ՌԴ արտաքին գործերի նախարար Սերգեյ Լավրովը հայտարարել է, որ Գերմանիան կրկին պատերազմի է ձգտում՝ արձագանքելով Լայպցիգի օդանավակայանում անօդաչուի միջադեպի շուրջ Բեռլինի մեղադրանքներին։
Լավրովը Գերմանիայի պնդումները, թե Ռուսաստանն առնչություն ունի օդանավակայանում պայթուցիկով զինված անօդաչուի հայտնաբերմանը, անհիմն է անվանել։ Նրա խոսքով՝ Բեռլինի գործողություններն ու մեղադրանքները փաստացի «իրական պատերազմի սկիզբ» են։
Ռուսաստանի արտգործնախարարը նաև հայտարարել է, որ Գերմանիան «կրկին պատերազմ է ուզում» և քննադատել է կանցլեր Ֆրիդրիխ Մերցին՝ Գերմանիան ռազմականացնելու համար։
Գերմանիան սեպտեմբերի 2-ին պաշտոնապես հայտարարել էր, որ Լայպցիգ/Հալլե օդանավակայանում օգոստոսին տեղի ունեցած միջադեպի հետևում Ռուսաստանն է։ Բեռլինը նաև փակել է Գերմանիայում Ռուսաստանի հյուպատոսական և մշակութային կառույցներից մի քանիսը։ Մոսկվան հերքում է մեղադրանքները։