ՀՀ վարչապետ Նիկոլ Փաշինյանի պաշտոնական էջերը սոցիալական ցանցերում շարունակում են գրանցել բարձր ակտիվություն։ Վարչապետն իր էջում հայտնել է, որ Ֆեյսբուքի և Ինստագրամի իր հարթակներում ընդհանուր դիտումների քանակը հատել է 200 միլիոնի շեմը։
«Ֆեյսբուքի և ինստագրամի էջերով 200 միլիոն դիտումը անցանք»,- նշել է Նիկոլ Փաշինյանը։
Ադրբեջանա-հայկական սահմանին շարունակվում են դելիմիտացիայի և դեմարկացիայի աշխատանքները։ Այս մասին լրագրողների հետ զրույցում հայտարարել է Ջեյհուն Բայրամովը՝ փոխանցում է APA գործակալությունը։
Բայրամովի խոսքով՝ գործընթացը շարունակվում է սահմանային տարբեր հատվածներում։
Նա նաև պնդել է, թե Հայաստանում առկա են «ռևանշիստական մտածողություն ունեցող ուժեր», որոնք, ըստ ադրբեջանցի պաշտոնյայի, «չեն նպաստում դրական արդյունքների»։
Իտալիայում ընթացող Sardinia World Chess Festival 2026 շախմատի միջազգային մրցաշարի ավարտին մնացել է մեկ խաղափուլ:
Նախավերջին խաղափուլում հայ գրոսմայստեր Հայկ Մարտիրոսյանը ոչ-ոքի խաղաց աշխարհի չեմպիոնի կոչման կրկնակի հավակնորդ Յան Նեպոմնյաշչիի հետ, իսկ Մամիկոն Ղարիբյանը հաղթեց 2613 վարկանիշ ունեցող գրոսմայստեր Լեոն Լյուկ Մենդոնկային: Այդ մասին հայտնում է Հայաստանի շախմատի ֆեդերացիան:
Վերջին խաղափուլից առաջ Հայկ Մարտիրոսյանը և Մամիկոն Ղարիբյանը 8 հնարավորից ունեն 6 միավոր և գտնվում են առաջատարների շարքում:
Հնդիկ գրոսմայստեր Մուրալի Կարտիկեյանը և գերմանացի գրոսմայստեր Ֆրեդերիկ Սվանեն ունեն 6.5 միավոր:
Գրոսմայստեր Էմին Օհանյանը ունի 5.5 միավոր, իսկ ՖԻԴԵ-ի վարպետ Սարգիս Մանուկյանը՝ 4.5 միավոր:
Վերջին խաղափուլը կմեկնարկի այսօր՝ Հայաստանի ժամանակով 11:30-ին:
Իտալիայում ընթացող Sardinia World Chess Festival 2026 շախմատի միջազգային մրցաշարի ավարտին մնացել է մեկ խաղափուլ:
Նախավերջին խաղափուլում հայ գրոսմայստեր Հայկ Մարտիրոսյանը ոչ-ոքի խաղաց աշխարհի չեմպիոնի կոչման կրկնակի հավակնորդ Յան Նեպոմնյաշչիի հետ, իսկ Մամիկոն Ղարիբյանը հաղթեց 2613 վարկանիշ ունեցող գրոսմայստեր Լեոն Լյուկ Մենդոնկային: Այդ մասին հայտնում է Հայաստանի շախմատի ֆեդերացիան:
Վերջին խաղափուլից առաջ Հայկ Մարտիրոսյանը և Մամիկոն Ղարիբյանը 8 հնարավորից ունեն 6 միավոր և գտնվում են առաջատարների շարքում:
Հնդիկ գրոսմայստեր Մուրալի Կարտիկեյանը և գերմանացի գրոսմայստեր Ֆրեդերիկ Սվանեն ունեն 6.5 միավոր:
Գրոսմայստեր Էմին Օհանյանը ունի 5.5 միավոր, իսկ ՖԻԴԵ-ի վարպետ Սարգիս Մանուկյանը՝ 4.5 միավոր:
Վերջին խաղափուլը կմեկնարկի այսօր՝ Հայաստանի ժամանակով 11:30-ին:
Ադրբեջանից Հայաստան կուղարկվի 16 վագոն (986 տոննա) դիզելային վառելիք։Այս մասին հայտնում են ադրբեջանական ԶԼՄ-ները։
Հաղորդվում է, որ ՌԴ-ից Ադրբեջանի տարածքով կիրականացվի ևս մեկ բեռնափոխադրում դեպի Հայաստան, կուղարկվեն պարարտանյութով լի 6 վագոն (402 տ) և հացահատիկով լի 4 վագոն (276 տ):
Ջերմ շնորհավորանքներս Պետեր Մադյարին Հունգարիայի վարչապետ ընտրվելու կապակցությամբ։ Այս մասին X-ի իր միկրոբլոգում գրել է ՀՀ վարչապետ Նիկոլ Փաշինյանը։
«Մաղթում եմ հաջողություն Հունգարիայում բարեկեցություն և զարգացում ապահովելու կարևոր առաքելության մեջ։
Պատրաստ ենք զարգացնելու Հայաստանի և Հունգարիայի միջև բարեկամական ու փոխշահավետ հարաբերությունները»,- ասված է գրառման մեջ:
Մայիսի 10-ին` ժամը 03։37-ին, Տավուշի մարզային օպերատիվ կառավարման կենտրոն ահազանգ է ստացվել, որ Իջևան-Դիլիջան ավտոճանապարհի 13-րդ կմ-ին տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Mercedes-Benz մակնիշի ավտոմեքենան դուրս է եկել ճանապարհի երթևեկելի հատվածից և հայտնվել Աղստև գետում, իսկ վարորդը՝ գետի մյուս ափին։
Փրկարարները վարորդին մոտեցրել են շտապօգնության ավտոմեքենային․ վերջինս հոսպիտալացվել է։
ՀՀ վարչապետ Նիկոլ Փաշինյանը սոցցանցերի իր էջերում տեսանյութ է հրապարակել՝ տառ առ տառ արտաբերելով արկածախնդրություն բառը:
«Մայրենի լեզու. դաս երկրորդ»,- տեսանյութը վերնագրել է վարչապետը:
Նշենք, որ այս անգամ էլ Ռոբերտ Քոչարյանը չէր կարողացել արտաբերել «արկածախնդրություն» բառը:
