julbaz.mediamonitoring.am

Երևանի ավագանու հերթական նիստում «Ազգային առաջընթաց» խմբակցության անդամ Պեդրո Զարոկյանը մեղադրեց Տիգրան Ավինյանին ու քաղաքային իշխանության մյուս ներկայացուցիչներին, որ շինարարական ծրագրերի մեծ մասն իրականանցում են հրատապ կարգով։

Ըստ ավագանու ընդդիմադիր անդամի՝ այդ ամենը կոռուպցիայի կասկած է առաջացնում։

«ԱՆԻՖ-ը, քովիդը, տոնական զարդարանքները․ կոռուպցիայի կասկածանքները չեն վերանում, պարո՛ն Ավինյան։ Եթե ընտրություններում պարտվեք, պատրա՞ստ եք քրեական պատասխանատվության։ Եթե էս գործերը բացահայտվեն, ի՞նչ եք անելու, ի՞նչ հաշվարկ եք արել»,- նշեց նա։

Apple-ի սարքավորումների ինժեներիայի բաժնի ղեկավար Ջոն Տերնուսը նշանակվել է ընկերության գործադիր տնօրեն․ գրում է Reuters գործակալությունը։

Տերնուսը կփոխարինի Թիմ Քուքին։

Ընկերության հայտարարության մեջ ասվում է, որ Քուքը, որն իր 15 տարվա ղեկավարման ընթացքում Apple-ի շուկայական արժեքը բարձրացրել է 3.6 տրիլիոն դոլարով, կշարունակի աշխատել կազմակերպությունում Տերնուսի՝ սեպտեմբերի 1-ին պաշտոնը զբաղեցնելուց հետո։

Տերնուսը, միացել է Apple-ին 2001 թվականին։ Թեև նա հանրային ուշադրության կենտրոնում չի եղել, նա խորապես ներգրավված է եղել Apple-ի ամենակարևոր արտադրանքների՝ iPad-ների և AirPods-ների արտադրման գործում:

Փոփոխությունը տեղի է ունենում Apple-ի համար վճռորոշ պահի․ տարիներ շարունակ ամենաարժեքավոր ընկերությունների վարկանիշային աղյուսակի առաջին հորիզոնականում գտնվելուց հետո, Apple-ն իր տիտղոսը զիջել է արհեստական բանականության (AI) չիպեր արտադրող Nvidia ընկերությանը։

Նշվում է, որ iPhone-ներում ավելի հզոր AI տեխնոլոգիաների ինտեգրումը հնարավոր է՝ Տերնուսի ամենադժվար մարտահրավերը լինի։