ԱՄՆ նախագահ Դոնալդ Թրամփի հավանության վարկանիշը իջել է 33 տոկոսի։ Սա նրա պաշտոնավարման ընթացքում ամենացածր մակարդակն է եւ իջել է Իրանի դեմ պատերազմի վերաբերյալ հասարակության մտահոգությունների ֆոնին, ցույց են տվել Reuters/Ipsos-ի երկուշաբթի հրապարակած արդյունքները։
Թրամփի գործունեությանը հավանություն է տվել հարցվածների 33 տոկոսը, 64 տոկոսը նրա աշխատանքը բացասական է գնահատել։
Թրամփի հավանության վարկանիշը ամսվա սկզբին իջել էր 35 տոկոսի եւ «այժմ հավասարվել է նրա նախորդ պաշտոնավարման ընթացքում գրանցված ամենացածր ցուցանիշին, որը դիտվել էր 2017 թվականին»։