Եգիպտոսի ֆուտբոլի ազգային հավաքականի գլխավոր մարզիչ Հոսամ Հասանը ուշագնաց է եղել նախկին և ներկայիս կանանց միջև տեղի ունեցած ծեծկռտուքի ժամանակ։
Միջադեպը տեղի է ունեցել Եգիպտոսի հյուսիսային ափին գտնվող հանգստավայրերից մեկում։ Հասանը ներկայիս կնոջ՝ Դան Ադամի հետ հանգստանալիս հանդիպել է նախկին կնոջը՝ Հուվեյդային, և երեխաներին։
Կանանց միջև վեճը սկզբում եղել է բանավոր, սակայն կարճ ժամանակ անց վերածվել է ֆիզիկական բախման։ Ըստ հրապարակումների՝ կանայք միմյանց հարվածել և մազեր են քաշել։
60-ամյա Հասանը փորձել է միջամտել և դադարեցնել կռիվը, սակայն միջադեպի ընթացքում կորցրել է գիտակցությունը։ Դեպքի վայր են կանչվել բուժաշխատողներ։ Հաղորդվում է, որ մարզիչը լուրջ վնասվածքներ չի ստացել։
Ոստիկանությունը ձերբակալել է երկու կանանց էլ։
Թամարա Քալանթարյան