքները։

Ուկրաինայի զինված ուժերի Ռազմաօդային ուժերը գիշերը հայտնել են ռուսական բանակի կողմից հրթիռների, անօդաչու սարքերի և կառավարվող ավիացիոն ռումբերի (ԿԱՌ) արձակման մասին նաև Խարկովի, Պոլտավայի, Սումիի, Դոնեցկի, Օդեսայի, Նիկոլաևի, Դնեպրոպետրովսկի և Չերկասիի մարզերի ուղղությամբ։ Անցած օրվա ընթացքում Ռուսաստանի զինված ուժերը Ուկրաինայի ուղղությամբ արձակել են 892 անօդաչու թռչող սարք, որոնցից 710-ը խոցվել կամ ճնշվել են հակաօդային պաշտպանության (ՀՕՊ) համակարգերի կողմից։

ԿԳՄՍ նախարարի տեղակալ Դանիել Դանիելյանը շահագրգիռ կազմակերպությունների ներկայացուցիչների հետ քննարկել է ժամանակակից արվեստի և գրահրատարակչության ոլորտների 2027-2029 թվականների միջնաժամկետ ծախսային ծրագրերի հայտի նախագիծը: Հանդիպմանը ներկա է եղել նաև ԿԳՄՍՆ ժամանակակից արվեստի և գրահրատարակչության վարչության պետ Սվետլանա Սահակյանը: Այս մասին NEWS.am–ին հայտնում են ԿԳՄՍՆ–ից։

Ներկայացնելով միջնաժամկետ ծախսային ծրագրերի հիմնական ուղղությունները՝ նախարարի տեղակալ Դանիել Դանիելյանը նշել է, որ պլանավորված բոլոր աշխատանքները բխում են ՀՀ մշակույթի պահպանության, զարգացման և հանրահռչակման 2023-2027 թվականների ռազմավարությունից, որը սահմանում է ոլորտի զարգացման տեսլականը, գերակայություններն ու նպատակները։ Ըստ այդմ՝ ժամանակակից արվեստի ոլորտում տարբեր ուղղություններով շարունակվելու են գործող հիմնական ծրագրերը, ինչպես նաև մեկնարկելու են նոր նախաձեռնություններ:

Նախարարի տեղակալն անդրադարձել է ռազմավարական 5 հիմնական ուղղություններին, որոնք կազմում են միջնաժամկետ ծախսային ծրագրի առանցքը՝ կինեմատոգրաֆիա, գրահրատարակչություն, արվեստների ծրագիր, մարզերի մշակութային զարգացում, և մշակութային և գեղագիտական դաստիարակություն:

Կինեմատոգրաֆիա

Կինեմատոգրաֆիայի ծրագրի նպատակն է աջակցել կինոարվեստի և կինոարտադրության զարգացմանը, հայկական ավանդույթների շարունակականությանը և կինոարվեստի հանրահռչակմանը: Հայկական կինոարտադրանքի տարածման, Հայաստանում և միջազգային ասպարեզում հայրենական կինոարտադրության ներկայացման, կինոժառանգության թվայնացման գործառույթներն իրականացվում են ոլորտի քաղաքականությունն իրականացնող Կինոյի հիմնադրամի և դրամաշնորհային ծրագրերի մրցույթներում հաղթած կազմակերպությունների միջոցով: 

Գրահրատարակչություն 

Գրահրատարակչության ծրագրի նպատակն է նպաստել գրականության հրատարակմանը, տարածմանը և հանրահռչակմանը: Գրական դաշտի բոլոր օղակների հավասարաչափ զարգացման, գրական արտադրանքի միջոցով գրական-մշակութային ժառանգության պահպանման, տարածման և հանրահռչակման, միջազգային համագործակցության համար նպաստավոր պայմանների ստեղծման գործառույթներն իրականացվում են դրամաշնորհային ծրագրերի մրցույթներում հաղթած կազմակերպությունների միջոցով:

Արվեստ

Արվեստների ծրագրի նպատակն է նպաստել ազգային հենքի վրա ժամանակակից թատերարվեստի, երաժշտարվեստի, կերպարվեստի և պարարվեստի զարգացմանը և հանրահռչակմանը: Մշակութային արտադրանքի ստեղծման, մրցակցային դաշտի ձևավորման,  մշակութային ծառայությունների որակի բարելավման ու մատչելիության ապահովման,  ստեղծագործական ներուժ ունեցող անհատների  գործունեության համար բարենպաստ դաշտի ձևավորման, միջազգային մշակութային գործընթացներում երիտասարդ ստեղծագործողների ինտեգրմանն աջակցելու, միջազգային ասպարեզում ժամանակակից ազգային մշակույթի ներկայացման գործառույթներն իրականացվում են 21 թատերահամերգային կազմակերպությունների, ինչպես նաև դրամաշնորհային մրցույթներում հաղթած հասարակական կազմակերպությունների միջոցով:

Մարզերի մշակութային կյանքի զարգացում

Մարզերի մշակութային զարգացման ծրագրի նպատակն է նպաստել մարզերում մշակութային կյանքի և մշակութաստեղծ գործունեության ակտիվացմանը: Մարզերում մշակութային կյանքի ակտիվացման, համայնքներում մշակույթի հասանելիության և տեղերի բնակչության ընդգրկվածության ընդլայնման գործառույթներն իրականացվում են դրամաշնորհային մրցույթներում հաղթած կազմակերպությունների միջոցով:

Մշակութային և գեղագիտական դաստիարակություն 

Երեխաների հոգևոր և գեղագիտական ընդունակությունների բացահայտման և զարգացման, գեղարվեստական  կրթության որակի և  գեղագիտական դաստիարակության մատչելիության ապահովման, մշակութային ծառայությունների որակի բարձրացման, մշակութային-կրթական ծառայությունների որակի բարձրացման, ՀՀ քաղաքացիների ձևավորմանը նպաստող արժեքահենք և մշակութահենք նպատակային ծրագրերի իրականացմանը նպաստող գեղագիտական դաստիարակության ծրագրերի իրականացման գործառույթներն իրականացվում են մշակութային ծառայություններ մատուցող պետական, համայնքային կազմակերպությունների, ինչպես նաև դրամաշնորհային մրցույթներում հաղթած հասարակական կազմակերպությունների միջոցով:

Հանդիպման ընթացքում ներկաներն ուղղել են իրենց հուզող հարցերը, որոնք վերաբերել են մրցութային դրամաշնորհների ուղղությունների համալրմանը,  հատկացումների չափորոշիչների վերանայմանը, արվեստագիտական ռեզիդենսների անցկացման չափորոշիչների հստակեցմանը, հոբելյանական միջոցառումների  կազմակերպմանը և այլն: Անդրադարձ է կատարվել նաև մշակույթի ոլորտում արհեստական բանականության բաղադրիչի ավելացման, ներկայացվող ծրագրերի պլանավորման, արվեստի ոլորտին հատկացվող ֆիանսավորման չափերի ավելացման և մրցութային դրամաշնորհների պարագայում ֆինանսավորման նոր մոդելների ներդրմանն առնչվող հարցերին: 

ԱՄՆ-ը ողջունում է Հայաստանի և Թուրքիայի միջև երկկողմ առևտրի սահմանափակումները հանելու մասին հայտարարությունը։ Ասված է ՀՀ-ում ԱՄՆ դեսպանության հայտարարության մեջ։

«Այս քայլը ցույց է տալիս երկու երկրների՝ տնտեսական կապերն ընդլայնելու և Հարավկովկասյան տարածաշրջանում տևական խաղաղության ու բարեկեցության խթանելու հանձնառությունը։ Համագործակցությունն ամրապնդելու ուղղությամբ Հայաստանի ու Թուրքիայի շարունակական ջանքերը՝ ի շահ տարածաշրջանի ժողովուրդների բարօրության, արժանի են գովեստի»։

ԱՄՆ-ը ողջունում է Հայաստանի և Թուրքիայի միջև երկկողմ առևտրի սահմանափակումները հանելու մասին հայտարարությունը։ Ասված է ՀՀ-ում ԱՄՆ դեսպանության հայտարարության մեջ։

«Այս քայլը ցույց է տալիս երկու երկրների՝ տնտեսական կապերն ընդլայնելու և Հարավկովկասյան տարածաշրջանում տևական խաղաղության ու բարեկեցության խթանելու հանձնառությունը։ Համագործակցությունն ամրապնդելու ուղղությամբ Հայաստանի ու Թուրքիայի շարունակական ջանքերը՝ ի շահ տարածաշրջանի ժողովուրդների բարօրության, արժանի են գովեստի»։

ԱՄՆ-ը ողջունում է Հայաստանի և Թուրքիայի միջև երկկողմ առևտրի սահմանափակումները հանելու մասին հայտարարությունը։ Ասված է ՀՀ-ում ԱՄՆ դեսպանության հայտարարության մեջ։

«Այս քայլը ցույց է տալիս երկու երկրների՝ տնտեսական կապերն ընդլայնելու և Հարավկովկասյան տարածաշրջանում տևական խաղաղության ու բարեկեցության խթանելու հանձնառությունը։ Համագործակցությունն ամրապնդելու ուղղությամբ Հայաստանի ու Թուրքիայի շարունակական ջանքերը՝ ի շահ տարածաշրջանի ժողովուրդների բարօրության, արժանի են գովեստի»։