Իսրայելի բանակը հայտարարել է, որ Գազայի հատվածի կենտրոնական մասում՝ Դեյր էլ-Բալահում, բնակելի տանը հասցված ավիահարվածի հետևանքով սպանվել է պաղեստինյան ՀԱՄԱՍ խմբավորման ռազմական թևի հրամանատարներից մեկը։
Ինչպես տեղեկացրել է ՑԱԽԱԼ-ը սոցցանցերում, զոհվածը Շարիֆ ալ-Հասնայաթն է, որին իսրայելցի զինվորականներն անվանել են Դեյր էլ-Բալահի գումարտակի վաշտի հրամանատար։
Իսրայելի բանակի պնդմամբ՝ ալ-Հասնայաթը «անմիջական սպառնալիք» էր ներկայացնում Իսրայելի համար, ինչպես նաև ղեկավարում էր ՀԱՄԱՍ-ի ստորգետնյա ենթակառուցվածքների վերականգնման աշխատանքները։
Հարվածի այլ մանրամասներ և խաղաղ բնակչության շրջանում հնարավոր զոհերի մասին տեղեկություններ ՑԱԽԱԼ-ը չի հայտնել։