Վատիկանը մտահոգություն է հայտնել Իսրայելի և Լիբանանի միջև հունիսին ԱՄՆ միջնորդությամբ ձեռք բերված շրջանակային համաձայնագրի իրագործման ընթացքում ի հայտ եկած դժվարությունների կապակցությամբ։
Այս մասին ասված է Լիբանանի նախագահ Ժոզեֆ Աունի և Հռոմի Պապ Լևոն XIV-ի հանդիպումից հետո տարածված Սուրբ Աթոռի հայտարարության մեջ։ Վատիկանը հայտարարել է պայմանավորվածությունների կատարմանն ուղղված ջանքերին աջակցելու մասին։
Իր հերթին, Աունը շնորհակալություն է հայտնել Հռոմի պապին՝ իսրայելական հարձակումները դադարեցնելու և օկուպացված տարածքներից իսրայելական ուժերը դուրս բերելու վերաբերյալ Լիբանանի պահանջներին աջակցելու համար, հայտնում է լիբանանյան NNA գործակալությունը։
Նա Լևոն XIV-ին կոչ է արել շարունակել ջանքերը, որպեսզի Իսրայելը կատարի շրջանակային համաձայնագրի պայմանները։