Իրանը որպես «լիովին անհիմն» մերժել է Արաբական Միացյալ Էմիրությունների այն հայտարարությունը, թե Իրանի տարածքից դեպի Էմիրություններ հրթիռներ են արձակվել՝ նշելով, որ այդ մեղադրանքը հակասում է բարիդրացիության քաղաքականությանը և տարածաշրջանային վստահության ամրապնդման ջանքերին։ Այս մասին հայտարարել է Իրանի արտաքին գործերի նախարարության ներկայացուցիչ Էսմայիլ Բաղային, փոխանցում է Mehr-ը։
Նա կոչ է արել տարածաշրջանի կողմերին խուսափել Իրանի հասցեին անհիմն մեղադրանքներից՝ հաշվի առնելով Միացյալ Նահանգների և Իսրայելի «շարունակվող սադրանքները», ինչպես նաև կեղծ դրոշի ներքո իրականացված գործողությունների պատմությունը։
Նա հղում է արել «ԱՄՆ-ի և Իսրայելի գործողություններով պայմանավորված առկա բարդություններին, որոնք ուղղված են տարածաշրջանային խաղաղության և անվտանգության դեմ, ինչպես նաև կեղծ դրոշի ներքո իրականացված բազմաթիվ գործողություններին»։
ԱՄԷ-ն հայտարարել է Իրանից երկու բալիստիկ հրթիռի արձակման մասին
Արաբական Միացյալ Էմիրությունները դադարեցրել են Իրանի հետ բոլոր առևտրային և ֆինանսական գործարքները