Ազգային ժողովում «Քաղաքացիական պայմանագիր» խմբակցության փակ նիստում թեժ իրավիճակ է, ներսից գոռգոռոցի ձայներ են լսվում։ Մասնավորապես, լսելի է ԱԺ փոխխոսնակ Վահագն Ալեքսանյանի ձայնը։
Հիշեցնենք, որ ԱԺ հանձնաժողովների նախագահների ընտրություններին վերաբերող քննարկումներն ավարտվել են, մնացել է ԱԺ տարածաշրջանային և եվրասիական ինտեգրման հարցերի հանձնաժողովի նախագահի թեկնածու Տրդատ Սարգսյանը ամփոփիչ ելույթը։
Այժմ ՔՊ–ում պետք է որոշեն, թե արդյոք հանձնաժողովների նախագահների ընտրությունների քվեարկությունը կազմակերպեն այսօր, թե ոչ։
Հիշեցնենք, որ «Ուժեղ Հայաստան» խմբակցությունը լքել է ԱԺ շենքը, սակայն շենքում է «Հայաստան» խմբակցությունը։