Երեքշաբթի՝ սեպտեմբերի 15-ին, Լեհաստանի մայրաքաղաք Վարշավայում ամբողջությամբ տարհանվել է Ֆրեդերիկ Շոպենի անվան օդանավակայանը։ Դեպքի վայր են կանչվել ռումբերի վնասազերծման մասնագետներ՝ պարզելու, թե արդյոք վտանգ է ներկայացնում թողնված ուղեբեռը։
Այս մասին հայտնում է TVN24-ը։ Ժամը 19:00-ին ոստիկանությունը տեղեկություն է ստացել թողնված ուղեբեռի մասին։ Սահմանապահ ծառայությունը սկսել է պայթուցիկ սարքերի հայտնաբերման գործողություն։
Դեպքի վայրում աշխատում են լեհ ոստիկաններն ու անվտանգության ծառայությունների աշխատակիցները, որոնք ստուգում են տերմինալները։
Առայժմ հայտնի չէ, թե կոնկրետ ով է հայտնել պայթուցիկ սարքի մասին։