Հայաստանի նորընտիր Ազգային ժողովը օգոստոսի 27-ին քննարկում է կառավարության ներկայացրած «Կառավարության կառուցվածքի և գործունեության մասին» օրենքում փոփոխություններ կատարելու մասին օրինագիծը։
Օրենսդրական նախաձեռնությունը խորհրդարանի ամբիոնից ներկայացրեց արդարադատության նախարար Սրբուհի Գալյանը։
Կառավարությունը, սույն օրինագծի շրջանակում, առաջարկում է փոխել երեք նախարարությունների անվանումները։ Այսպես, Բարձր տեխնոլոգիական արդյունաբերության նախարարությունը առաջարկվում է վերանվանել Բարձր տեխնոլոգիական արդյունաբերության և արհեստական բանականության նախարարության, Արտաքին գործերի նախարարությունը՝ Արտաքին գործերի և միջազգային առևտրի նախարարության, իսկ Աշխատանքի և սոցիալական հարցերի նախարարությունը՝ Աշխատանքի և բարեկեցության նախարարության։