Գերմանիայի էկոնոմիկայի նախարար Կատարինա Ռայխեն հայտարարել է, որ Ֆրիդրիխ Մերցի՝ Կիև կատարած այցի ընթացքում Ուկրաինայի նախագահ Վլադիմիր Զելենսկիի հետ հանդիպման ժամանակ քննարկվել են նաև երկրում առկա կոռուպցիոն սկանդալները։ BILD-ին տված հարցազրույցում Ռայխեն բանակցությունները նկարագրել է որպես բարդ՝ ընդգծելով, որ Գերմանիայի համար կարևոր է վերահսկել Կիևին տրամադրվող ֆինանսական միջոցների օգտագործումը։
Ռայխեի խոսքով՝ եթե Ուկրաինան ցանկանում է լրջորեն առաջ շարժվել Եվրամիությանն անդամակցելու ուղղությամբ, ապա կոռուպցիայի դեմ պայքարը պետք է «վերահսկողության տակ վերցնել»։ Նա նշել է, որ Զելենսկիից ստացել են համապատասխան աշխատանքի շարունակման հավաստիացում, սակայն Բեռլինը ակնկալում է ոչ միայն խոստումներ, այլև չափելի արդյունքներ։
Գերմանիան Կիևին տրամադրում է միլիարդավոր եվրոների ռազմական և ենթակառուցվածքային աջակցություն։ Մերցի վերջին այցի ընթացքում Բեռլինը հայտարարել է ևս 1 միլիարդ եվրոյի ռազմական օգնության և 350 միլիոն եվրոյի՝ էներգետիկ ենթակառուցվածքների վերականգնման համար նախատեսված ֆինանսավորման մասին։