Նիկոլ Փաշինյանի՝ երկաթուղու կոնցեսիան Հայաստանին վաճառելու խնդրանքը զարմանալի և «զգացմունքային» է. նշել է Ռուսաստանի արտաքին գործերի նախարար Սերգեյ Լավրովը։
Նախարարի խոսքով՝ Ռուսաստանի և Հայաստանի փոխվարչապետերի միջև կանոնավոր շփումներ են տեղի ունենում, և կարող են քննարկվել հայկական կողմին հետաքրքրող ցանկացած հարց, այդ թվում՝ «Ռուսական երկաթուղիներ»-ին կոնցեսիոն հանձնված Հարավկովկասյան երկաթուղու հետ կապված իրավիճակը։
«Դրա փոխարեն նրանք հրապարակավ հայտարարում են, որ դա «իրենցն» է, և որ մենք նրանց պարտք ենք 2 միլիարդ», – նշել է Լավրովը։
«Ես հասկանում եմ, որ սա մեր քաղաքացիների մոտ հույզեր է առաջացնում՝ բացի տնտեսական վերլուծության վրա հիմնված գնահատականներից։ Ես բացառություն չեմ», – հավելել է նա։