julbaz.mediamonitoring.am

Արաբական Միացյալ Էմիրությունների նախագահի խորհրդական Անվար Գարգաշը խստորեն քննադատել է Իրանի և նրա արաբ հարևանների հարաբերություններում առկա «առճակատումներն ու հակամարտությունները» և վերստին կոչ է արել բանակցությունների միջոցով հասնել Իրանի դեմ ամերիկա-իսրայելական պատերազմի «քաղաքական լուծմանը»։

Գարգաշն այդ հայտարարություններն արել է X հարթակում կատարած հրապարակման մեջ՝ այն բանից քիչ անց, երբ Իսրայելի վարչապետ Բենիամին Նեթանյահուի գրասենյակը հայտնեց պատերազմի ժամանակ նրա դեպի Արաբական Միացյալ Էմիրությունների կատարած գաղտնի այցի մասին։

«Մենք չենք ձգտել այս պատերազմին և անկեղծորեն աշխատել ենք դրանից խուսափելու համար,- X-ում գրել է Գարգաշը։ -Պարսից ծոցի տարածաշրջանում արաբա-իրանական հարաբերությունները չեն կարող կառուցվել առճակատման և հակամարտությունների վրա մի տարածաշրջանում, որի ժողովուրդները կապված են աշխարհագրական և պատմական խոր կապերով»։  

Նա հավելել է, որ Արաբական Միացյալ Էմիրությունների պաշտպանությունը «սրբազան պարտք է», և որ երկիրը «պաշտպանելու է իր ինքնիշխանությունը»։ Սակայն, ըստ նրա, Արաբական Միացյալ Էմիրությունների առաջնահերթությունը մնում է քաղաքական լուծումների ձեռքբերումը։ «Մինչ աշխարհը հետևում է ԱՄՆ նախագահի՝ Չինաստան կատարած առանցքային այցին և թե ինչ կարող է այն նշանակել տարածաշրջանային հետևանքների տեսանկյունից, Արաբական Միացյալ Էմիրություններն այս համատեքստում շարունակում են վերահաստատել բանակցությունների միջոցով քաղաքական լուծման կարևորությունը, որին նրանք հավատարիմ են իրենց բոլոր շփումներում»,- գրել է Գարգաշը։  

Նրա հրապարակումից քիչ առաջ Իսրայելն առաջին անգամ հրապարակավ խոստովանեց Նեթանյահուի այցը Արաբական Միացյալ Էմիրություններ։ Իրանի հետ պատերազմի ընթացքում տեղի ունեցած «գաղտնի այցի» ժամանակ նա հանդիպել է Արաբական Միացյալ Էմիրությունների նախագահ Մուհամմեդ բին Զայիդ Ալ Նահյանի հետ, հայտնել են Նեթանյահուի գրասենյակից։ Ըստ գրասենյակի՝ այցը «հանգեցրել է պատմական բեկման» երկու երկրների հարաբերություններում, սակայն չի հստակեցվել, թե հատկապես երբ է այն տեղի ունեցել և որն է այդ բեկումը։

NEWS.am-ը ներկայացնում է ռուսերեն լրատվական թողարկում՝ «Итоги дня» («Օրվա ամփոփում»)։ Այս ժամին Հայաստանում և նրա շուրջ տեղի ունեցող իրադարձությունների մասին բոլոր կարևոր տեղեկությունները` արագ, հակիրճ և օբյեկտիվ:

NEWS.am-ը ներկայացնում է ռուսերեն լրատվական թողարկում՝ «Итоги дня» («Օրվա ամփոփում»)։ Այս ժամին Հայաստանում և նրա շուրջ տեղի ունեցող իրադարձությունների մասին բոլոր կարևոր տեղեկությունները` արագ, հակիրճ և օբյեկտիվ:

NEWS.am-ը ներկայացնում է ռուսերեն լրատվական թողարկում՝ «Итоги дня» («Օրվա ամփոփում»)։ Այս ժամին Հայաստանում և նրա շուրջ տեղի ունեցող իրադարձությունների մասին բոլոր կարևոր տեղեկությունները` արագ, հակիրճ և օբյեկտիվ:

ԱՄՆ փոխնախագահ Ջեյ Դի Վենսը հավաստիացրել է, որ ամերիկացի բանակցողները շարունակում են «առաջընթաց գրանցել» Իրանի հետ խաղաղության բանակցություններում:

«Այս առավոտ ես զգալի ժամանակ եմ անցկացրել հեռախոսազրույցների մեջ Ջարեդ Քուշների և Սթիվ Ուիթքոֆի, ինչպես նաև արաբական աշխարհի մեր մի շարք ընկերների հետ»,- ասել է Վենսը լրագրողներին՝ նկատի ունենալով Իրանի հետ բանակցություններում վարչակազմի երկու գլխավոր ներկայացուցիչներին:- «Կարծում եմ՝ մենք առաջընթաց ենք գրանցում: Հիմնարար հարցն այն է՝ արդյոք մենք հասնո՞ւմ ենք բավարար առաջընթացի՝ նախագահի «կարմիր գիծը» բավարարելու համար»:

Վենսը հայտարարել է, որ վարչակազմը նախկինի պես լիովին կենտրոնացած է նրա վրա, որ Իրանը երբեք չկարողանա միջուկային զենք ստանալ, և դա անվանել է ցանկացած համաձայնագրի առանցքային չափանիշ:

«Կարմիր գիծը շատ պարզ է»,- ասել է նա՝ հավելելով, որ նախագահը «պետք է վստահ լինի, որ մենք ներդրել ենք բավարար քանակությամբ պաշտպանիչ միջոցներ, որպեսզի Իրանը երբեք միջուկային զենք չստանա»:

Իրանի խորհրդարանի ազգային անվտանգության և արտաքին քաղաքականության հանձնաժողովն ավարտել է Պարսից ծոցի և Հորմուզի նեղուցի անվտանգության ու զարգացման համալիր ծրագրի մշակումը:

Ըստ հանձնաժողովի նախագահ Էբրահիմ Ազիզիի՝ «Պարսից ծոցի և Հորմուզի նեղուցի անվտանգության և զարգացման ծրագիր» անվանումը կրող փաստաթուղթը կքննարկվի խորհրդարանի աշխատանքների վերսկսումից հետո, հայտնում է Mehr-ը:

Նա տեղեկացրել է, որ նախնական համաձայնեցումներն արդեն իրականացվել են Սահմանադրական խորհրդի և Արտաքին գործերի նախարարության հետ, ինչպես նաև առաջարկներ են ստացվել Զինված ուժերի գլխավոր շտաբից:

Ըստ հայտարարության՝ ծրագիրը համապատասխանում է միջազգային իրավունքի նորմերին և կառավարության կողմից այլ երկրների հետ Հորմուզի նեղուցին առնչվող հարցերով համաձայնագրեր կնքելու հնարավորություն է նախատեսում:

Փաստաթղթում ընդգծվում է, որ Հորմուզի նեղուցը պատկանում է Իրանի Իսլամական Հանրապետությանը և համաշխարհային ռազմավարական ծովային 14 «նեղուցներից» մեկն է, որն ունի բացառիկ աշխարհագրական նշանակություն, և որի ներուժը մինչ այժմ բավարար չափով չի օգտագործվել:

Իրանն, ըստ ծրագրի, մտադիր է այդ ներուժն օգտագործել էներգետիկայի, տնտեսական զարգացման, պաշտպանության և անվտանգության, ինչպես նաև ծովային ծառայությունների նպատակով:

Առանձին նախատեսվում է արգելել «թշնամական» ճանաչված երկրների նավերի, ինչպես նաև ցանկացած ռազմանավի մուտքը նեղուց՝ «որևէ պատրվակով»:

Կից նյութերում պնդվում է, որ ԱՄՆ-ը և Իսրայելը փետրվարի 28-ին սկսել են «չհրահրված ագրեսիվ պատերազմ Իրանի դեմ», որի ընթացքում, ինչպես նշվում է, սպանվել է գերագույն առաջնորդ այաթոլլա Ալի Խամենեին և հարվածներ են հասցվել քաղաքացիական ու միջուկային ենթակառուցվածքներին:

Իրանը պատասխանել է 100 ալիքից բաղկացած հարվածների շարքով՝ «Ճշմարիտ խոստում 4» գործողության շրջանակում:

Նշվում է նաև, որ գործում է Պակիստանի միջնորդությամբ ձեռք բերված փխրուն հրադադար, սակայն ԱՄՆ-ի կողմից իրանական նավահանգիստների ծովային շրջափակումը պահպանվում է, իսկ բանակցությունները մտել են փակուղի այն բանից հետո, երբ Վաշինգտոնը հրաժարվել է ընդունել Թեհրանի պայմանները:

Հյուսիսատլանտյան դաշինքի կազմակերպությունը ծրագրում է Անկարայում անցկացվելիք գագաթնաժողովին հրավիրել Պարսից ծոցի չորս պետությունների ներկայացուցիչների։ Ինչպես հաղորդում է Bloomberg-ը՝ հղում անելով իր աղբյուրներին, բանակցությունների կենտրոնական թեմաները, հավանաբար, կլինեն Իրանի հետ պատերազմը և անդրատլանտյան պառակտումը։

Խոսքը, մասնավորապես՝ Բահրեյնի, Քուվեյթի, Կատարի և Արաբական Միացյալ Էմիրությունների մասին է։ Բոլորն էլ Համագործակցության ստամբուլյան նախաձեռնության (ICI) մասնակիցներ են. սա գործընկերային ծրագիր է ՆԱՏՕ-ի և Մեծ Մերձավոր Արևելքի տարածաշրջանի՝ դաշինքի մեջ չմտնող երկրների միջև։

Ըստ աղբյուրների՝ ակնկալվում է, որ այդ պետությունների արտգործնախարարները կհրավիրվեն հուլիսի 7–8-ը Թուրքիայի մայրաքաղաքում անցկացվելիք հանդիպմանը։

Հանդիպումն անցկացվում է Իրանի պատերազմով պայմանավորված աճող անդրատլանտյան լարվածության ֆոնին։ Ավելի վաղ նախագահ Դոնալդ Թրամփը քննադատել էր ՆԱՏՕ-ի դաշնակիցներին Հորմուզի նեղուցի ապաշրջափակման հարցում օգնություն ցուցաբերել չկարողանալու համար, իսկ ավելի ուշ հայտարարել էր Գերմանիայից շուրջ 5000 զինծառայող դուրս բերելու մասին։

Ըստ աղբյուրներից մեկի՝ այս նախաձեռնությունը մասնակիորեն պայմանավորված է ՆԱՏՕ-ի՝ այսպես կոչված «հարավային թևն» ամրապնդելու ծրագրով, ինչը հատկապես արդիական է իրանական հակամարտության համատեքստում։