Դերասանական զույգի՝ Անահիտ Մանուկյանի և Հայկ Հովհաննիսյանի բաժանման շուրջ լուրերն էլ ավելի սուր ընթացք են ստանում։
Այն բանից հետո, երբ Անահիտը ջնջեց բոլոր համատեղ լուսանկարները, Հայկ Հովհաննիսյանը հանդես է եկել խորհրդավոր ու բավականին ինքնաքննադատական հայտարարությամբ։ Հայկ Հովհաննիսյանն իր ինստագրամյան էջում նոր հրապարակում է արել, որը շատերի կողմից ընկալվել է որպես պատասխան վերջին շրջանում իր հասցեին հնչող խոսակցություններին։
Դերասանը կատարել է հետևյալ մակագրությունը. «Ես ավելի վատն եմ, քան խոսում են իմ մասին»։
Այս տողերը մեծ իրարանցում են առաջացրել հետևորդների շրջանում։ Շատերը ենթադրում են, որ դերասանն այս կերպ ակնարկում է բաժանման մեջ իր «մեղավորության» կամ իր բարդ բնավորության մասին, որը գուցե պատճառ է դարձել հարաբերությունների խզման համար։
Հիշեցնենք, որ զույգի հարաբերությունները թվում էին անխոցելի, հատկապես այն բանից հետո, երբ Հայկը բեմում՝ հարյուրավոր մարդկանց աչքի առաջ, ամուսնության առաջարկություն արեց Անահիտին։ Սակայն այսօրվա իրողությունն այլ է. լուսանկարները ջնջված են, իսկ հրապարակային խոստովանությունները՝ լի ափսոսանքով ու ինքնահեգնանքով։
Հայկի այս գրառումը տարբեր մեկնաբանությունների տեղիք է տվել։
Ոմանք աջակցում են դերասանին՝ կոչ անելով չլսել բամբասանքները, իսկ մյուսները փորձում են տողերի արանքում գտնել բաժանման իրական պատճառները։