julbaz.mediamonitoring.am

Իրանի դեմ ԱՄՆ-Իսրայելական շարունակվող պատերազմի ֆոնին, «Ռոսատոմը» Ռուսաստանի պաշտպանության նախարարության հետ համատեղ անցկացնում է Իրանի Բուշերի ատոմակայանի աշխատակիցների «վերջնական ռոտացիա»։ Այս մասին լրագրողներին հայտնել է Ռուսաստանի պետական ​​կորպորացիայի ղեկավար Ալեքսեյ Լիխաչովը։ Նրա խոսքով՝ «Ռոսատոմի» 108 աշխատակից լքում է ատոմակայանը՝ ուղևորվելով Սպահան։ Տեղում մնում է քսան ռուս մասնագետ, որոնք պատասխանատու են սարքավորումների անվտանգության համար։

Ավելի վաղ՝ ապրիլի 4-ին, Իրանի իշխանությունները և պետական ​​լրատվամիջոցները հայտնել էին, որ արկը հարվածել է Բուշերի ատոմակայանի հարակից տարածքին, հարվածի հետևանքով զոհվել է անվտանգության աշխատակից Իրանի քաղաքացի։ Բացի դրանից՝ բեկորները և պայթյունի ալիքը վնասել են ատոմակայանի տարածքում գտնվող շենքերից մեկը, սակայն էլեկտրակայանի հիմնական մասերը չեն վնասվել՝ հաղորդում է Իրանի պետական ​​լրատվական IRNA գործակալությունը։

Իր հերթին, Ատոմային էներգիայի միջազգային գործակալությունը (ԱԷՄԳ) հայտնել է, որ միջադեպի մասին ծանուցում է ստացել Իրանի իշխանություններից։ Կասկածելի հարձակումից հետո ճառագայթման մակարդակի աճ չի գրանցվել։

Սաուդյան Արաբիան, ԱՄԷ-ն և Կատարը շտապ կարգով հակաօդային պաշտպանության համակարգեր են խնդրում Հարավային Կորեայից՝ ամերիկյան արտադրության զենիթային հրթիռների պաշարների սպառման պատճառով: «Արմենպրես»-ի փոխանցմամբ՝ այս մասին գրում է The Wall Street Journal թերթը։

Վերջին շաբաթներին Պարսից ծոցի նշված երկրների զենիթահրթիռային համակարգերի պաշարները զգալիորեն նվազել են իրանական հրթիռների և անօդաչու թռչող սարքերի ալիքները հետ մղելու պատճառով։

Իրանական անօդաչու թռչող սարքերը խոցելու ունակ զենիթահրթիռային համակարգերի քանակը սահմանափակ է, գրում է թերթն՝ ընդգծելով, որ Իրանն օգտագործում է զանգվածային արտադրության ոչ թանկարժեք անօդաչուներ:

Արդյունքում Պարսից ծոցի երկրները, շրջանցելով ԱՄՆ-ն, ձգտում են գտնել մատակարարներ ավելի լայն շրջանակի համակարգերի համար, որոնք կարելի է ավելի արագ և ավելի շահավետ գործարկել։ Այս ֆոնին երկրների հատուկ ուշադրությունն է գրավել հարավկորեական միջին հեռահարության «Չոնգուն-II» ՀՕՊ հրթիռային համակարգը, նշում է հրատարակությունը։

Ֆրանսիայի՝ Եվրոպայի և արտաքին գործերի նախարարության եվրոպական հարցերով լիազոր նախարար Բենժամեն Հադադն ապրիլի 14-ին այցելել է Հայոց ցեղասպանության հուշահամալիր և թանգարան: Ինչպես տեղեկացրին Հայոց ցեղասպանության թանգարան-ինստիտուտից, նախարարին ուղեկցել են ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյին և այլ պաշտոնատար անձինք: Հյուրերին դիմավորել և այցի ընթացքում ուղեկցել է ՀՑԹԻ տնօրենի ժամանակավոր պաշտոնակատար Հրաչյա Թաշչյանը:

Բենժամեն Հադադը ծաղկեպսակ է դրել հուշահամալիրի պատին, ապա պատվիրակության անդամները ծաղիկներ են դրել անմար կրակի մոտ, մեկ րոպե լռությամբ հարգել Հայոց ցեղասպանության զոհերի հիշատակը:

Պատվիրակությունը շրջել է հուշահամալիրի տարածքում, դեսպան Օլիվիե Դըկոտինյինի առաջարկով մոտեցել Հուշապատին, որի հետնամասում հատուկ խորշերի մեջ ամփոփված են 19-րդ դարավերջին և 20-րդ դարասկզբին թուրքական կառավարության իրագործած հայերի զանգվածային կոտորածների և ցեղասպանության դեմ իրենց բողոքի ձայնը բարձրացրած օտարազգի մի շարք հասարակական, քաղաքական գործիչների, մտավորականների և միսիոներների գերեզմաններից վերցված հողով լի փոքր սափորները: Հյուրերը կանգ են առել Անատոլ Ֆրանսի և Լուի Դարթիժ դյու Ֆուռնեի հուշաքարերի մոտ:

Այնուհետև պատվիրակությունն այցելել է Հայոց ցեղասպանության թանգարան, էքսկուրսավար Հասմիկ Մարտիրոսյանի ուղեկցությամբ ծանոթացել մշտական և ժամանակավոր ցուցադրություններին: Բենժամեն Հադադը գրառում է կատարել պատվավոր հյուրերի հուշամատյանում, հետո շրջել նաև թանգարանի վերջին սրահում՝ բացօթյա ներքին բակում, որի կիսաշրջանաձև, տասներկու հավասար հատվածների բաժանված բազալտե պատի վրա փորագրված են ակնառու պետական գործիչների, դիվանագետների, գիտնականների, գրողների` Հայոց ցեղասպանությունը դատապարտող խոսքերը:

Վերջում ՀՑԹԻ տնօրենի ժամանակավոր պաշտոնակատար Հրաչյա Թաշչյանը պարոն Հադադին է նվիրել ՀՑԹԻ ֆրանսերեն պատկերագիրք և Ռայմոնդ Գևորգյանի «Հայոց ցեղասպանությունը և դրա հետևանքները» գրքույկը: